Diwali 2023 : धनत्रयोदशीला खरेदी करण्यासाठी शुभ मुहूर्त कोणता? काय आहे धनत्रयोदशीचे महत्व?
- Written By: kabir letsupp Published:
Diwali 2023 muhurat for shopping: दिवाळी (Diwali) हा भारतीयांचा मोठा सण आहे. दिवाळी केवळ भारतातच नव्हे तर जगभरात उत्साहात साजरी केली जाते. दिवाळी हा ५ दिवसांचा सण आहे. धनत्रयोदशी (Dhantrayodashi), नरक चतुर्दशी, लक्ष्मीपूजन, वसुबारस आणि भाऊबीज अशी पाच दिवस दिवाळी साजरी केली जाते. दिवाळीची सुरुवात धनत्रयोदशीपासून होते. आज धनत्रयोदशी आहे.
NCP Crises : 20 हजार प्रतिज्ञापत्रे बनावट, कारवाई करा; शरद पवार गटाच्या वकिलांची मागणी
कार्तिक कृष्ण त्रयोदशीला धनत्रयोदशीचा सण साजरा केला जातो. या दिवशी समुद्रमंथनातून अमृताचे भांडे बाहेर पडले आणि देवांचे वैद्य धन्वंतरी हे अमृत पात्र घेऊन प्रकट झाले. त्यामुळे आरोग्यासाठी या दिवशी धन्वंतरीची पूजा केली जाते. हा दिवस कुबेराचाही दिवस मानला जातो. या दिवशी धन-समृद्धीसाठी कुबेर देवाची पूजा केली जाते.
धनत्रयोदशीला ‘या’ वस्तू खरेदी करणे शुभ
धनत्रयोदशीच्या दिवशी तुम्ही धातूपासून बनवलेले कोणतेही पाण्याचे भांडे खरेदी करू शकता. धनत्रयोदशीच्य दिवशी सोने, चांदी, खरेदी करण्याची परंपरा आहे. या दिवशी गणेश आणि लक्ष्मीच्या विविध मूर्ती खरेदी करा. खेळणी आणि मातीचे दिवे खरेदी केले जातात. अंकांनी बनवलेले पैशाचे साधन देखील खरेदी करा. असे म्हटले जाते की या दिवशी खरेदी केल्याने संपत्ती 13 पटीने वाढते.
या दिवशी फक्त सोने, चांदी, पितळ किंवा स्टील खेरदी करा. धनत्रयोदशीच्या दिवशी लोखंडी किंवा प्लॅस्टिकच्या वस्तू खरेदी करणे टाळा.
मॅक्सवेलच्या खेळीतून ICC धडा घेणार का? टाइमआउट अन् रनरचे नियम बदलण्याची शक्यता…
धनत्रयोदशीच्या दिवशी खरेदीसाठी शुभ मुहूर्त
अभिजीत मुहूर्त- अभिजीत मुहूर्त 10 नोव्हेंबर रोजी धनत्रयोदशीला सकाळी 11.43 ते 12:26 पर्यंत असेल.
शुभ चोघडिया- धनत्रयोदशीला सकाळी 11.59 ते 01.22 पर्यंत शुभ चोघडिया असल्यामुळे हा शुभ मुहूर्त आहे.
चार चोघडिया- त्यानंतर दुपारी 04.07 ते 05.30 पर्यंत चार चोघडियामुळे खरेदीसाठी चांगला मुहूर्त आहे.
धनत्रयोदशीला पूजेसाठी शुभ मुहूर्त
प्रदोष काल- संध्याकाळी 05:30 पासून सुरू होणारा आणि रात्री 08:08 पर्यंत चालू राहील
वृषभ काळ- संध्याकाळी 05:47 ते 07:47 पर्यंत राहील.
धनत्रयोदशीला दिव्याचे दान
धनत्रयोदशीच्या दिवशी यमासाठी पिठाचा चारमुखी दिवा घराच्या मुख्य प्रवेशद्वारावर ठेवला जातो. दिवा लावून आणि दक्षिणेकडे तोडं करून यमाची पूजा केली जाते. यादिवशी भगवान यमाची पूजा केल्यानं अकाली मृत्यूची भीती नाहीशी होते, असं मानलं जातं.
धनत्रयोदशीला घराचे मुख्य प्रवेशद्वार कसे असावे?
धनत्रयोदशीला मुख्य दरवाजाच्या दोन्ही बाजूला स्वस्तिक चिन्ह लावावे. धनत्रयोदशीपासून भैय्या दूजपर्यंत घराच्या मुख्य प्रवेशद्वारावर प्रार्थना करा. घराच्या मुख्य प्रवेशद्वारावर देवी लक्ष्मीचे प्रतीकात्मक पाय ठेवा. धनत्रयोदशीपासून दिवाळीपर्यंत दररोज मुख्य प्रवेशद्वाराच्या डाव्या बाजूला तुपाचा दिवा लावावा.
धनत्रयोदशीची पूजा कशी केली जाते?
धनत्रयोदशीपूर्वी दिवाळीची स्वच्छता करा. कुबेर आणि धन्वंतरी यांची एकत्र पूजा करा. या दिवशी सोने, चांदी आणि भांडी खरेदी करण्याचे खूप महत्त्व आहे. नवीन भांड्यात कोथिंबीर भरून त्याची पूजा केली जाते आणि दुसऱ्या दिवसापासून ते वापरण्याची प्रथा आहे. याशिवाय धनत्रयोदशीला लक्ष्मीच्या रूपात झाडू किंवा केरसुणीची पूजा केली जाते. असे मानले जाते की यामुळे घरात सुख-शांती राहते आणि संपत्ती वाढते.
