भारतीय सिनेमांची जगभरात क्रेझ : केंद्रीय सचिव संजय जाजू यांचे गौरवोद्गार

Ajanta Werul Film Festival : देशाचे पंतप्रधान नरेंद्र मोदी यांनी कायम चित्रपटाला प्रोत्साहन दिले आहे. सिनेमा हा ‘सॉफ्ट पॉवर’ असल्याचे त्यांनी सांगितले आहे. आज आपले सिनेमे जगभर जात असून जगभरातील प्रेक्षकांचा या सिनेमांना चांगला प्रतिसाद मिळत आहे असे प्रतिपादन केंद्रीय माहिती व प्रसारण मंत्रालयाचे सचिव संजय जाजू यांनी केले. जगभरातील सर्वोत्कृष्ट चित्रपट मराठी रसिकांपर्यंत पोहोचवणार्‍या दहाव्या अजिंठा वेरूळ आंतरराष्ट्रीय चित्रपट महोत्सवाच्या दुसऱ्या दिवशी केंद्रीय माहिती व प्रसारण मंत्रालयाचे सचिव संजय जाजू यांनी भेट दिली. यावेळी त्यांनी रसिक प्रेक्षकांशी संवाद साधला.

महोत्सवाचे मानद अध्यक्ष दिग्दर्शक आशुतोष गोवारीकर, संयोजन समितीचे अध्यक्ष नंदकिशोर कागलीवाल, महोत्सव संचालक सुनील सुकथनकर, महोत्सवाचे कार्यकारी संचालक चंद्रकांत कुलकर्णी, दिग्दर्शक जयप्रद देसाई, दिग्दर्शक ज्ञानेश झोटिंग, संयोजक नीलेश राऊत, प्रा. शिव कदम आदी उपस्थित होते.

Mahakarandak 2025 : नाट्यरसिकांसाठी पर्वणी! ‘अहिल्यानगर महाकरंडक’ स्पर्धेचे दिमाखात उद्घाटन

संजय जाजू पुढे म्हणाले, आपल्या देशाला एक महान सांस्कृतिक परंपरा असून नाट्य शास्त्रापासून कला, नाट्य, नृत्य आणि संगीत यांचा वारसा लाभलेला आहे. याच साखळीतील सिनेमा हे आधुनिक माध्यम आहे. केंद्रीय सचिव म्हणून पदभार स्वीकारून आता मला एक वर्षे झाले आहे. या पदावर आल्यानंतर मला गोव्यानंतर येथे असलेली विविधता आणि चित्रपटाची संस्कृती पुढे नेण्यासाठी छत्रपती संभाजीनगर येथे अजिंठा वेरूळ आंतरराष्ट्रीय चित्रपट महोत्सवात येथील लोकांनी एकत्रित येत स्वत: हा महोत्सव सुरू केला, याचे कौतुक वाटते.

आज मला या महोत्सवात सहभागी होत आले याचा मनापासून आनंद होत आहे. विशेषत: दिग्दर्शक आशुतोष गोवारीकर यांचा मास्टर क्लास ऐकण्याची संधी मला मिळाली. आज अजिंठा वेरूळ आंतरराष्ट्रीय चित्रपट महोत्सवासारख्या नावीन्यपूर्ण प्रयोगांना भारत सरकार सहकार्य करत आहे. आपले वेगळेपण जपणाऱ्या या महोत्सवाला भविष्यात केंद्र सरकारच्यावतीने सर्वोतोपरी मदत करण्यात येईल, असे आश्वासन संजय जाजू यांनी दिले.

होणार दमदार परफॉर्मन्स अन् येणार हास्याची नवी लहर, ‘ऑलमोस्ट कॉमेडी’ चा धमाकेदार टीझर प्रदर्शित

संबंधित बातम्या