ज्येष्ठ अभिनेत्री मधु कांबीकर यांचं पुण्यात निधन, लावणी आणि अभिनयातून उमटवला अमीट ठसा

Madhu Kambikar passes away मराठी चित्रपटसृष्टीतील ज्येष्ठ अभिनेत्री आणि प्रसिद्ध लावणी कलावंत मधू कांबीकर यांचं आज निधन झाले आहे.

Veteran actress Madhu Kambikar passes away in Pune; breathed her last at the age of Seventy Three : मराठी चित्रपटसृष्टीतील ज्येष्ठ अभिनेत्री आणि प्रसिद्ध लावणी कलावंत मधू कांबीकर यांचं आज 12 ऑक्टोबर 2026 ला पुण्यातील त्यांच्या राहत्या घरी निधन झाले आहे. वयाच्या 73 व्या वर्षी त्यांनी अखेरचा श्वास घेतला.

एमपीएससी विद्यार्थ्यांच्या आंदोलनाला यश, सरकारने कोणत्या मागण्या मान्य केल्या, कोणत्या अद्याप प्रलंबित?

आपल्या अभिनयाच्या जोरावर मनोरंजनविश्वात वेगळी ओळख निर्माण केली. चित्रपटांमधील विविध व्यक्तिरेखा आणि लावणीच्या वैशिष्ट्यपूर्ण सादरीकरणामुळे त्या अनेक वर्षे रसिकांच्या स्मरणात राहिल्या. आई, सासू यांसारख्या कौटुंबिक भूमिका साकारतानाच त्यांनी लोककलेच्या क्षेत्रातही आपली स्वतंत्र ओळख निर्माण केली.

अभिनय आणि लावणीच्या जोरावर मनोरंजनविश्वात वेगळी ओळख

मधू कांबीकर या मराठी चित्रपट आणि लोककलेच्या क्षेत्रातील परिचित नाव आहे. सहजसुंदर अभिनयासोबतच लावणी सादर करण्याची त्यांची शैली प्रेक्षकांना विशेष भावली. ‘शापित’, ‘झपाटलेला’, ‘बिनकामाचा नवरा’, ‘माझा छकुला’ आणि ‘एक होता विदूषक’ यांसारख्या चित्रपटांतून त्यांनी आपल्या अभिनयाची छाप सोडली. चित्रपटांमध्ये त्यांनी विविध प्रकारच्या भूमिका साकारल्या. विशेषतः आई आणि सासूच्या व्यक्तिरेखांमधून त्यांनी कौटुंबिक नात्यांतील भावभावना प्रभावीपणे पडद्यावर आणल्या. अभिनयाबरोबरच लावणी आणि लोकनाट्याच्या क्षेत्रातील त्यांचे योगदानही महत्त्वाचे मानले जाते.

लावणीच्या कार्यक्रमादरम्यान प्रकृती बिघडली

27 नोव्हेंबर 2016 रोजी मुंबईतील माटुंगा येथील यशवंत नाट्यमंदिरात ‘लावण्य संगीत’ हा कार्यक्रम आयोजित करण्यात आला होता. या कार्यक्रमाच्या माध्यमातून मधू कांबीकर अनेक वर्षांच्या खंडानंतर पुन्हा लावणी सादर करत होत्या. कार्यक्रमात नृत्य सादर करत असताना त्यांना अचानक अस्वस्थ वाटू लागले. प्रकृती ठीक नसतानाही त्यांनी भैरवीचे सादरीकरण पूर्ण केले. त्यानंतर मेकअप रूममध्ये गेल्यावर त्यांना पक्षाघाताचा झटका आला. या घटनेत त्यांच्या उजव्या हातावर परिणाम झाला. त्यांना तातडीने रुग्णालयात दाखल करण्यात आले आणि उपचार सुरू करण्यात आले. पक्षाघाताच्या झटक्यानंतर मधू कांबीकर यांच्या प्रकृतीवर गंभीर परिणाम झाला. मेंदूमध्ये रक्ताच्या गाठी आढळल्यानंतर त्यांच्यावर शस्त्रक्रियाही करण्यात आली होती. या आरोग्यविषयक अडचणींमुळे त्यांना पूर्वीप्रमाणे चित्रपट, नृत्य आणि रंगमंचावर सक्रिय राहणे शक्य झाले नाही.

संबंधित बातम्या