निरोगी आरोग्यासाठी ‘या’ भाज्यांचे सालीसह सेवन करा

मुंबई : भाज्यांमध्ये पोषक तत्वे मुबलक प्रमाणात असतात. जे शरीरातील व्हिटॅमिनची कमतरता पूर्ण करते. लोकांना भाज्यांची सालं काढून खायला जास्त आवडतं. पण, तुम्हाला माहिती आहे का, काही भाज्यांची सालंही खूप फायदेशीर असतात.

1. बटाटा : बटाटे खायला सगळ्यांनाच आवडते, विशेषत: मुले बटाटे मोठ्या उत्साहाने खातात. हा भाज्यांचा राजा आहे, कोणत्याही भाजीत घालून खाऊ शकता. बटाट्याची साल पोषक तत्वांनी परिपूर्ण असते. त्यात पोटॅशियम, लोह, व्हिटॅमिन-सी, व्हिटॅमिन-ए आणि इतर अनेक गुणधर्म असतात, त्यामुळे बटाट्याचे सेवन सालासह करता येते.

2. मुळा : मुळा हिवाळ्यात मुबलक प्रमाणात उपलब्ध होतो. हे खाल्ल्याने आरोग्याला अनेक फायदे होतात. काही लोक मुळा त्याची साल काढून खातात, त्यामुळे शरीराला आवश्यक पोषक तत्व मिळत नाहीत. तुम्ही सालासह मुळा खाऊ शकता, त्यात फायबर, पोटॅशियम, झिंक, कॅल्शियम आणि अनेक जीवनसत्त्वे असतात, ज्याचे अनेक फायदे आहेत.

3. काकडी : सहसा लोक काकडीचा वापर सॅलड म्हणून करतात. अनेकदा लोकांना त्याची साल काढून खायला आवडते. काकडी सालासह खाल्ल्याने अधिक फायदा होतो. यामध्ये फायबर आणि अँटी-ऑक्सिडंट गुणधर्म आढळतात. जे तुम्हाला अनेक आजारांपासून वाचवण्यास मदत करतात.