IND vs ENG: हार्दिक पंड्या विश्वचषकात परतणार का? समोर आली मोठी अपडेट

IND vs ENG: भारताचा स्टार अष्टपैलू खेळाडू हार्दिक पंड्या विश्वचषक स्पर्धेत बांगलादेशविरुद्ध गोलंदाजी करताना जखमी झाला आणि तेव्हापासून तो संघाबाहेर आहे. दुखापतीमुळे हार्दिक न्यूझीलंडविरुद्ध खेळू शकला नाही आणि आता तो रविवारी इंग्लंडविरुद्धच्या सामन्यातून बाहेर पडला आहे. हार्दिक पंड्याच्या पायाला दुखापत झाली होती. असे मानले जात आहे की त्याला तंदुरुस्त होण्यासाठी थोडा वेळ लागेल. अशा परिस्थितीत तो भारतासाठी पुढील सामना कधी खेळणार याविषयी एक मोठे अपडेट समोर आली आहे.

हार्दिक पांड्या थेट उपांत्य फेरीत खेळणार
हार्दिक पंड्याबद्दल इनसाइड स्पोर्ट्सशी बोलताना बीसीसीआयच्या एका सूत्राने सांगितले की, जर टीम इंडिया उपांत्य फेरीत पोहोचली तर हार्दिक पंड्या थेट तोच सामना खेळेल. हार्दिक पंड्या सध्या इंग्लंड आणि श्रीलंकेविरुद्धचे सामने खेळणार नाही. तो आमच्यासाठी खूप महत्त्वाचा आहे, पण बाद फेरीत म्हणजेच उपांत्य फेरीत तो आमच्यासाठी अधिक महत्त्वाचा ठरतो. त्यामुळे जर आपण इंग्लंड आणि श्रीलंकेविरुद्ध विजय मिळवून उपांत्य फेरी गाठली तर हार्दिक पंड्या थेट उपांत्य फेरीतच खेळेल.

NED vs BAN: नेदरलँड्सचा विश्वचषकात दुसरा उलटफेर, बांग्लादेशचा 87 धावांनी पराभव

हार्दिक पंड्याच्या गोलंदाजीबाबत बीसीसीआयच्या अधिकाऱ्याने सांगितले की, तो सध्या एसीए अंतर्गत असून पुढील आठवड्यापर्यंत तो गोलंदाजी सुरू करणार नाही. पुढील आठवड्यापर्यंत तो पूर्णपणे फ्रेश होईल आणि बरा होईल आणि त्यानंतर आम्ही त्याच्या फिटनेसचे मूल्यांकन करू. सध्या तो आठवडाभर गोलंदाजी करणार नाही. भारताने आतापर्यंत पाच लीग सामने खेळले आहेत आणि आता त्याला आणखी चार सामने खेळायचे आहेत.

World cup 2023 : ऑस्ट्रेलिया जिंकली पण न्यूझीलंड शेवटच्या चेंडूपर्यंत लढली

भारतीय संघाला 29 ऑक्टोबरला इंग्लंडविरुद्ध तर 2 नोव्हेंबरला श्रीलंकेविरुद्ध खेळायचे आहे. यानंतर टीम इंडिया 5 नोव्हेंबरला दक्षिण आफ्रिकेविरुद्ध आणि 12 नोव्हेंबरला नेदरलँड्सविरुद्ध खेळणार आहे.