‘व्हेरिटी’चा ट्रेलर रिलीज; अॅन हॅथवे आणि डकोटा जॉन्सन घेऊन येणार थरारक मानसशास्त्रीय कथा

Verity लोकप्रिय लेखिका कॉलिन हूवर यांच्या बेस्टसेलिंग कादंबरीवर आधारित ‘व्हेरिटी’ हा चित्रपट प्रेक्षकांच्या भेटीला येण्यासाठी सज्ज झाला आहे.

‘Verity’ trailer released Anne Hathaway and Dakota Johnson to bring a thrilling psychological story : लोकप्रिय लेखिका कॉलिन हूवर यांच्या बेस्टसेलिंग कादंबरीवर आधारित ‘व्हेरिटी’ हा चित्रपट प्रेक्षकांच्या भेटीला येण्यासाठी सज्ज झाला आहे. अॅन हॅथवे आणि डकोटा जॉन्सन यांच्या प्रमुख भूमिका असलेल्या या मानसशास्त्रीय थ्रिलरचा ट्रेलर नुकताच प्रदर्शित झाला. भारतात हा चित्रपट 2 ऑक्टोबर 2026 रोजी चित्रपटगृहांमध्ये रिलीज होणार आहे.

‘इतिहास माझ्याबाबत दयाळू असेल’; मनमोहन सिंगांना कोळसा प्रकरणात क्लीन चिट, सोनिया गांधींचा मोदी सरकारवर निशाणा

अॅन हॅथवे आणि डकोटा जॉन्सन यांच्या अभिनयाने सजलेला ‘व्हेरिटी’ प्रेक्षकांना गूढ, अस्वस्थ करणाऱ्या आणि रहस्यमय वातावरणात घेऊन जाणार आहे. कॉलिन हूवर यांच्या याच नावाच्या लोकप्रिय कादंबरीवर हा चित्रपट आधारित आहे. चित्रपटाच्या टीझरमधून यापूर्वीच कथानकाची काही झलक पाहायला मिळाली होती. आता ट्रेलरमधून या रहस्यमय कथेतील अनेक पैलू समोर आले आहेत.या चित्रपटात अॅन हॅथवेने प्रसिद्ध लेखिका व्हेरिटी क्रॉफर्डची भूमिका साकारली आहे. तर डकोटा जॉन्सन लोवेन अॅश्ले या संघर्ष करणाऱ्या लेखिकेच्या भूमिकेत दिसणार आहे.

मोठ्या सिनेमॅटिक विश्वाची पहिली झलक समोर… ‘मिर्झापूर: द मूव्ही’चा बहुप्रतीक्षित ट्रेलर प्रदर्शित

लोवेनला व्हेरिटीच्या पुस्तकांचे लेखन पूर्ण करण्यासाठी दुर्गम भागातील क्रॉफर्ड कुटुंबाच्या आलिशान घरात बोलावले जाते. तिथे गेल्यानंतर तिला व्हेरिटीने लिहिलेल्या काही धक्कादायक आणि गूढ आत्मचरित्रात्मक नोंदी सापडतात.या नोंदींमध्ये व्हेरिटीचा पती जेरेमी याच्याबाबत केलेल्या काही अस्वस्थ करणाऱ्या कबुलीजबाबांचा समावेश असतो. ही माहिती समोर आल्यानंतर लोवेन एका विचित्र मानसिक संघर्षात अडकते.

‘वंदे मातरम्’साठी प्रोटोकॉलही निश्चित; अवमान केल्यास होणार कठोर कारवाई

तिला नेमकं काय खरं आणि काय काल्पनिक आहे, कोण तिच्याशी मनोवैज्ञानिक खेळ खेळत आहे आणि आकर्षण व धोकादायक आसक्ती यांच्यातील सीमारेषा कुठे संपते, हे समजणं कठीण होत जातं. चित्रपटाची कथा एका गूढ वातावरणात घडते. जसजशी लोवेन या रहस्याच्या खोलात जाते, तसतशी सत्य आणि असत्य यांच्यातील फरक अधिकच अस्पष्ट होत जातो.

दूध, खाद्य पदार्थांनंतर आता बस स्थानकांवर मुंढेंची करडी नजर; संभाजीनगरच्या सिल्लोडचे कँटीन सील

धक्कादायक खुलासे, संशयास्पद घटना आणि पात्रांच्या मनातील वाढता गुंता यामुळे ‘व्हेरिटी’ प्रेक्षकांना शेवटपर्यंत खिळवून ठेवणारा मानसशास्त्रीय थ्रिलर ठरण्याची शक्यता आहे.चित्रपटाचे दिग्दर्शन मायकेल शोवाल्टर यांनी केले आहे. त्यामुळे यंदाच्या ऑक्टोबरमध्ये प्रेक्षकांना गूढता आणि मानसिक थराराचा वेगळा अनुभव मिळणार आहे.‘व्हेरिटी’ची निर्मिती अॅमेझॉन MGM स्टुडिओजने केली असून, आंतरराष्ट्रीय वितरणाची जबाबदारी सोनी पिक्चर्स रिलीजिंग इंटरनॅशनलकडे आहे. ‘व्हेरिटी’ 2 ऑक्टोबर 2026 रोजी भारतात केवळ चित्रपटगृहांमध्ये प्रदर्शित होणार आहे.

संबंधित बातम्या