तनिषा भिसे मृत्यू प्रकरणानंतर राज्य सरकार अलर्ट! धर्मादाय रुग्णालयांसाठी मोठा निर्णय, नवे निर्देश जारी

Maharashtra Goverment Guidelines For Charitable Hospital : पुण्यातील (Pune) दीनानाथ मंगेशकर या धर्मादाय रूग्णालयात (Charitable Hospital) तनिषा भिसे नावाच्या गर्भवती महिलेचा (Tanisha Bhise Death) उपचाराअभावी मृत्यू झाला होता. त्यानंतर राज्य सरकार अलर्ट मोडवर आलंय. सरकारने राज्यातील धर्मादाय रूग्णालयांसाठी एक महत्त्वाचा निर्णय घेतला आहे. या पार्श्वभूमीवर नवे निर्देश देखील जारी करण्यात आले आहेत. या निर्देशांमध्ये नेमकं काय आहे, ते आपण सविस्तर जाणून घेऊ या.

सरकारचे नवे निर्देश कोणते?

यापुढे धर्मादाय रूग्णालयांनी (Mangeshkar Hospital) अनामत रकमेअभावी उपचार नाकारू नये. कोणत्याही आपत्कालीन परिस्थितीमध्ये रूग्णांवर प्राधान्याने उपचार करण्यात यावेत. तसेच गर्भवतींच्या उपचारांचा आपत्कालीलन परिस्थितीमध्ये समावेश करावा, या बाबींचा नव्या निर्देशांमध्ये समावेश आहे.

‘भाजपमध्ये या’, चंद्रकांत पाटलांकडून महिनाभरात विशाल पाटलांना दुसऱ्यांदा ऑफर …कारण काय?

पुण्याच्या दीनानाथ मंगेशकर रुग्णालयामध्ये पैशाअभावी गर्भवती महिलेला दाखल करून घेण्यास टाळाटाळ केल्याचा प्रकार उघडकीस आला होता. या प्रकरणाची चौकशी करण्यासाठी धर्मादाय सहआयुक्त, पुणे यांच्या अध्यक्षतेखाली एक समिती स्थापन करण्यात आलेली होती. या समितीने चौकशी करून अहवाल अन् निष्कर्ष राज्य सरकारला सादर केले होते. या अहवालातील शिफारशींच्या अनुषंगाने सरकारकडून आठ मार्गदर्शक सूचना जारी करण्यात आल्यात.

महाराष्ट्रात तापमानात रोज वाढ; राज्यातील अनेक जिल्ह्यात पाणीटंचाई, वाचा, कुठ काय स्थिती?

आठ मार्गदर्शक सूचना

रुग्णालयामध्ये जमा होणारा निर्धन रुग्ण निधी शिल्लक नसल्याच्या कारणाने रुग्ण उपचारापासून वंचित राहू नये. राज्यातील सर्व धर्मादाय रुग्णालयांनी महात्मा जोतिबा फुले जनआरोग्य योजना, आयुष्मान भारत योजना, राष्ट्रीय बाल स्वास्थ कार्यक्रम या आरोग्याशी संबंधित सर्व योजना लागू कराव्या. आयव्हीएफ खात्याबाबतची अद्ययावत माहिती रुग्णालयांकडून घेऊन धर्मादाय आयुक्त यांच्या संकेतस्थळावर नियमितपणे अद्ययावत करण्यात यावी, या सूचनांचा त्यामध्ये समावेश आहे.

गर्भवती महिला तनिषा भिसे मृत्यूप्रकरणी दीनानाथ रुग्णालयाप्रमाणेच मणिपाल, सूर्या आणि इंदिरा आयव्हीएफ या रुग्णालयांना देखील महाराष्ट्र मेडिकल कौन्सिलकडे अहवाल सादर करावा लागणार आहे. या सर्व रुग्णालयांचा अहवाल मिळाल्यानंतर अभ्यास करून महाराष्ट्र मेडिकल कौन्सिल अंतिम निर्णय देणार आहे. दरम्यान सोमवारी तनिषा भिसे मृत्यू प्रकरणी मुंबईत सुनावणी पार पडली. गर्भवतीच्या नातेवाईकाने त्यांची बाजू मांडल्याची माहिती मिळतेय.

संबंधित बातम्या