Video : पुणेकरांना मेट्रो, बस प्रवास मोफत मिळणार; NCP च्या जाहीरनाम्यात दादांची गेमचेंजर आश्वासनं
Ajit Pawar Party Manifesto For Pune City आमच्या ताब्यात महापालिका दिली तर मी मोफत मेट्रो हे करून दाखवीन, असं आश्वासन अजित पवारांनी दिलं आहे.
- Written By: Ninad K Published:
Ajit Pawar Party Manifesto For Pune City : पुणे महानगरपालिकेसाठी अजितदादांनी लोकप्रिय लाडकी बहीण योजनेला मागे टाकणारी घोषणा केली आहे. आमच्या ताब्यात महापालिका दिली तर, मी मोफत मेट्रो हे करून दाखवीन, असं आश्वासन अजित पवारांनी दिलं आहे. आज (दि.10) पुणे महानगरपालिका निवडणुकीसाठी दोन्ही राष्ट्रवादी पक्षाचा जाहीरनामा पुणेकरांसाठी प्रकाशित करण्यात आला. त्यावेळी ते बोलत होते.
आम्हाला पुणेकरांबद्दल जिव्हाळा
आम्ही पुण्यात राहतो. त्यामुळे आम्हाला पुणेकरांबद्दल जिव्हाळा आहे. इतर बाहेरचे कोणी आले तर तेवढ्यापुरतेच येतील. त्यामुळे आम्हालाच संधी द्या, असं अजित पवारांनी म्हटलं आहे. सहा महिन्यांचे सखोल सर्वेक्षण, प्रभागनिहाय संवाद आणि जनसंवाद मोहिमेतून तयार झालेल्या या जाहीरनाम्याने पुणेकरांच्या अपेक्षा आणि स्थानिक समस्यांचा सखोल अभ्यास करण्यात आला आहे.
Ajit Pawar : पिंपरी-चिंचवड भाजपाला सोपं नाही : अजित पवारांनी लावली जोरदार फिल्डिंग
दोन्ही राष्ट्रवादींच्या जाहीरनाम्यात काय आहे?
1. दररोज पाणीपुरवठा: सर्व 41 प्रभागांमध्ये उच्च दाबाने नियोजित वेळापत्रकानुसार पाण्याचा पुरवठा, टँकरची आवश्यकता संपविणे, पाईपलाईन गळती पूर्णपणे बंद करणे आणि भामा–मुळा–मुठा प्रकल्पांतून अतिरिक्त पाणी उपलब्ध करणे.
2. वाहतूककोंडीमुक्त, खड्डेमुक्त रस्ते: अपूर्ण लिंक रस्त्यांची जोडणी, मुख्य 150 किमी रस्त्यांचा दर्जा सुधारणे, एचसीएमटीआरची अंमलबजावणी, ठेकेदारांवर जबाबदारी निश्चित करणे आणि नव्याने समाविष्ट गावांसाठी आधुनिक पायाभूत सुविधा निर्माण करणे.
3. स्वच्छतेचा विज्ञाननिष्ठ आराखडा: 100% कचरा वर्गीकरण आणि कंपोस्टिंग, अपयशी प्रकल्पांचं पुनरुज्जीवन, हरित सोसायट्यांना प्रोत्साहन आणि 2029 पर्यंत पुणे ‘स्वच्छ सर्वेक्षण’मधील अग्रगण्य तीन शहरांत समावेश करणे.
4. हाय-टेक आरोग्य सेवा: 200 ‘राजमाता जिजाऊ क्लिनिक’, या नव्या रुग्णालयांची उभारणी, परवडणारी तपासणी सेवा (PPP पद्धतीने), टेलिमेडिसिनचा उपयोग आणि गरीब रुग्णांसाठी वाढीव आर्थिक सहाय्य.
VIDEO : उंटावरून शेळ्या हाकू नको; आमदार महेश लांडगेंचे अजितदादांना जोरदार प्रत्युत्तर
5. प्रदूषणमुक्त, उत्तम हवामानयुक्त पुणे: पूर नियंत्रण, ड्रेनेज नियोजन, नाल्यांचे संरक्षण, हरित विस्तार, पर्यावरण सक्षमीकरण आणि हवामान बदलास सज्ज असा शाश्वत विकास आराखडा.
6. झोपडपट्टी पुनर्वसन व सुरक्षित पुनर्विकास: मूळ जागेवर पुनर्वसन, कायदेशीर धारकांना संरक्षण, पारदर्शी कारभार, उपजीविकेची हमी आणि जुन्या इमारतींच्या रहिवाशांच्या नेतृत्वात पुनर्विकास प्रक्रिया.
7. पुणेकरांसाठी जबाबदार प्रशासन निर्मिती: मोफत मेट्रो व बस प्रवास, छोट्या घरांसाठी मालमत्ता कर सवलत, विद्यार्थ्यांना मोफत टॅब्लेट, व्याजमुक्त स्वयंरोजगार कर्ज आणि तातडीची प्रतिसादक्षमता असलेलं प्रशासन.
8. पुणे मॉडेल शाळा: CBSE/ICSE दर्जानुसार 150 आधुनिक शाळा, प्रशिक्षित शिक्षक, विज्ञान- संगणक प्रयोगशाळा, क्रीडा सुविधा, मराठी माध्यमावर आधारलेली इंग्रजी शिक्षण पद्धती आणि पालकांवर कोणताही अतिरिक्त आर्थिक भार नसणार.
या जाहीरनाम्याचा केंद्रबिंदू एका आश्वासनात स्पष्ट होतो – “पाच काम, पक्का वादा – करू काम, तीन जादा”, म्हणजे वचनांपेक्षा जास्त काम करून दाखवणे ही राष्ट्रवादी काँग्रेसची ओळख राहिली आहे.
शिव–शाहू–फुले–आंबेडकर या महामानवांच्या मूल्यांच्या परंपरेतून प्रेरित हा जाहीरनामा सामाजिक न्याय, नियोजनबद्ध विकास आणि प्रशासकीय शिस्तीच्या तत्त्वांवर आधारित असून, पुण्यात कार्यक्षमता, जवाबदारी आणि जीवनमान उंचावण्यासाठी मजबूत आणि संवेदनशील प्रशासनाची मार्ग दाखवणारा आहे.
संबंधित बातम्या
पिंपरी-चिंचवडचा राजकीय पारा चढला ; मुख्यमंत्री फडणवीसांची सभा अन् सुनेत्रा पवारांच्या बैठका
