हेल्थसेक्टरमधील मोठी डील! मणिपाल हेल्थकडून सह्याद्री हॉस्पिटल्सचे 6,400 कोटींमध्ये अधिग्रहण

Manipal Health acquires Sahyadri Hospitals : भारतातील दुसऱ्या क्रमांकाची सर्वात मोठी हॉस्पिटल चेन असलेल्या मणिपाल हेल्थ एंटरप्रायझेसने (Manipal Health Enterprises)कॅनडाच्या ओंटारियो टीचर्स पेन्शन प्लॅन (OTPP) कडून सह्याद्री हॉस्पिटल्सचे (Sahyadri Hospitals) अधिग्रहण केले आहे. हा करार सुमारे ₹६,४०० कोटींमध्ये ($७५० दशलक्ष) झाला असल्याचे सांगितले जात आहे. या कराराची घोषणा 10 जुलै रोजी झाली.

राज्यातील कॅन्टोन्मेंटचे नगरपालिका आणि महापालिकांमध्ये विलिनीकरण, मुख्यमंत्री फडणवीसांची माहिती 

सह्याद्री हॉस्पिटल्सची स्थापना 2004 मध्ये न्यूरोसर्जन चारुदत्त आपटे यांनी केली होती.
सह्याद्री हॉस्पिटल्सच्या अधिग्रहणामुळे मणिपालच्या नेटवर्कमध्ये पुणे, नाशिक, अहिल्यानगर, आणि कराड येथील सह्याद्रीच्या 11 रुग्णालयांचा समावेश झाला आहे, ज्यात १,३०० बेड, २,५०० डॉक्टर आणि ३,५०० सहाय्यक कर्मचारी आहेत.

मणिपालने अनेक स्पर्धकांना टाकले मागे
इकॉनॉमिक टाईम्समधील एका वृत्तानुसार, या करारासाठी मणिपालने फोर्टिस, एस्टर डीएम हेल्थकेअर आणि स्वीडिश प्रायव्हेट इक्विटी फर्म ईक्यूटीला मागे टाकले. मणिपालला सिंगापूरच्या टेमासेक आणि अमेरिकेच्या टीपीजी कॅपिटल सारख्या कंपन्यांचा पाठिंबा आहे.

मणिपाल ग्रुपचे अध्यक्ष रंजन पाई म्हणाले की, हा करार आम्हाला पश्चिम भारतात विस्तार करण्यास आणि अधिक रुग्णांना विश्वस्तरीय आरोग्य सेवा प्रदान करण्यास सक्षम करेल. या करारानंतर, मणिपालची देशभरात १२,००० बेडची क्षमता असेल, असं ते म्हणाले.

1 जुलैपर्यंतची मतदार यादीच स्वराज्य संस्थांच्या निवडणुकीसाठी असणार; राज्य निवडणूक आयुक्तांची माहिती 

OTPP ला २.६ पट परतावा

OTPP ने २०२२ मध्ये सह्याद्री हॉस्पिटल्स ₹२,५०० कोटींना विकत घेतले. तीन वर्षांनंतर, त्यांनी ते ₹६,४०० कोटींना विकले आणि २.६ पट परतावा मिळवला.

मणिपालची विस्तार योजना
मणिपाल हेल्थ गेल्या काही वर्षांपासून वेगाने विस्तारत आहे. २०२३ मध्ये, त्यांनी कोलकातास्थित एएमआरआय हॉस्पिटल्समधील ८४% हिस्सेदारी २,४०० कोटी रुपयांना खरेदी केली. यापूर्वी २०२१ मध्ये कोलंबिया आशियाचे भारतीय ऑपरेशन्सला २,१०० कोटी रुपयांना विकत घेतले.

संबंधित बातम्या