PHOTO : आता सिकंदराबाद रेल्वे स्टेशन होणार आधुनिक, पाहा फोटो
- Written By: Rahul shelke Published:
पंतप्रधान नरेंद्र मोदी 8 एप्रिल रोजी सिकंदराबाद रेल्वे स्थानकाच्या पुनर्विकासाची पायाभरणी करणार आहेत. तेलंगणातील या स्टेशनचा 720 कोटी खर्चून पुनर्विकास केला जाणार आहे.
या रेल्वे स्थानकाच्या इमारतीत मोठा बदल होणार आहे. जागतिक दर्जाच्या सुविधांसह सुंदर डिझाइन केलेल्या स्टेशनमध्ये रूपांतरित करण्याची योजना आहे.
पंतप्रधान मोदी सिकंदराबाद-तिरुपती वंदे भारत एक्सप्रेसला सिकंदराबाद रेल्वे स्थानकावर हिरवा झेंडा दाखवतील. सिकंदराबाद-तिरुपती वंदे भारत एक्सप्रेस आयटी सिटी हैदराबादला भगवान तिरुपतीशी जोडेल.
तीन महिन्यांच्या अल्प कालावधीत तेलंगणातून सुरू होणारी ही दुसरी वंदे भारत ट्रेन आहे.
निजामाची गॅरंटीड स्टेट रेल्वे (NGSR) ही भारतात कार्यरत असलेली रेल्वे कंपनी होती. ती हैदराबाद संस्थानाच्या निजामाच्या मालकीचे होती. ही कंपनी निजामाने वैयक्तिकरित्या केवळ एक लाईन बांधून सुरू केली होती.
यासाठी निजाम आसफ जह-2 याने 1798 साली ईस्ट इंडिया कंपनीशी करार केला होता. हैदराबादच्या सिकंदराबाद रेल्वे स्थानकापासून वाडी जंक्शनपर्यंत रेल्वे मार्ग बांधण्याचा प्रस्ताव होता.
त्याचे बांधकाम 1870 मध्ये सुरू झाले आणि ते 1874 मध्ये पूर्ण झाली. यानंतर ही मार्गिका काझीपेठ आणि नंतर विजयवाडापर्यंत वाढवण्यात आली. 1899 मध्ये विजयवाडा आणि चेन्नई सेंट्रल दरम्यान ब्रॉडगेज कनेक्शन उघडण्यात आले. त्यामुळे दोन्ही शहरांमधील रेल्वे प्रवास शक्य झाला. 1916 मध्ये, आणखी एक रेल्वे टर्मिनल कांचीगुडा रेल्वे स्थानक त्याचे मुख्यालय बनवण्यात आले.
9 ऑक्टोबर 1874 रोजी वाडी-सिकंदराबादचे बांधकाम सुरू झाले, जे 194.36 किमी आहे. त्यानंतर सिकंदराबाद-वारंगलचे बांधकाम 8 एप्रिल 1886 रोजी सुरू झाले जे 40.57 किमी होते. यानंतर, 1 जानेवारी 1888 रोजी 84.42 किमी लांबीच्या वारंगल आणि दोरनाकल स्टेशनचे बांधकाम सुरू झाले.
