कॉनराड संगमा दुसऱ्यांदा मेघालयचे मुख्यमंत्री

शिलॉग : कॉनराड संगमा (Conrad Sangma) यांनी आज दुसऱ्यांदा मेघालयच्या मुख्यमंत्रीपदाची (Meghalaya CM) शपथ घेतली. यावेळी पंतप्रधान नरेंद्र मोदी आणि गृहमंत्री अमित शहा देखील उपस्थित होते. राज्यपाल फागू चौहान यांनी संगमा यांच्यासह 12 मंत्र्यांना शपथ दिली. एनपीपीचे स्नियावभालंग धर आणि प्रेस्टन टेन्सॉंग यांनी उपमुख्यमंत्री म्हणून शपथ घेतली.

भाजपचे अलेक्झांडर लालू हेक यांचाही मंत्रिमंडळात समावेश करण्यात आला आहे. भाजप अध्यक्ष जेपी नड्डा आणि आसामचे मुख्यमंत्री हिमंता बिस्वा सरमा हे देखील शपथविधी सोहळ्याला उपस्थित होते. त्याच वेळी, नागालँडमध्ये, नेफियू रिओ दुपारी 1:45 वाजता पाचव्या कार्यकाळासाठी शपथ घेतील. पंतप्रधान मोदी आणि अमित शहा येथेही उपस्थित राहणार आहेत.

H3N2 virus : H3N2 व्हायरस नक्की काय? काय काळजी घेतली पाहिजे?

मेघालयमध्ये एनपीपी, यूडीपी, भाजप आणि एचएसपीडीपी यांचे युतीचे सरकार स्थापन झाले आहे. संगमा यांनी 32 आमदारांच्या पाठिंब्याचे पत्र राज्यपालांना सादर केले आहे. सोमवारी राज्याचे मुख्यमंत्री आणि एनपीपीचे राष्ट्रीय अध्यक्ष संगमा म्हणाले की, नवीन युतीचे नाव ‘मेघालय डेमोक्रेटिक अलायन्स 2.0’ असेल. त्यांनी सांगितले की, राज्य मंत्रिमंडळात एनपीपीला 8 जागा, यूडीपीला 2 जागा आणि भाजप आणि एचएसपीडीपीला प्रत्येकी एक जागा दिली जाईल.

मेघालयमध्ये 27 फेब्रुवारीला विधानसभेच्या 59 जागांसाठी मतदान झाले होते. 2 मार्च रोजी निवडणुकीचे निकाल जाहीर झाले, ज्यामध्ये NPP 26 जागा जिंकून सर्वात मोठा पक्ष म्हणून उदयास आला. तर, यूडीपीला 11 जागा मिळाल्या. काँग्रेस आणि टीएमसीला प्रत्येकी पाच जागा मिळाल्या. तर भाजपने दोन जागा जिंकल्या.