कर्नाटकात भाजपला धक्का बसणार ? ताज्या सर्व्हेत आकडेवारी समोर

बंगळुरू : केंद्रीय निवडणूक आयोगाने पत्रकार परिषद घेत कर्नाटक राज्यातील विधानसभा निवडणुकांच्या तारखा जाहीर केल्या आहेत. कर्नाटकमध्ये एकाच टप्प्यांमध्ये मतदान होणार असून 10 मे रोजी मतदान होणार आहे. 13 मे रोजी निवडणुकीचा निकाल लागणार आहे. कर्नाटक राज्यातील एकुण 224 जागांसाठी मतदान होणार आहे. कर्नाटकमध्ये भाजप सरकार असून 24 मे रोजी त्यांच्या सरकारचा कार्यकाळ संपणार आहे.

यादरम्यान आता कर्नाटकमध्ये कोणत्या पक्षाचं सत्ता येऊ शकते याचा ताजा सर्व्हे समोर आला आहे. एबीपी सी वोटरने केलेल्या सर्व्हेनुसार कॉंग्रेसला सर्वाधिक 115-127 जागा, भाजपला 68-80 तर जेडीएसला 23-35 जागा तसेच इतर पक्षांना 0-2 जागा मिळण्याचा अंदाज व्यक्त करण्यात आला आहे. कर्नाटक विधानसभा निवडणुकांबाबतचा हा पहिला ओपिनियन पोल आहे. या सर्व्हेमध्ये 24 हजार 759 लोकांची मत विचारण्यात आली आहेत. त्यांना वेगवेगळे प्रश्न विचारण्यात आले.

कर्नाटकमध्ये एकुण 5,21,73,579 एवढे मतदार आहेत. तर 9.17 लाख नवीन मतदार जोडले गेले आहेत. याचबरोबर 100 पेक्षा अधिक वय असणारे 16 हजार मतदार आहेत. तसेच ज्यांचे वय 80 असे मतदार आपल्या घरातून मतदान करु शकतात. 1 एप्रिल रोजी ज्यांचे वय 18 पूर्ण होत आहे ते देखील मतदान करु शकतात. कर्नाटकमध्ये सध्या भाजपच्या 117 जागा आहेत. काँग्रेसच्या 69 जागा आहेत तर जेडीएसच्या 32 जागा आहेत.

कर्नाटकात विधानसभा निवडणुकांचं बिगुल वाजलं; 10 मे रोजी होणार मतदान</a>