कानपूरमध्ये मोठा स्फोट, मशिदीजवळ उभ्या असलेल्या दोन स्कूटरमध्ये स्फोट; अनेक जण जखमी

Kanpur Mosque Explode :  उत्तर प्रदेशातील कानपूरमध्ये मशिदीजवळ उभ्या असलेल्या दोन स्कूटरमध्ये स्फोट झाला आहे. या स्फोटमध्ये अनेक जण जखमी झाले

Kanpur Mosque Explode :  उत्तर प्रदेशातील कानपूरमध्ये मशिदीजवळ उभ्या असलेल्या दोन स्कूटरमध्ये स्फोट झाला आहे. या स्फोटमध्ये अनेक जण जखमी झाले असल्याची माहिती सध्या समोर आली आहे. माहितीनुसार, या स्फोटमध्ये एका महिलेसह आठ जण जखमी झाले असून चार जणांची प्रकृती गंभीर असून त्यांना लखनऊ येथे उपचारासाठी रुग्णालयात दाखल करण्यात आले आहे. तर दुसरीकडे फॉरेन्सिक, बॉम्ब आणि एटीएस पथके दाखल झाली आहे. दोन्ही स्कूटरमध्ये स्फोटके लावण्यात आली होती. मेस्टन रोडवरील मूलगंजमधील बिसतखाना येथे ही घटना घडली असल्याची माहिती एका अधिकाऱ्याने दिली.

सध्या संपूर्ण परिसर सील करण्यात आला असून या प्रकरणाचा पुढील तपास सुरु करण्यात आला असल्याची माहिती देखील अधिकाऱ्यांनी दिली. स्फोट इतका शक्तिशाली होता की त्याचा आवाज दूरवर ऐकू आला. जवळच्या मशिदीच्या भिंतींनाही (Kanpur Mosque Explode) नुकसान झाले. पोलिस स्कूटर मालकांचा शोध घेण्याचा प्रयत्न करत आहेत.

तर दुसरीकडे गेल्या आठवड्यात फारुखाबादमधील एक कोचिंग सेंटरमध्ये देखील मोठा स्फोट झाला होता. या स्फोटमध्ये दोन तरुणांचा मृत्यू झाला होता आणि अनेक जण जखमी झाले होते. कोचिंग सेंटरमध्ये स्फोट होण्याचे कारण सेप्टिक टँकमधील गॅस असल्याचा संशय अधिकाऱ्यांनी व्यक्त केला आहे.

कानपूरच्या सीएमओने सांगितले की, आठ जणांना उर्सुला रुग्णालयात आणण्यात आले. त्यापैकी चार जणांची प्रकृती गंभीर असल्याने त्यांना लखनऊ येथे रेफर करण्यात आले. या चौघांनाही 108 रुग्णवाहिकेने हलविण्यात आले. दोघांवर सध्या उर्सुला रुग्णालयात उपचार सुरू आहेत, तर दोघे उपचार घेतल्यानंतर घरी परतले आहेत. पोलिस अधिकारी प्रत्येक पैलूची चौकशी करत आहेत. दिवाळीच्या फटाक्यांसाठी एकत्र आणण्यात येणारी स्फोटके स्फोट झाली असावीत असाही अंदाज आहे.

Shocking news coming from Kanpur: A blast has been reported near the Markaz Mosque, with more than five people injured in the incident. pic.twitter.com/8rTOe13r5a

— Mr Sinha (@MrSinha_) October 8, 2025

स्फोटामुळे आजूबाजूच्या भिंतींनाही नुकसान झाले, ज्यामुळे ते अत्यंत धोकादायक असल्याचे दिसून येते. ही घटना संध्याकाळी 7 वाजण्याच्या सुमारास घडली. मूलगंज पोलिस स्टेशन परिसरातील मिश्री बाजाराजवळील बिसाटी बाजारात दोन स्कूटरचा स्फोट झाला, जेव्हा बाजारात गर्दी होती आणि लोक खरेदी करत होते. जखमींमध्ये दुकानदार, कारागीर आणि ग्राहकांचा समावेश होता.

निलेश घायवळच्या भावाला शस्त्र परवाना अन् गृहराज्यमंत्री योगेश कदमांची कबुली; अनेक चर्चांना उधाण

बेकोनगंज येथील किशोरवयीन कचरा वेचक सुहाना देखील जखमी झाली. याव्यतिरिक्त, डेप्युटी का पाडाव येथे दुकान असलेल्या आणि काही वस्तू घेण्यासाठी आलेल्या लाल बांगला येथील रहिवासी 58 वर्षीय अश्विनी कुमार जखमी झाल्या. इतर जखमींमध्ये पश्चिम बंगालमधील दागिने कारागीर 35 वर्षीय रईसुद्दीन, सध्या बेकोनगंज येथे राहणारा, बिसत खाना येथील क्रीडा साहित्य दुकानदार 24 वर्षीय अब्दुल, बिसत खाना येथील बॅग दुकानदार 25 वर्षीय मोहम्मद मुरसालीन आणि बेल्ट आणि चष्म्याच्या दुकानात काम करणारा मीरपूर येथील रहिवासी 15 वर्षीय झुबिन यांचा समावेश आहे.

संबंधित बातम्या