महाराष्ट्रात काँग्रेसची कमान कोणाकडे? अध्यक्षपदासाठी ‘या’ नावांची चर्चा

Maharashtra Congress President : नोव्हेंबर 2024 मध्ये झालेल्या महाराष्ट्रात विधानसभा निवडणुकीमध्ये झालेल्या दारुण पराभवानंतर काँग्रेस (Congress) प्रदेशाध्यक्ष नाना पटोले (Nana Patole) यांनी राजीमाना देण्याची तयारी दर्शवली आहे. त्यानंतर काँग्रेस हायकमांड राज्याची कमान कोणाकडे देणार याकडे सर्वांचे लक्ष लागून आहे. यातच आता एक मोठी बातमी समोर आली आहे. माहितीनुसार, काँग्रेस हायकमांडकडून महाराष्ट्र प्रदेशाध्यक्ष पदासाठी चार नावांवर विचार करण्यात येत आहे.

नुकतंच नाना पटोले यांनी दिल्ली दौऱ्यावर लोकसभा विरोधी पक्षनेते राहुल गांधी (Rahul Gandhi) यांची भेट घेतली आहे. या भेटीनंतर पुढील आठवड्यात काँग्रेसला नवीन प्रदेशाध्यक्ष मिळणार असल्याची माहिती समोर आली आहे. सध्या समोर आलेल्या माहितीनुसार, महाराष्ट्रात काँग्रेस प्रदेशाध्यक्ष पदासाठी काँग्रेस हायकमांडकडून सतेज बंटी पाटील (Satej Bunty Patil) , अमित देशमुख (Amit Deshmukh) , आमदार विश्वजीत कदम (Vishwajit Kadam) आणि हर्षवर्धन सपकाळ (Harshvardhan Sapkal) यांच्या नावाचा विचार करण्यात येत आहे. त्यामुळे आता काँग्रेसची राज्यात कमान कोणाला मिळणार याबाबत राजकीय वर्तुळात अनेक चर्चांना उधाण आले आहे.

तर दुसरीकडे गेल्या काही दिवसांपासून अमित देशमुख काँग्रेसचे नवे प्रदेशाध्यक्ष होणार असल्याची चर्चा राजकीय वर्तुळात रंगली होती मात्र आता प्रदेशाध्यक्ष पदासाठी आणखी तीन वाढल्याने काँग्रेसकडून कोणाला संधी मिळणार हे पुढील काही दिवसात स्पष्ट होणार आहे. विधानसभा निवडणुकीत काँग्रेसला फक्त 16 जागांवर विजय मिळवता आला होता त्यानंतर प्रदेशाध्यक्ष नाना पटोले यांनी राजीमाना देण्याची तयारी केली होती.

तर नुकतंच झालेल्या दिल्ली दौऱ्यावर त्यांनी राहुल गांधी यांची भेट घेतल्यानंतर आता महाराष्ट्र काँग्रेसला नवा प्रदेशाध्यक्ष मिळणार असल्याचे म्हटले जात आहे.

कोण आहेत हर्षवर्धन सपकाळ?

प्रदेशाध्यक्ष पदासाठी काँग्रेस हायकमांडकडून हर्षवर्धन वसंतराव सपकाळ यांच्या नावाचा देखील विचार करण्यात येत आहे. हर्षवर्धन सपकाळ बुलढाण्यातील काँग्रेसचे निष्ठावंत नेते असून ते गांधी घराण्याशी जवळीक असल्याने तेही रेसमध्ये आहेत.

पुणेकरांना आनंदाची बातमी, तयार होणार येरवडा-कात्रज भुयारी मार्ग , मुख्यमंत्री फडणवीसांची मोठी घोषणा

हर्षवर्धन सपकाळ यांनी आतापर्यंत काँग्रेसच्या राज्य व राष्ट्रीय स्तरावरील विविध उपक्रमात सक्रिय सहभाग नोंदवला आहे. सध्या ते राजीव गांधी पंचायत राज संघटनचे उपाध्यक्ष म्हणून कार्यरत आहेत.

संबंधित बातम्या