Munjya: ‘मुंज्या’ची बॉक्स ऑफिसवर जादू; पहिल्याच आठवड्यात एवढी कमाई
- Written By: Digambar Jadhav Published:
Munjya Box Office Collection Day 8: शर्वरी वाघचा (Sharwari Wagh) नुकताच रिलीज झालेला चित्रपट ‘मुंज्या'(Munjya Movie) चित्रपटगृहांमध्ये बुलेटपेक्षाही वेगाने धावत आहे. या चित्रपटाला प्रेक्षकांचे भरभरून प्रेम मिळत आहे आणि यासोबतच चित्रपटगृहांमध्येही तो चांगला व्यवसाय करत आहे. या चित्रपटाने रिलीजच्या एका आठवड्यातच त्याच्या खर्चापेक्षा जास्त कमाई केली आहे आणि आता तो 50 कोटींचा आकडा गाठण्याच्या दिशेने वेगाने वाटचाल करत आहे. चला तर मग जाणून घेऊया, ‘मुंज्या’ने रिलीजच्या 8 व्या दिवशी किती कोटींची कमाई केली?
View this post on Instagram
‘मुंज्या’ने रिलीजच्या 8 व्या दिवशी किती कमाई केली?
आदित्य सरपोतदार दिग्दर्शित ‘मुंज्या’ रिलीजच्या पहिल्या दिवसापासूनच जबरदस्त कलेक्शन करत आहे. कोणतीही मोठी स्टारकास्ट नसलेल्या या छोट्या बजेटच्या चित्रपटाने ज्या प्रकारे थिएटरमध्ये प्रदर्शन केले आहे ते आश्चर्यकारक आहे. विशेष म्हणजे ‘मुंज्या’ने रिलीजच्या 6 दिवसांत त्याचा खर्च वसूल केला आहे आणि आता रिलीजच्या दुसऱ्या आठवड्यात देखील तो जोरदार व्यवसाय करत आहे.
चित्रपटाच्या कमाईबद्दल बोलायचे झाले तर, ‘मुंज्या’ने रिलीजच्या पहिल्याच दिवशी 4 कोटींची कमाई केली होती. चित्रपटाने दुसऱ्या दिवशी 7.25 कोटींची कमाई केली. या चित्रपटाने तिसऱ्या दिवशी 8 कोटी, चौथ्या दिवशी 4 कोटी, पाचव्या दिवशी 4.15 कोटी, सहाव्या दिवशी 4 कोटी आणि सातव्या दिवशी 3.9 कोटींचा गल्ला जमवला. यासोबतच ‘मुंज्या’ने रिलीजच्या पहिल्या आठवड्यात 35.3 कोटींचा व्यवसाय केला होता. आता हा चित्रपट रिलीजच्या दुसऱ्या आठवड्यात आहे आणि त्याच्या दुसऱ्या शुक्रवारच्या कमाईचे आकडेही आले आहेत.
Sacknilk च्या सुरुवातीच्या ट्रेंड रिपोर्टनुसार, ‘मुंज्या’ ने रिलीजच्या 8 व्या दिवशी 3.35 कोटी रुपयांचा व्यवसाय केला आहे. यासह आठ दिवसांचे ‘मुंज्या’चे एकूण कलेक्शन 38.65 कोटी रुपये झाले आहे.
चंदू चॅम्पियनच्या आधीही ‘मुंज्या’चा गोंधळ सुरूच
कार्तिक आर्यनचा मोस्ट अवेटेड चित्रपट ‘चंदू चॅम्पियन’ या शुक्रवारी चित्रपटगृहांमध्ये प्रदर्शित झाला. ‘चंदू चॅम्पियन’बद्दल बरीच चर्चा रंगली होती, अशा परिस्थितीत कार्तिकच्या या चित्रपटासमोर ‘मुंज्या’ टिकू शकणार नाही असं वाटत होतं. पण ‘चंदू चॅम्पियन’च्या रिलीजचा ‘मुंज्या’वर काहीही परिणाम झाला नाही. चित्रपटाच्या कमाईचा वेग पाहता, वीकेंडपर्यंत तो 50 कोटींचा टप्पा ओलांडण्याची शक्यता आहे. आणि हा चित्रपटही 100 कोटींच्या क्लबमध्ये सामील होण्याची शक्यता आहे.
Munjya Trailer : अंगावर काटाच! दिनेश विजानच्या ‘मुंजया’ चा धडकी भरवणारा ट्रेलर, पाहा…
या सिनेमात शर्वरी वाघ, मोना सिंह आणि अभय वर्मा यांनी ‘मुंज्या’ मध्ये महत्त्वाच्या भूमिका साकारल्या आहेत. हा चित्रपट दिनेश विजनच्या मॅडॉक सुपरनॅचरल यूनिवर्सचा स्त्री, भेडिया आणि रुही नंतरचा चौथा चित्रपट आहे.
संबंधित बातम्या
Usha Nadkarni: ज्येष्ठ अभिनेत्री उषा नाडकर्णी यांना जीवनगौरव पुरस्कार प्रदान; म्हणाल्या, ‘दुःख घरात ठेवून…’
