पीसीसीओई जॉब फेअर : सहा हजार जागांसाठी पीसीसीओईत भव्य रोजगार मेळावा

PCCOE Job Fair – पुणे येथे शनिवारी 18 एप्रिल सकाळी नऊ वाजता “पीसीसीओई जॉब फेअर – २०२६” चे भव्य आयोजन करण्यात आले आहे.

पिंपरी : पिंपरी-चिंचवड एज्युकेशन ट्रस्टच्या पिंपरी चिंचवड कॉलेज ऑफ इंजिनीरिंग (पीसीसीओई), निगडी, पुणे येथे शनिवारी 18 एप्रिल सकाळी नऊ वाजता “पीसीसीओई जॉब फेअर – २०२६” चे भव्य आयोजन करण्यात आले आहे. हा उपक्रम भारत सरकारच्या बोर्ड ऑफ अँप्रेन्टीसशिप ट्रेनिंग (BOAT), महाराष्ट्र असोसिएशन ऑफ टीपीओ (MaTPO),आणि ऑल इंडिया टीपीओ असोसिएशन (AITPO) यांच्या सहकार्याने राबविण्यात येत असून, विद्यार्थ्यांसाठी नोकरी, अप्रेंटिसशिप आणि इंटर्नशिपच्या मोठ्या संधी उपलब्ध असणार आहेत, अशी माहिती पीसीईटी सेंट्रल प्लेसमेंट सेलचे अधिष्ठाता व महाराष्ट्र असोसिएशन ऑफ टीपीओ आणि ऑल इंडिया टीपीओ असोसिएशन चे अध्यक्ष डॉ. शितलकुमार रवंदळे यांनी दिली.

या जॉब फेअरमध्ये डिप्लोमा, बीई/बीटेक,बीएससी, बीसीएस, बीसीए, बीए, बीकॉम, बीबीए, बीफार्म, एमबीए, आयटीआय तसेच इतर विविध अभ्यासक्रमांच्या विद्यार्थ्यांना सहभागाची संधी मिळणार आहे. २०२६ बॅचचे अंतिम वर्षाचे विद्यार्थी, २०२७ बॅचचे प्री-फायनल वर्षातील विद्यार्थी तसेच जून/जुलै २०२५, २०२४, २०२३, २०२२ आणि २०२१ मध्ये उत्तीर्ण झालेले विद्यार्थी देखील या जॉब फेअरसाठी पात्र असतील. उमेदवारांना नोकरी, अप्रेंटिसशिपच्या व इंटर्नशिपच्या संधी उपलब्ध होणार आहेत.

या जॉब फेअरच्या आयोजनासाठी संस्थेचे अध्यक्ष माजी आमदार ज्ञानेश्वर लांडगे, उपाध्यक्षा पद्माताई भोसले, सचिव विठ्ठल काळभोर, खजिनदार शांताराम गराडे, ट्रस्टी हर्षवर्धन पाटील, युवा उद्योजक नरेंद्र लांडगे, युवा उद्योजक अजिंक्य काळभोर, कार्यकारी संचालक डॉ. गिरीश देसाई, संचालक डॉ. गोविंद कुलकर्णी तसेच बोट चे संचालक श्री. पी. एन. जुमले, उपसंचालक एन. एन. वडोदे यांचे विशेष मार्गदर्शन लाभले आहे.

या जॉब फेअरमध्ये नामांकित अशा कंपन्यांचा सहभाग असणार आहे. त्यामध्ये कमिन्स इंडिया (Cummins India), जॉन डिअर इंडिया (John Deere India), दाना इंडिया (Dana India), पियाजिओ व्हेईकल्स (Piaggio Vehicles), प्रीमियम ट्रान्समिशन (Premium Transmission), फ्लॅश इलेक्ट्रॉनिक्स (Flash Electronics), सँडविक (Sandvik), फियाट इंडिया (FIAT India) यांसारख्या आघाडीच्या कंपन्यांसह सुमारे १०० कंपन्या सहभागी होणार आहेत.

आतापर्यंत सुमारे 70 कंपन्यांनी या जॉब फेअर साठी रेजिस्ट्रेशन केले आहे व त्यामध्ये सुमारे ६,०४५ रिक्त पदे उपलब्ध असणार आहेत. या जॉब फेअर मध्ये डिप्लोमा विद्यार्थ्यांसाठी सुमारे ४,३०० रिक्त पदे आहेत. तसेच इतर अभ्यासक्रमांच्या विद्यार्थ्यांसाठी नोकरी, अप्रेंटिसशिप व इंटर्नशिपसाठी सुमारे १,७४५ रिक्त पदे उपलब्ध असणार आहेत.

या जॉब फेअरच्या नोंदणीसाठी विद्यार्थ्यांनी खालील लिंकवर नोंदणी करावी

या जॉब फेअरच्या यशस्वी आयोजनासाठी सेंट्रल प्लेसमेंट सेलतर्फे डॉ. शितलकुमार रवंदळे, प्रा. संदीप पिल्लेवार, प्रा. ऋषिकेश पांडे, प्रा. विजय टोपे, प्रा. दीपक वाघ, प्रा. हीना शर्मा, प्रा. डेन्झेटा लोबो, प्रा. पायल काळे, मंगेश काळभोर यांच्यासह २०० हून अधिक विद्यार्थी प्रतिनिधी सक्रियपणे परिश्रम घेत आहेत.

संबंधित बातम्या