मजेशीर रहस्ये दडलेला ‘Alibab Aani Chalishitale Chor’चा भन्नाट टिझर रिलीज

Alibab Aani Chalishitale Chor Teaser Release: ‘अलीबाबा आणि ‘चाळीशी’तले चोर’ (Alibab Aani Chalishitale Chor Movie) या नावातच आपल्याला कळतेय की, हा चित्रपट ‘चाळीशी’भोवती फिरणारा आहे. (Marathi Movie) मात्र यात काही रम्य रहस्ये दडलेली आहेत. काही दिवसांपूर्वी प्रदर्शित झालेल्या पोस्टरमध्ये लिपस्टिकचे एक निशाण दिसत होते. या निशाणाबाबत तर्कवितर्क काढत असतानाच आता या चित्रपटाचा जबरदस्त टिझर रिलीज झाला आहे.

या भन्नाट आणि जबरदस्त टीझरमध्ये चाळिशीतील मित्रमैत्रिणी पार्टी एन्जॉय करत असल्याचे पाह्यला मिळत आहे, आणि अचानक लाईट जातेय आणि अचानक कसलातरी आवाज ऐकू येत आहे. लिपस्टिकचे निशाण, संशयास्पद आवाज, त्यात या वयाबाबत असलेला प्रत्येकाचा दृष्टिकोन पाहाता हे काहीतरी धमाल मनोरंजन असणार हे नक्की! सध्यातरी चाळीशीतील या चोरांबद्दलचे हे गूढ अधिकच वाढत आहे, मात्र ते जाणून घेण्यासाठी प्रेक्षकांना 29 मार्चपर्यंत वाट पाहावी लागणार आहे.

नितीन वैद्य प्रॉडक्शन्स प्रस्तुत, मृद् गंध फिल्म्स एल. एल. पी निर्मित या चित्रपटाचे आदित्य इंगळे दिग्दर्शक असून या धमाल चित्रपटात मुक्ता बर्वे, सुबोध भावे, श्रुती मराठे, उमेश कामत, आनंद इंगळे, मधुरा वेलणकर आणि अतुल परचुरे यांच्या मुख्य भूमिका आहेत. विवेक बेळे लिखित या चित्रपटाचे नितीन प्रकाश वैद्य, वैशाली विराज लोंढे, निखिल वराडकर आणि संदीप देशपांडे निर्माते आहेत.

Devendra Fadanvis : पत्नीनंतर फडणवीसही गाण्यात मागे नाही; महाशिवरात्रीनिमित्त फडणवीस लिखित ‘देवाधि देव’ रिलीज

चित्रपटाबद्दल दिग्दर्शक आदित्य इंगळे म्हणतात, ”हल्ली चाळीस हा वयाचा फक्त आकडा आहे. परंतु चाळीशीनंतरच जगण्याची खरी मजा सुरु होते. हे असे वय आहे जिथे आपण तरुणही नसतो आणि वयस्करही. त्यामुळे या वयात एक वेगळीच भावना असते. चाळीशीतील हीच भावना या चित्रपटात मजेशीररित्या दाखवण्यात आली आहे. हा चित्रपट प्रेक्षकांचे नक्कीच मनोरंजन करेल. विशेषतः चाळीशीतील प्रेक्षकांना हा चित्रपट जास्त जवळचा वाटणार आहे.

संबंधित बातम्या