‘मैं अटल हूं’ चित्रपटाचा ट्रेलर प्रदर्शित; पंकज त्रिपाठींनी साकारली वाजपेयींची हुबेहूब व्यक्तिरेखा

Main Atal Hoon : बहुचर्चित ‘मैं अटल हूं’(Main Atal Hoon) चित्रपटाचा ट्रेलर नूकताच प्रदर्शित करण्यात आला आहे. देशातील सर्वाधिक लोकप्रिय नेते माजी पंतप्रधान अटल बिहारी वाजपेयी (Atal Bihari Vajpayee) यांच्या जीवनावर आधारित ‘मैं अटल हूं’ चित्रपटाचा ट्रेलर प्रदर्शित करण्यात आला आहे. ट्रेलर पाहिल्यानंतर पंकज त्रिपाठी (Pankaj Tripathi) यांनी वाजपेयींची भूमिका साकारल्याचं दिसत आहे.

या चित्रपटाविषयी बोलताना पंकज त्रिपाठी म्हणाले, चित्रपटापेक्षाही श्री अटलबिहारी वाजपेयी यांची भूमिका साकारण्याचा प्रवास माझ्या मनात आहे. हा माणूस खरोखरच एक आख्यायिका आहे आणि त्याची प्रेरणादायी कथा जगासमोर आणण्याचा आम्हाला सन्मान आहे. मला आशा आहे की, प्रेक्षक अटलजींचा वारसा मोठ्या पडद्यावर आणण्याच्या आमच्या प्रयत्नांची प्रशंसा करणार असल्याा विश्वास पंकज त्रिपाठी यांनी व्यक्त केला आहे.

नागरिकांनो गरम कपडे घाला! गारठा वाढला; नाताळानंतर आणखीन हुडहुडी वाढण्याची शक्यता

अटलबिहारी वाजपेयी हे शिक्षण, विज्ञान, पायाभूत सुविधा आणि जागतिक संबंध मजबूत करण्यासाठी त्यांच्या योगदानासाठी प्रसिद्ध आहेत. पंकज त्रिपाठी यांनी त्यांच्या अभिनय कारकिर्दीत अटल बिहारी वाजपेयी यांच्या ‘मैं अटल हूं’ चित्रपटासाठी कुशलतेने वठवली आहे. चित्रपटाबद्दल माहिती देतानाच निर्माते विनोद भानुशाली आणि रवि जाधव यांनी चित्रपटाचा ट्रेलर प्रदर्शित केला.

‘गल्लीबोळातल्या नेत्या’म्हणणाऱ्या फरांदेंवर अंधारेंचा पलटवार; म्हणाल्या..,

दिग्दर्शक रवी जाधव म्हणाले, लहानपणापासूनच मी अटलबिहारी वाजपेयी यांचा प्रेरणादायी प्रवास आणि देशासाठी त्यांनी दिलेल्या योगदानाचा साक्षीदार असून देशाच्या महान नेत्याची कहाणी सांगण्याची संधी मला मिळाली याबद्दल मी अत्यंत आभारी असल्याचं म्हणत त्याचा उल्लेखनीय प्रवास पाहण्यासाठी जग प्रतिक्षा करू शकत नसल्याचं रवि जाधव म्हणाले आहेत.

चित्रपटात एका माणसाची कथा दाखवण्यात येणार आहे जो कवी, राजकारणी, राजकारणी यापेक्षाही जास्त होता. ‘मैं अटल हूं’ हा अटलजींचा संघर्ष, त्यांचा उदय आणि देशाला इतर कोणाच्याही समोर ठेवण्याच्या त्यांच्या प्रयत्नांवर प्रकाश टाकणार आहे. ही कथा पडद्यावर आणण्याची संधी आम्हाला मिळाली याबद्दल आम्ही नेहमीच ऋणी राहू, असं भानुशाली यांनी स्पष्ट केलं आहे.

दरम्यान, पुरस्कार विजेते दिग्दर्शक रवी जाधव यांनी या चित्रपटाचे दिग्दर्शन केले असून ऋषी विरमणी आणि रवी जाधव यांनी सांगितल की ‘मैं अटल हूं’ ही भानुशाली स्टुडिओ लिमिटेड आणि लिजेंड स्टुडिओची निर्मिती आहे. विनोद भानुशाली, संदीप सिंग आणि कमलेश भानुशाली यांनी निर्मिती केली असून हा चित्रपट 19 जानेवारी 2024 रोजी मोठ्या पडद्यावर प्रदर्शित होणार आहे.