वाल्मिक कराड ‘इफेक्ट’, धनंजय मुंडेंना मोठा धक्का, बीडचे नवे पालकमंत्री अजित पवार

Dhananjay Munde : राज्य सरकारकडून आज पालकमंत्र्यांची यादी जाहीर करण्यात आली आहे. या यादीनुसार राज्याचे मुख्यमंत्री देवेंद्र फडणवीस (Dhananjay Munde) यांच्याकडे गडचिरोली जिल्ह्याची जबाबदारी देण्यात आली आहे. तर पुणे आणि बीड जिल्ह्याची जबाबदारी उपमुख्यमंत्री अजित पवार (Ajit Pawar) यांच्याकडे देण्यात आली आहे. तर उपमुख्यमंत्री एकनाथ शिंदे (Eknath Shinde) यांच्याकडे ठाणे आणि मुंबई शहराची जबाबदारी देण्यात आली आहे.

गेल्या काही दिवसांपासून संपूर्ण राज्यात गाजत असलेल्या बीड येथील संतोष देशमुख हत्या प्रकरणामुळे धनंजय मुंडे यांना पुन्हा एकदा पालकमंत्री पदाची जबाबदारी मिळणार का? याबाबत राजकीय वर्तुळात अनेक तर्कवितर्क लावण्यात येत होते. मात्र आता राज्य सरकारकडून पालकमंत्र्यांची यादी जाहीर करण्यात आली असून या यादीतून मंत्री धनंजय मुंडे यांचा पत्ता कट करण्यात आला आहे. त्यामुळे धनंजय मुंडे यांना मोठा धक्का मनाला जातात आहे.

सरपंच संतोष देशमुख हत्या प्रकरणात भाजप आमदार सुरेश धस यांच्यासह विरोधकांनी मंत्री धनंजय मुंडे (Dhananjay Munde) आणि वाल्मिक कराड (Valmik Karad) यांच्यावर अनेक गंभीर आरोप करत धनंजय मुंडे यांना पालकमंत्री पदाची जबाबदारी देण्यात येऊ नये अशी मागणी केली होती. त्यामुळे मुख्यमंत्री देवेंद्र फडणवीस काय निर्णय घेणार? याकडे सर्वांचे लक्ष लागून होते.

सरपंच संतोष देशमुख हत्या प्रकरणात विरोधकांच्या टीकेला सामोरे जात असलेल्या सरकारने सावध भूमिका घेत धनंजय मुंडे यांचा पालकमंत्र्यांच्या यादीतून पत्ता कट केला असल्याची चर्चा आता राजकीय वर्तुळात सुरु झाली आहे. तर दुसरीकडे पंकजा मुंडे (Pankaja Munde) यांच्याकडे जालना जिल्ह्याची जबाबदारी देण्यात आली आहे.

पहा संपूर्ण यादी 
जिल्हा                       पालकमंत्री
गडचिरोली          :       देवेंद्र फडणवीस
ठाणे, मुंबई शहर  :       एकनाथ शिंदे
पुणे व बीड           :      अजित पवार
नागपूर, अमरावती  :    चंद्रशेखर बावनकुळे
अहिल्यानगर         :      राधाकृष्ण विखे
वाशिम               :         हसन मुश्रीफ
सांगली              :          चंद्रकांत पाटील
नाशिक               :          गिरीश महाजन
पालघर               :          गणेश नाईक
जळगाव              :         गुलाबराव पाटील
यवतमाळ            :         संजय राठोड
मुंबई उपनगर       :         आशिष शेलार, मंगलप्रभात लोढा (सह-पालकमंत्री)
रत्नागिरी               :          उदय सामंत
धुळे                     :         जयकुमार रावल
जालना                :           पंकजा मुंडे
नांदेड                  :           अतुल सावे
चंद्रपूर                :            अशोक उईके
सातारा                :             शंभूराज देसाई
रायगड               :              आदिती तटकरे
लातूर                 :                शिवेंद्रराजे भोसले
नंदुरबार              :               अॅड. माणिकराव कोकाटे
सोलापूर               :              जयकुमार गोरे
हिंगोली                 :              नरहरी झिरवाळ
भंडारा                    :            संजय सावकरारे
संभाजीनगर           :              संजय शिरसाट
धाराशिव                :              प्रताप सरनाईक
बुलढाणा               :               मकरंद जाधव-पाटील
सिंधुदुर्ग                 :               नितेश राणे
अकोला                 :               आकाश फुंडकर
गोंदिया                  :                बाबासाहेब पाटील
कोल्हापूर              :                 प्रकाश आबिटकर, माधुरी मिसाळ (सहपालकमंत्री)
गडचिरोली             :               आशिष जयस्वाल (सह-पालकमंत्री)
वर्धा-                      :               पंकज भोयर
परभणी                   :              मेघना साकोरे-बोर्डीकर

सैफ अली खान प्रकरणात मुंबई पोलीस थेट मध्य प्रदेशात, एक संशयित ताब्यात

संबंधित बातम्या