… तेव्हा मुंडे साहेब वेगळा पक्ष काढणार होते, छगन भुजबळांनी सांगितला ‘तो’ किस्सा

Chhagan Bhujbal On Gopinathrao Munde : स्वर्गीय मुंडे साहेब आणि मी 2002 मध्ये वेगळा पक्ष काढणार होतो असा खुलासा आज राज्याचे माजी मंत्री आणि राष्ट्रवादी काँग्रेसचे (NCP) जेष्ठ नेते छगन भुजबळ (Chhagan Bhujbal) यांनी केला आहे. ते आज नाशिक (Nashik) येथे माध्यमांशी बोलत होते.

नाशिक येथे आयोजित वारकरी भवनातील कार्यक्रमात बोलताना भारतीय जनता पक्षाचे ज्येष्ठ, दिवंगत नेते गोपीनाथ मुंडे (Gopinathrao Munde) यांच्यावर प्रेम करणाऱ्या व्यक्तींना एकत्र गोळा केलं तर एक वेगळा पक्ष उभा राहील असं वक्तव्य भाजप नेत्या आणि मंत्री पंकजा मुंडे (Pankaja Munde) यांनी केलं होतं. यावर प्रतिक्रिया देत छगन भुजबळ यांनी मोठा खुलासा केला आहे.

माध्यमांशी बोलताना छगन भुजबळ म्हणाले की, 2002 मध्ये मी उपमुख्यमंत्री होतो तेव्हा स्वर्गीय गोपीनाथराव मुंडे माझ्याकडे आले आणि म्हणाले की, आपण एक वेगळा पक्ष काढू. तुम्ही, मी, गणपतराव देशमुख (Ganpatrao Deshmukh) आणि रामदास आठवले (Ramdas Athawale) एक पक्ष काढू आणि आपला पक्ष योग्य रीतीने पुढे जाईल, अंस ते म्हणाले होते.

तेव्हा मी उपमुख्यमंत्री असल्याने मी त्यांना म्हटलं की, मला पदाचा राजीनामा द्यावा लागेल. ते देखील उपनेते होते त्यामुळे त्यांना देखील राजीनामा द्यावा लागेल. असं मी त्यांना म्हटलं. तसेच मला काही हरकत नाही, इतर लहान घटकांना घेऊन पक्ष निघत असेल तर हरकत नाही असं देखील मी त्यांना म्हटलं पण त्यांनी नंतर तो विषय सोडून दिला. असं माजी मंत्री छगन भुजबळ म्हणाले.

पुढे बोलताना छगन भुजबळ म्हणाले की, आज स्वतंत्र पक्ष कोणीही काढू शकतो, पंकजाताई म्हणतात त्याप्रमाणे तो मोठा पक्षही असू शकेल, पण माझं म्हणणं आहे की, एका समाजावर पक्ष काढणं आणि त्यामध्ये यश मिळवणं, हे कितपत यशदायी आहे, याची मला कल्पना नाही, मग तो कुठलाही समाज असो, असं देखील यावेळी छगन भुजबळ म्हणाले.

स्व. मुंडे साहेबांना मानणारा वर्ग मोठा

तसेच आज आपल्याकडे किती उदाहरण आहेत, काही समाजाने, घटकाने वेगवेगळे पक्ष काढले, ते कितपत चालले, त्यांना कितपत यश आले, याचा लेखाजोगा त्यांनी घ्यावा पण त्यांनी त्याचा अभ्यास केला असेल मात्र त्यांनी मात्र त्यांनी असं म्हटलं म्हणून त्या काही पक्ष काढतील, असं काही मला वाटत नाही. स्व. मुंडे साहेबांना मानणारा वर्ग मोठा आहे, एवढाच अर्थ त्याचा आहे. असं मला वाटतं असंही यावेळी छगन भुजबळ म्हणाले.

शर्वरीचा समुद्रकिनाऱ्यावर टायर फ्लिप वर्कआउट; ‘अल्फा’च्या एक्शन शेड्यूलसाठी तयारी सुरू!

गोपीनाथ मुंडे यांच्यावर प्रेम करणाऱ्या लोकांमध्ये वेगळा पक्ष उभा करण्याची ताकद आणि तितकी संख्या आहे. फक्त तेच गोळा केले तर वेगळा पक्ष निर्माण होऊ शकतो. असं नाशिक येथे आयोजित वारकरी भवनातील कार्यक्रमात पंकजा मुंडे म्हणाल्या होत्या.

संबंधित बातम्या