नॅट सायव्हर-ब्रंटने रचला इतिहास; महिला विश्वचषकात अशी कामगिरी करणारी ठरली पहिली खेळाडू

Nat Sciver-Brunt : महिला क्रिकेट विश्वचषक 2025 मध्ये इंग्लंड महिला क्रिकेट संघाची कर्णधार नॅट सायव्हर- ब्रंटने इतिहास रचला आहे.

Nat Sciver-Brunt : महिला क्रिकेट विश्वचषक 2025 मध्ये इंग्लंड महिला क्रिकेट संघाची कर्णधार नॅट सायव्हर- ब्रंटने इतिहास रचला आहे. या स्पर्धेच्या 12 व्या सामन्यात तिने श्रीलंकेविरुद्ध शतक झळकावून इतिहास रचला. या सामन्यात नॅट सायव्हर-ब्रंटने 117 धावांची शानदार खेळी खेळली आणि इंग्लंडला स्पर्धेत सलग तिसरा विजय मिळवून दिला. या शतकासह, नॅट सायव्हर-ब्रंट महिला विश्वचषक इतिहासात पाच शतके झळकावणारी पहिली खेळाडू बनली. न्यूझीलंडच्या सुझी बेट्स, इंग्लंडच्या जेनेट ब्रिटिन आणि चार्लोट एडवर्ड्स यांच्या नावावर या स्पर्धेत प्रत्येकी चार शतके झळकावण्याचा विक्रम आहे.

महिला क्रिकेट विश्वचषकात (Women Cricket World Cup 2025) सर्वाधिक शतके झळकावणाऱ्या भारतीय खेळाडूंबद्दल, हरमनप्रीत कौरने (Harmanpreet Kaur) तीन शतके झळकावण्याचा विक्रम केला आहे, तर स्मृती मानधना आणि मिताली राज यांच्या नावावर प्रत्येकी दोन शतके आहेत.

इंग्लंड विरुद्ध श्रीलंका सामना

या सामन्यात प्रथम फलंदाजी करताना इंग्लंडने निर्धारित 50 षटकांत 9 गडी गमावून 253 धावा केल्या. कर्णधार नॅट सायव्हर-ब्रंटने (Nat Sciver-Brunt) 9 चौकार आणि 2 षटकारांसह 117 धावांची शानदार खेळी केली. कर्णधाराशिवाय, इतर कोणताही इंग्लिश फलंदाज 35 धावांपर्यंतही पोहोचू शकला नाही. श्रीलंकेकडून इनोका रणवीराने 3 विकेट्स घेतले.

मोठी बातमी, तालिबान-पाकिस्तानमध्ये संघर्ष; 12 पाकिस्तानी सैनिक ठार 

254 धावांच्या लक्ष्याचा पाठलाग करताना श्रीलंकेचा पूर्ण संघ 164 धावांवर ऑलआऊट झाला. इंग्लंडकडून सोफी एक्लेस्टोनने तिच्या 10 षटकांत फक्त 17 धावा देऊन 4 विकेट्स घेतले, ज्यामध्ये तीन मेडन षटकांचा समावेश होता.

संबंधित बातम्या