पुण्यात राणा-बिश्नोई चमकले, इंग्लंडचा 15 धावांनी पराभव करत मालिका जिंकली

IND vs ENG 4th T20I : भारत आणि इंग्लंड यांच्यात सुरु असणाऱ्या टी-20 मालिकेच्या चौथ्या सामन्यात (IND vs ENG 4th T20I) भारतीय संघाने शानदार कामगिरी करत इंग्लंडचा 15 धावांनी पराभव केला आहे. या विजयासह भारताने पाच सामन्यांच्या टी-20 मालिकेत 3-1 अशी आघाडी घेतली आहे.

या सामन्यात प्रथम फलंदाजी करताना भारताने हार्दिक पंड्या (Hardik Pandya) आणि शिवम दुबे (Shivam Dubey) यांच्या अर्धशतकांच्या जोरावर 20 षटकांत नऊ बाद 181 धावा केल्या. प्रत्युत्तरात इंग्लंडने चांगली सुरुवात केली होती मात्र रवी बिश्नोई (Ravi Bishnoi) आणि हर्षित राणा (Harshit Rana) यांच्या गोलंदाजीच्या जोरावर भारताने हा सामना 15 धावांनी जिंकला. या सामन्यात भारताकडून रवी बिश्नोई आणि हर्षित राणाने 3-3 विकेट घेतले.

182 धावांच्या लक्ष्याचा पाठलाग करताना इंग्लंडने बेन डकेट आणि फिल सॉल्टच्या मदतीने चांगली सुरुवात केली. भारताला सहाव्या षटकात पहिले यश मिळाले. बेन डकेट 19 चेंडूत 39 धावा करून बाद झाला. सलामीवीर फिल सॉल्टला 21 चेंडूत फक्त 23 धावा करता आल्या. अक्षरने त्याला क्लीन बोल्ड केले. कर्णधार जोस बटलरला फक्त दोन धावा करता आल्या. लियाम लिव्हिंगस्टोनने 9 धावा केल्या. हॅरी ब्रुकने अर्धशतक झळकावले. त्याने बेथेलसोबत पाचव्या विकेटसाठी 19 चेंडूत 34 धावांची भागीदारी केली. 26 चेंडूत 51 धावा करून ब्रूक बाद झाला. त्याच्या या खेळीत त्याने 5 चौकार आणि 2 षटकार मारले. इंग्लंडकडून साकिब महमूदने 35 धावांत तीन विकेट्स घेतल्या.

तर दुसरीकडे प्रथम फलंदाजी करताना भारतीय संघाला दुसऱ्याच षटकात तीन धक्के बसले. साकिब महमूदने संजू सॅमसन (1) आणि तिलक वर्मा (0) यांना बाद केले. षटकाच्या शेवटच्या चेंडूवर शाकिबने कर्णधार सूर्यकुमार यादवला पॅव्हेलियनमध्ये पाठवले. टिळकांनंतर सूर्यकुमारलाही खाते उघडता आले नाही. सलामीवीर अभिषेक शर्मा 19 चेंडूत 29 धावा काढून बाद झाला.

घडलेला दुर्दैवी घटनेवर राजकारण करण्याची काँग्रेसची सवय; सुजय विखेंचा नाना पटोलेंना प्रत्युत्तर

रिंकू सिंगने 26 चेंडूत 30 धावा केल्या. स्टार अष्टपैलू हार्दिक पांड्याने 30 चेंडूत 53 धावांची शानदार खेळी केली. हार्दिक आणि शिवम यांनी सहाव्या विकेटसाठी 45 चेंडूत 87 धावांची भागीदारी केली. शिवम दुबे शेवटच्या चेंडूवर 34 चेंडूत 53 धावांच्या वैयक्तिक धावसंख्येवर धावबाद झाला. सूर्यकुमार यादवच्या संघाने कोलकाता आणि चेन्नई येथे पहिले दोन सामने जिंकले होते. तथापि, इंग्लंडने तिसरा सामना जिंकला.

संबंधित बातम्या