KBC 15 चा पहिला करोडपती बनला २१ वर्षांचा जसकरण! सवालावर खिळल्या साऱ्यांच्या नजरा
- Written By: Digambar Jadhav Published:
KBC 15 Latest Episode 1 September 2023: टीव्हीचा लोकप्रिय शो ‘कौन बनेगा करोडपती’चा (Kaun Banega Crorepati) १५ सीजन नुकताच चाहत्यांच्या भेटीला आला आहे. गेल्या सीझन्स प्रमाणेच यंदाचा सीझन जोरदार गाजत आहे. निगा बींच्या होस्ट केलेल्या ‘कौन बनेगा करोडपती’ या शोच्या प्रत्येक सीझनमध्ये एकतरी असा स्पर्धक नक्कीच आहे. ज्याने सर्व सवालांची योग्य उत्तरे देऊन इतिहास रचला आहे. यावेळी शोचा १५वा सीझन सुरू झाला.
View this post on Instagram
यामध्ये असे काही स्पर्धक नक्कीच होते, ज्यांनी एक कोटीचा सवाल गाठला. परंतु ७ कोटींच्या सवालापर्यंत पोहोचू शकले नाही. परंतु या सीझनमध्ये एक स्पर्धक हा टप्पा गाठणार आहे. ‘केबीसी १५’ला पहिला स्पर्धक मिळाला आहे, ज्याने ७ कोटींच्या सवालाचा टप्पा गाठला आहे. लोकप्रिय रिअॅलिटी शो ‘कौन बनेगा करोडपती’चा १५वा सीझन १५ ऑगस्टपासून सुरू करण्यात आला आहे. या सीझनमध्ये आतापर्यंत असे अनेक स्पर्धक आले आहेत, ज्यांनी सवालाची अचूक उत्तरे देऊन ५० लाखांचा आकडा पार केला आहे.
परंतु आता २१ वर्षीय जसकरण सिंह ‘केबीसी १५’ मध्ये इतिहास रचण्यासाठी सज्ज झाला आहे. तो या शोचा पहिला स्पर्धक बनला आहे, जो शेवटच्या सवालापर्यंत पोहचलेला आहे. म्हणजेच जसकरण ७ कोटींच्या १६व्या सवालापर्यंत येऊन पोहोचला आहे. २१ वर्षीय जसकरण सिंह हा मूळचा पंजाबचा आहे. निर्मात्यांनी नुकताच या शोचा प्रोमो प्रदर्शित केला आहे, यामध्ये बिग बी म्हणताना दिसतात की, ‘गेल्या काही वर्षांमध्ये मी अनेक लोकांना या ज्ञानाच्या व्यासपीठाद्वारे करोडपती बनताना बघितले आहे.
Jawan : बुर्ज खलिफावर झळकला किंग खानचा जलवा! ‘जवान’च्या ट्रेलर रिलीजला तुफान गर्दी
परंतु प्रत्येक वेळी त्या एका सवालावर केवळ स्पर्धकच नाही, तर देशातील चाहत्यांच्या हृदयाची धडधड वाढते. आणि तो सवाल आहे ७ कोटींचा…’ त्यानंतर बिग बी स्पर्धक जसकरण सिंहला १६वा सवाल विचारतात. आता या सवालाचे त्याने योग्य उत्तर दिल्यास तो ७ कोटी रुपये जिंकणार आहे. जसकरणने १६व्या सवालाचे उत्तर योग्य दिले की, नाही हे आगामी भागांमध्ये बघायला मिळणार आहे. ‘केबीसी १५’चा हा एपिसोड ४-५ सप्टेंबरला दाखवला जाणार आहे.
