Box office Collection : प्रभासच्या ‘सालार’ने रचला इतिहास! जाणून घ्या बॉक्स ऑफिस कलेक्शन
- Written By: Digambar Jadhav Published:
Salaar Box Office Collection Day 8: प्रभास (Prabhas) स्टारर ‘सालार’ ची घोषणा झाल्यापासून, (Salaar Movie) चाहते या चित्रपटाच्या रिलीजची आतुरतेने वाट पाहत होते आणि चित्रपट थिएटरमध्ये पोहोचला तेव्हा त्याने खरोखरच धमाल केली आहे. (Salaar Box Office Collection) प्रभास स्टारर चित्रपटानेही शाहरुख खानच्या (Shah Rukh Khan) ‘डंकी’ला मागे टाकले आहे. हा क्राईम थ्रिलर चित्रपट पहिल्या दिवसापासूनच प्रचंड कलेक्शन करत आहे. दरम्यान, या चित्रपटाने अनेक विक्रमही आपल्या नावावर केले. ‘सालार’ने रिलीजच्या 8 व्या दिवशी किती कोटींचा गल्ला जमवला आहे हे जाणून घेऊया?
‘सालार’ ने रिलीजच्या 8 व्या दिवशी किती कमाई? ‘सालार’ला प्रेक्षकांकडून उत्तम प्रतिसाद तर मिळालाच पण चाहत्यांचा उत्स्फूर्त प्रतिसादही मिळाला. या चित्रपटाने प्रेक्षकांना मनोरंजनाचा पुरेपूर डोस दिला आहे. चित्रपटातील अॅक्शन सीक्वेन्स आणि व्हिज्युअल्स पाहण्यासाठी प्रेक्षक थिएटरकडे खेचले जात आहेत.
या चित्रपटाच्या कमाईबद्दल सांगायचे तर, ‘सालार’ने 90.7 कोटींची कमाई केली. यानंतर चित्रपटाने दुसऱ्या दिवशी 56.35 कोटींची कमाई केली. तिसऱ्या दिवशी ‘सालार’ची कमाई 62.05 कोटी रुपये होती. चौथ्या दिवशी या चित्रपटाने 46.3 कोटींची कमाई केली. ‘सालार’ने पाचव्या दिवशी 24.9 कोटी, सहाव्या दिवशी 15.6 कोटी आणि सातव्या दिवशी 12.1 कोटींचा व्यवसाय केला होता. यासह ‘सालार’ची पहिल्या आठवड्यातील कमाई 308 कोटींवर पोहोचली आहे. आता चित्रपटाच्या प्रदर्शनाच्या आठव्या दिवसाच्या दुसऱ्या शुक्रवारच्या कमाईचे आकडेही आले आहेत.
View this post on Instagram
Saknilk च्या सुरुवातीच्या ट्रेंड रिपोर्टनुसार, ‘सालार’ ने रिलीजच्या आठव्या दिवशी म्हणजेच दुसऱ्या शुक्रवारी 10.00 कोटी रुपये कमवले आहेत. यासह आठ दिवसांत ‘सालार’चा एकूण व्यवसाय 318.00 कोटी रुपयांचा झाला आहे.
‘सालार’ने जगभरात किती कमाई केली? रिलीजच्या एका आठवड्यातच, प्रभास स्टारर ‘सालार’ ने देशातच नव्हे तर जगभरात प्रचंड नफा कमावला आहे. सकनिल्‍कच्‍या रिपोर्टनुसार, या चित्रपटाने सात दिवसांत जगभरात 468.50 कोटी रुपये कमावले आहेत. आता आठ दिवस या चित्रपटाने प्रेक्षकांचे मनोरंजन केले असून आठव्या दिवशी त्याचे जगभरातील कलेक्शन 480 कोटींचा आकडा गाठेल अशी अपेक्षा आहे.
अहमदनगर महाकरंडक २०२४ ची प्राथमिक फेरी रंगणार आठ शहरांत
‘सालार’ चे दिग्दर्शन केजीएफ फेम प्रशांत नील यांनी केले आहे. या चित्रपटात प्रभासने मुख्य भूमिका साकारली आहे. पृथ्वीराज सुकुमारन, श्रुती हासन, जगपती बाबू रेड्डी, टिनू देसाई यांच्यासह अनेक कलाकारांनीही दमदार भूमिका साकारल्या आहेत. हा चित्रपट दोन मित्रांच्या कथेवर आधारित आहे जे काही प्रसंगामुळे एकमेकांचे शत्रू बनतात.
संबंधित बातम्या
The Raja Saab: प्रभासचा आगामी सिनेमा ‘द राजा साब’ बद्दल मोठी माहिती समोर, शूटिंग नाही तर…
