Holi Celebration: अशा प्रकारे ऑस्ट्रेलियाच्या पंतप्रधानांनी भारतात होळी साजरी केली, पारंपारिक नृत्याचाही घेतला आनंद, पाहा फोटो
- Written By: letsupteam Published:
भारतात पोहोचल्यानंतर अँथनी अल्बानीज यांनी अहमदाबाद येथील साबरमती आश्रमात पोहोचून महात्मा गांधींना आदरांजली वाहिली आणि गांधींच्या वारशाला आदरांजली वाहणे हा खरा बहुमान असल्याचे सांगितले.
तत्पूर्वी ते अहमदाबाद विमानतळावर पोहोचले, तेथे त्यांचे जोरदार स्वागत करण्यात आले. याबाबत त्यांनी ट्विट केले की, भारतात अविश्वसनीय स्वागत झाले.
ऑस्ट्रेलियाला रवाना होण्यापूर्वी त्यांनी एक ट्विट केले होते. ज्यात ते म्हणाले की आज मी मंत्री आणि उद्योगपतींचे शिष्टमंडळ भारतात आणत आहे.
अँथनी अल्बानीज म्हणाले, "तुमचा विश्वास काय आहे किंवा तुम्ही कुठून आलात याने काही फरक पडत नाही - जे आम्हाला एकत्र करते ते आम्ही साजरे करतो आणि त्याची कदर करतो." याशिवाय ऑस्ट्रेलियात होळी साजरी करणाऱ्या लोकांनाही त्यांनी शुभेच्छा दिल्या.
या प्रसंगी त्यांनी ट्विट केले की, “अहमदाबादमध्ये होळी साजरी करणे हा सन्मान आहे. वाईटावर चांगल्याच्या विजयाद्वारे होळीचा नूतनीकरणाचा संदेश आपल्या सर्वांसाठी कायमस्वरूपी आठवण आहे."
नंतर त्यांनी अहमदाबादमध्ये होळीचा आनंद लुटला. जिथे त्यांच्यावर फुलांची उधळण करून गुलालाची उधळण करण्यात आली.
