सस्पेन्स, थ्रिलर, अन् धमाका…; काजोल आणि क्रितीच्या ‘दो पत्ती’चा टीझर प्रेक्षकांच्या भेटीला

Do Patti Teaser Release: बॉलिवूड (Bollywood) अभिनेत्री काजोलने (Kajol) आत्तापर्यंत अनेक भूमिका केल्या आहेत, पण ती पहिल्यांदाच पोलिस अधिकाऱ्याच्या भूमिकेत दिसणार आहे. क्रिती सेनॉननेही (Kriti Sanon) आत्तापर्यंत मुख्य अभिनेत्री म्हणून चांगल्या भूमिका साकारल्या आहेत, पण क्रिती पहिल्यांदाच सस्पेन्स थ्रिलरने भरलेली भूमिका साकारणार आहे. ‘दो पट्टी’ (Do Patti Movie) या चित्रपटात तुम्हाला काजोल आणि क्रिती सेनॉनचे हटके अवतार पाहायला मिळणार आहे. सध्या ‘दो पट्टी’ चित्रपटाचा धमाकेदार टीझर रिलीज करण्यात आला आहे.

आत्तापर्यंत या चित्रपटाविषयी कोणतीही माहिती नव्हती पण आता ‘दो पत्ती’ चित्रपटाचा अधिकृत टीझर सोशल मीडियावर रिलीज झाला आहे. यामध्ये क्रिती सेननची स्टाईल सर्वानाच आश्चर्यचकित करेल, तर काजोलचा ॲक्शन सीक्वेन्सही मजेदार पाहायला मिळणार आहे.

‘दो पत्ती’चा टीझर रिलीज: नेटफ्लिक्सने क्रिती सेनन आणि काजोलला टॅग करत दो पट्टी चित्रपटाचा टीझर रिलीज केला आहे. हा अधिकृत टीझर शेअर करताना लिहिले होते, ‘पहिल्यांदाच काहीतरी खास असणार आहे, काजोलचा पहिला पोलिस किंवा क्रिती सॅननचा पहिला थ्रिलर. ‘दो पत्ती’ लवकरच नेटफ्लिक्सवर येत आहे.

 

View this post on Instagram

 

A post shared by Netflix India (@netflix_in)

या सिनेमाच्या टीझरमध्ये काजोल एका पोलिस अधिकाऱ्याच्या भूमिकेत दिसत आहे, तर क्रिती सेनन सायको किलरच्या भूमिकेत दिसत आहे. आता या चित्रपटात क्रितीची खरी भूमिका काय आहे, हे चित्रपट पाहिल्यानंतरच कळणार आहे. चित्रपटाच्या प्रदर्शनाची तारीख जाहीर करण्यात आलेली नाही पण तो OTT प्लॅटफॉर्म Netflix वर प्रदर्शित होईल. या चित्रपटात टीव्ही अभिनेता शाहीर शेखही दिसणार आहे. शाहीर शेख हा एक लोकप्रिय टीव्ही अभिनेता आहे, ज्याने ‘महाभारत’ या टीव्ही शोमध्ये अर्जुनची भूमिका करून खूप लोकप्रियता मिळवली.

Yash Raj Films : कलाकारांसाठी सुवर्ण संधी, यशराजने काढले स्वत:चे कास्टिंग अ‍ॅप

‘दो पट्टी’ या चित्रपटाबद्दल बोलायचे झाले तर याचे दिग्दर्शन शशांक चतुर्वेदी (Shashank Chaturvedi) यांनी केले आहे, तर चित्रपटाची कथा कनिका धिल्लन यांनी लिहिली आहे. मिळालेल्या माहितीनुसार क्रिती सेनन ‘दो पट्टी’ या चित्रपटातून निर्माती म्हणून पदार्पण करत आहे.

संबंधित बातम्या