बुद्धीबळपटूंनी गाजवली बुद्धीबळ चॅम्पियनशिप स्पर्धा, सुरेंद्र पठारे फाऊंडेशन तर्फे आयोजन

Surendra Pathare Foundation : सुरेंद्र पठारे फाऊंडेशनच्या वतीने 3 जानेवारी ते 8 फेब्रुवारी या कालावधीत पार पडणाऱ्या एसपीएफ स्पोर्ट्स मेनियातील (SPF Sports Mania) बुद्धीबळ चॅम्पियनशिप स्पर्धा (Chess Championship Tournament) शनिवारी व रविवारी (ता. 25, 26) संपन्न झाली. संपूर्ण पुणे (Pune) शहरातून या स्पर्धेत विविध वयोगटातील बुद्धीबळपटू सहभागी झाले होते. तसेच, वडगावशेरी मतदारसंघाचे आमदार बापूसाहेब पठारे (Bapusaheb Pathare) यांनी देखील स्पर्धेला भेट दिली. भेटीदरम्यान सहभागी स्पर्धकांशी संवाद साधत शुभेच्छा दिल्या.

सोबतच, सुरेंद्र पठारे फाऊंडेशनने (Surendra Pathare Foundation) केलेल्या आयोजनाचे कौतुक केले. “सुरेंद्र पठारे फाऊंडेशन दरवर्षी बुद्धीबळ स्पर्धेचे आयोजन करत असते आणि आम्ही आवर्जून या स्पर्धेत सहभागी होत असतो. एक उत्तम व्यासपीठ आम्हाला या स्पर्धेतून आमची कौशल्ये दाखवण्यासाठी उपलब्ध झाले आहे”, असे म्हणत स्पर्धकांनी आभार व्यक्त केले.

“बुद्धीबळ खेळात आपला देश चौसष्ट घरांचा राजा म्हणून ओळखला जात आहे. मागील काही महिन्यांत डी. गुकेश, प्रज्ञानंद रमेशबाबू, वैशाली रमेशबाबू यांसारख्या युवा बुद्धीबळपटूंनी केलेली उल्लेखनीय कामगिरी कौतुकास्पद आहे. या स्पर्धेतूनही उद्याचे नवे बुद्धीबळपटू तयार होतील व देशाचे नाव उज्ज्वल करतील, ही खात्री आहे.

एसपीएफ स्पोर्ट्स मेनियाचा उद्देशच मुळात क्रीडा संस्कृती रुजवणे व सर्वांमध्ये क्रीडा क्षेत्राबाबत सकारात्मक दृष्टिकोन निर्माण करणे असून जो, की हळूहळू साध्य होतो आहे,” असे सुरेंद्र पठारे फाऊंडेशनचे अध्यक्ष सुरेंद्र बापूसाहेब पठारे म्हणाले.

जसप्रीत बुमराहने करून दाखवलं, ‘सर गारफील्ड सोबर्स’ पुरस्कार जिंकणारा ठरला पहिला भारतीय गोलंदाज

एसपीएफ स्पोर्ट्स मेनियातील बॅडमिंटन, स्विमिंग, कॅरम, बास्केटबॉल या स्पर्धा पुढील आठवड्यात संपन्न होणार असून नागरिकांनी जास्तीतजास्त सहभाग नोंदवावा, असे आवाहन सुरेंद्र पठारे फाऊंडेशनच्या वतीने करण्यात आले आहे.

संबंधित बातम्या