‘पुनीत बालन ग्रुप’चा पैलवान सिकंदर शेख 2024 चा रुस्तुम-ए-हिंद; पंजाबमध्ये मिळालं यश

Pune News : ‘पुनीत बालन ग्रुप’चा खेळाडू असलेल्या ‘महाराष्ट्र केसरी’ सिकंदर शेखने पंजाबमध्ये झालेल्या स्पर्धेत बाजी मारत रुस्तुम-ए-हिंद हा मानाचा किताब जिंकला. हा किताब जिंकणारा शेख हा महाराष्ट्रातील चौथा पैलवान ठरला असून त्याच्या या विजयाबद्दल ‘पुनीत बालन ग्रुप’कडून अभिनंदन करण्यात आले आहे. सन २०२३ मध्ये सिकंदर शेखने ‘महाराष्ट्र केसरी’ कुस्ती जिंकून ६६ वा महाराष्ट्र केसरी होण्याचा बहुमान मिळविला होता. यानंतर कुस्तीमधील त्याच्या पुढील करिअरसाठी ‘पुनीत बालन ग्रुप’ने मदत करण्याचा निर्णय घेतला होता. त्यानुसार ‘पुनीत बालन ग्रुप’ आणि सिकंदर शेख यांच्यात सामंजस्य करार झाला आहे.

या मदतीच्या आधारे शेख याची विविध कुस्ती स्पर्धांत भाग घेण्याची आणि त्यात विजय मिळविण्याची घौडदौड जोमाने सुरू आहे. पंजाब मधील जांडला (जि. जालंधर) येथे 2024 च्या रुस्तुम-ए-हिंद स्पर्धेचे आयोजन करण्यात आले होते. या स्पर्धेत देशातील अनेक नामवंत पैलवानांनी सहभाग घेतला होता. मात्र, त्यांना धूळ चारत सिकंदर शेखने रुस्तुम-ए-हिंद किताब पटकावला.

पुनित बालन ग्रुप आपला पुणे मॅरेथॉन सीझन-4 आयोजित करणार; दहा हजार धावपटू सहभागी होणार

या रुस्तुम-ए-हिंद या किताबावर नेहमीच उत्तर भारतीय मल्लांचे वर्चस्व राहिले आहे. महाराष्ट्रातील पै. हरीशचंद्र बिराजदार, अमोल बुचुडे आणि असाब अहमद यांनीच हा किताब जिंकल्याचे सांगितले जाते. त्यांच्यानंतर आता सिकंदर शेख हा किताब जिंकणारा महाराष्ट्रातील चौथा मल्ल ठरला आहे. या स्पर्धेत सिकंदरच्या रोशन किरलगड आणि बग्गा कोहली यांच्यासोबत झालेल्या कुस्त्या रोमहर्षक आणि पाहण्यासारख्या होत्या. अंतिम स्पर्धेत सिकंदर विरूद्ध बग्गा कोहली यांच्यात कुस्ती झाली. यात सिकंदर विजयी झाला. त्याला बक्षीस म्हणून मानाची गदा, ट्रॅक्टर या बक्षिसाबरोबरच आर्थिक बक्षीस मिळाले आहे.

“सिंकंदर शेख हा एक गुणवान खेळाडू आहे. त्याने रुस्तम-ए-हिंद किताब जिंकून आपल्या महाराष्ट्राचं नाव देशपातळीवर गाजवलं. भविष्यात शेख कुस्तीच्या माध्यमातून जगभरात महाराष्ट्राचं आणि देशाचं नाव उंचावेल अशी खात्री आहे. ‘पुनीत बालन ग्रुप’कडे असे गुणवंत खेळाडू आहेत, ही आमच्यासाठी आणखी आंनदाची आणि अभिमानाची बाब आहे. शेख याने मिळविलेल्या यशामुळे आणखी प्रतिभावान खेळाडूंच्या मागे उभं राहण्याची प्रेरणा आम्हाला मिळाली असे मत पुनीत बालन ग्रुपचे अध्यक्ष पुनीत बालन यांनी दिली.

 चंद्ररंग चॅरिटेबल ट्रस्ट अ्न पुनीत बालन ग्रुपचं मोठं यश; आत्महत्या करणाऱ्या मुलीचे वाचवले प्राण

संबंधित बातम्या