बदलापूर पुन्हा हादरलं! ऐन गर्दीच्या वेळी रेल्वे स्थानकामध्ये गोळीबार, एकजण जखमी…

Badlapur Firing: बदलापूर (Badlapur) पुन्हा एकदा हादरलं आहे. बदलापुरात काही दिवसांपूर्वी दोन चिमुकल्या मुलींवर अत्याचाराची घटना घडली होती. हे प्रकरण ताजं असतांनाच आता पुन्हा एकदा भयंकर घटना घडली आहे. बदलापूर रेल्वे स्थानकात गोळीबाराची (Badlapur Firing) घटना घडली आहे. एका तरुणाने दोन जणांवर गोळीबार केला. या घटनेमुळं स्थानकात तणावाचे वातावरण निर्माण झाले होते. गोळीबाराच्या घटनेनं रेल्वे स्थानकात एकच खळबळ उडाली आहे.

Video : इंडिगो फ्लाईटमध्ये पायलटकडून चक्क हिंदीतून घोषणा; नेमकं काय म्हणाला? 

What happened at badlapur Station Platform no 1 Just now ?

Gun firing?? 🔫

Please confirm @Mibadlapurkar @Central_Railway pic.twitter.com/6uM4glqyVV

— Badlapur Maharashtra (@CityTulsi) September 5, 2024

बदलापुरातील रेल्वे स्थानकावर गुरुवारी सायंकाळी सहाच्या सुमारास गोळीबार झाल्याची घटना घडली. अचानक गोळीबार झाल्यानंतर प्रवाशांमध्ये एकच गोंधळ उडाला आहे. या घटनेची माहिती मिळताच पोलीस घटनास्थळी दाखल झाले. वरिष्ठ पोलिस अधिकाऱ्यांनी घटनास्थळी पोहोचून प्राथमिक माहिती घेतली. एका व्यक्तीने दोन जणांवर गोळीबार केल्याची प्राथमिक माहिती मिळाली आहे. दोन ते तीन राऊंड फायर झाल्याचं पोलिसांनी सांगितलं.

आयपीएस अधिकाऱ्यांच्या बदल्या ! पुणे गाजविणारे संदीपसिंह गिल आता ग्रामीणचे ‘एसपी’ 

या गोळीबारात एक जण जखमी झाला. शंकर संसारे असं जखमी झालेल्या व्यक्तीचं नाव आहे. या गोळीबारात सुदैवाने कोणतीही जीवितहानी झालेली नाही. दरम्यान, पोलिसांनी काही वेळातच गोळीबार करण्याला ताब्यात घेतलं आहे. विकास नाना पगारे (वय 25) याला पोलिसांनी अटक केली आहे.

बदलापूर पश्चिम येथील वैशाली टॉकीजसमोर पैशांवरून दोघांमध्ये वाद झाला. यानंतर तीन-चार जणांनी शंकर संसारे याला मारहाण केली. त्यामुळे शंकर बदलापूर रेल्वे स्थानकावर आला. यानंतर विकास पगारे याने त्याच्यावर गोळीबार केल्याचं पोलिसांनी सांगितलं.

दरम्यान, रेल्वे स्थानकावर गोळीबार झाला तेव्हा काही प्रवाशांनी ही घटना आपल्या मोबाईल कॅमेऱ्यात कैद केली. या घटनेचा व्हिडिओही सोशल मीडियावर व्हायरल होत आहे. या व्हिडिओमध्ये एक तरुण गोळीबार करत असल्याचे दिसत आहे. गोळीबार केल्यानंतर प्रवाशांमध्ये एकच धावपळ उडाली. या तरुणाने गोळीबार केल्यानंतर तो पळ काढताना दिसत आहे.

संबंधित बातम्या