पुण्यात “श्री उवसग्गहरं स्तोत्र”च्या सामूहिक पठणाचे भव्य आयोजन

Pune News : “श्री उवसग्गहरं स्तोत्राच्या नियमित स्मरणामुळे दृष्टग्रह, रोगपिडा, शत्रू यांसारख्या सांसारिक दुःखपिडा दूर होतात व मनुष्य प्राणीमात्रामधे सुख समृद्धी प्राप्त होते अशी धारणा आहे. याच अनुषंगाने जैन धर्मियांमध्ये महामंगलकारी समजल्या जाणाऱ्या श्री उवसग्गहरं स्तोत्राच्या सामूहिक पठणाच्या कार्यक्रमाचे आयोजन दरवर्षी रसिकलाल एम धारीवाल फाऊंडेशन तर्फे केले जाते. सध्या अशा उपक्रमांची गरज आहे. ज्याच्यामुळे सकारात्मक ऊर्जा तयार होते . यावर्षी स्तोत्र पठणाचे नववे वर्ष आहे. प्रथम कार्यक्रम 2017 मध्ये रसिकलालजी धारीवाल यांच्या प्रमुख उपस्थितीत आणि संत व साध्वी म.सा. यांच्या सानिध्यात संपन्न झाला होता.

याहीवर्षी आरएम धारीवाल फाउंडेशनच्या अध्यक्षा जान्हवी धारीवाल बालन व उपाध्यक्षा शोभा रसिकलाल धारीवाल यांच्यातर्फे आयोजन करण्यात आले आहे. 17 ऑगस्ट रोजी सायंकाळी 4 वाजता उवसग्गहरं स्तोत्र सामूहिक पठणाचे आयोजन श्रीमान रसिकलालजी एम धारीवाल स्थानक भवन यश लॉन्स बिबवेवाडी पुणे येथे करण्यात आलेले आहे. आचार्य पद्मश्री चंदनाजी म.सा. पू. श्री मुकेशमुनिश्री म.सा. आणि पू . श्री जयप्रभा विजयजी गुरुदेव म.सा., पू .श्री आगमचंद्रजी स्वामी उपस्थित राहणार आहेत.

रसिकलाल एम धारिवालांच्या जन्मदिनाची परंपरा कायम; 200 हून अधिक रक्तदात्यांचं अमूल्य रक्तदान

कार्यक्रम वेळेवर ठीक 4 वाजता सुरू होईल. कार्यक्रमाच्या नियोजित वेळेत सर्वांनी या महामंगलकारी स्तोत्रात सहभागी होऊन लाभ घ्यावा. सहभागी होणाऱ्या पुरुषांनी शुभ्र तर महिलांनी केशरी अथवा पिवळे वस्त्र परिधान करणे अनिवार्य आहे. तसेच कार्यक्रमानंतर लगेच चौविहारची (भोजन) व्यवस्था करण्यात आली आहे, अशी माहिती फाऊंडेशनच्या शोभा रसिकलालजी धारिवाल यांनी दिली आहे.

संबंधित बातम्या