जसप्रीत बुमराहने करून दाखवलं, ‘सर गारफील्ड सोबर्स’ पुरस्कार जिंकणारा ठरला पहिला भारतीय गोलंदाज

Jasprit Bumrah :  भारतीय संघाचा स्टार खेळाडू  जसप्रीत बुमराहने (Jasprit Bumrah) पुन्हा एकदा भारतीय क्रिकेटसाठी शानदार कामगिरी केली आहे.  बुमराहने  ‘सर गारफील्ड सोबर्स’ (Sir Garfield Sobers) पुरस्कार जिंकला आहे. याच बरोबर त्याला 2024 चा ‘आयसीसी पुरुष क्रिकेटपटू ऑफ द इयर’ पुरस्कार देण्यात आला आहे. सर गारफील्ड सोबर्स पुरस्कार जिंकणारा बुमराह 5वा भारतीय खेळाडू ठरला आहे तर पहिला भारतीय वेगवान गोलंदाज बनला आहे.

बुमराहने 2024 मध्ये  सर्वाधिक 86 विकेट्स घेतल्या आहे. त्याने कसोटी क्रिकेटमध्ये 13 सामन्यात 71 विकेट्स घेतले आहे. नुकतंच झालेल्या  बॉर्डर-गावस्कर ट्रॉफीमध्ये त्याने शानदार कामगिरी करत 32 विकेट्स घेतले होते. तर  2024 च्या टी-20 विश्वचषकात त्याने 15  विकेट्स घेतले होते त्यावेळी देखील बुमराहला  ‘प्लेअर ऑफ द टूर्नामेंट’ म्हणून निवडण्यात आले होते.

‘सर गारफील्ड सोबर्स’ पुरस्कार बुमराहने पहिल्यांदाच जिंकले आहे. यापूर्वी राहुल द्रविड (2004), सचिन तेंडुलकर (2010), रविचंद्रन अश्विन (2016) आणि कोहली (2017, 2018) यांनी ही ट्रॉफी जिंकली आहे.

आयसीसीने 2024 च्या कसोटी संघात बुमराहचाही समावेश केला आहे. तो सध्या आयसीसीच्या कसोटी क्रमवारीत अव्वल क्रमांकाचा गोलंदाज आहे.  बुमराहने ऑस्ट्रेलियन फलंदाज ट्रॅव्हिस हेड, इंग्लंडचा दिग्गज फलंदाज जो रूट आणि युवा क्रिकेटपटू हॅरी ब्रुक यांना हरवून ‘सर गारफिल्ड सोबर्स’ ट्रॉफी जिंकली. ही ट्रॉफी वर्षभरात सर्वोत्तम कामगिरी करणाऱ्या क्रिकेटपटूला दिली जाते.

घाबरायचे नाही, इथे बाप बसलाय; मी असल्यावर…वाल्मिक कराड व पोलिस अधिकाऱ्याचा कॉल रेकॉर्ड व्हायरल !

जगातील महान क्रिकेटपटूंपैकी एक असलेल्या गारफिल्ड सोबर्स यांच्या नावावर हा वर्षातील सर्वोत्तम पुरुष क्रिकेटपटू पुरस्कार दिला जातो. बुमराहने एका व्हिडिओ स्टेटमेंटमध्ये म्हटले आहे की, “या सन्मानाने मी खूप आनंदी आहे पण मी माझे पाय जमिनीवर ठेवतो.” या यशांमुळे मी खूप आनंदी आहे.”

संबंधित बातम्या