UPI Transaction Limit: आरबीआयने दिला सुखद धक्का, युपीआय पेमेंटविषयी घेतला मोठा निर्णय

UPI Transaction Limit: देशात UPI व्यवहार झपाट्याने वाढले आहेत. (UPI Transaction) स्मार्टफोन वापरणारी जवळपास प्रत्येक व्यक्ती लहान-मोठे व्यवहार आणि पैसे देवाण-घेवाणसाठी UPI वापरत आहे. (UPI Transaction Limit) मोठ्या दुकानदारांपासून ते रस्त्याच्या कडेला असलेल्या छोट्या दुकानांपर्यंत त्यांनी क्यूआर कोडद्वारे पैसे भरण्याची ही पद्धत अवलंबली आहे. (RBI) त्याच्या दैनंदिन मर्यादेबाबत नेहमीच प्रश्न उपस्थित केले जातात. आता नॅशनल पेमेंट कॉर्पोरेशन ऑफ इंडिया (NPCI) ने ही समस्या दूर केली आहे. आता नॅशनल पेमेंट्स कॉरपोरेशन ऑफ इंडिया (National Payments Corporation of India) ने एक मोठा निर्णय घेतला आहे. 16 सप्टेंबरपासून यूपीआयच्या रोजच्या व्यवहारात वाढ करण्यात आली.

आरबीआयने ऑगस्टमध्ये बदल करण्याच्या सूचना

NPCI (नॅशनल पेमेंट्स कॉर्पोरेशन ऑफ इंडिया) ने रिझर्व्ह बँक ऑफ इंडियाच्या (RBI) निर्देशांनुसार, 16 सप्टेंबरपासून अनेक ठिकाणी UPI व्यवहार मर्यादा वाढवण्याचा निर्णय घेतला आहे. आरबीआयने 8 ऑगस्ट रोजी पतधोरण बैठकीनंतर UPI व्यवहार मर्यादा वाढवण्याची घोषणा केली होती. NPCI ने सर्व UPI ॲप्स, पेमेंट सर्व्हिस प्रोव्हायडर आणि बँकांनाही याबाबत माहिती दिली आहे. त्यांना नवीन सूचनांनुसार त्यांची यंत्रणा अद्ययावत करण्याची विनंतीही करण्यात आली.

‘या’ ठिकाणी 5 लाख रुपये भरता येतील

NPCI नुसार, नवीन नियमांनुसार, आता तुम्ही उद्यापासून कर भरण्यासाठी UPI द्वारे 5 लाख रुपये ट्रान्सफर करू शकाल. रूग्णालय बिल, शैक्षणिक शुल्क, IPO आणि RBI च्या किरकोळ थेट योजनांमध्ये 5 लाख रुपयांपर्यंतचे व्यवहार देखील शक्य आहेत. वाढलेली मर्यादा प्रत्येक व्यवहारात वापरली जाणार नाही. यापूर्वी, NPCI ने डिसेंबर 2021 आणि डिसेंबर 2023 मध्ये UPI व्यवहार मर्यादा बदलली होती. याशिवाय एकाच खात्यातून अनेक लोकांकडून व्यवहार करण्याची सुविधा, UPI सर्कल देखील सुरू करण्यात आली आहे.

UPI पेमेंटवर चार्ज लागणार की नाही? NPCI ने दिले स्पष्टीकरण

बँकादेखील व्यवहाराची मर्यादा निश्चित करू शकणार

सध्या, इतर सर्व प्रकारच्या UPI व्यवहारांसाठी 1 लाख रुपयांची दैनिक मर्यादा आहे. वेगवेगळ्या बँका त्यांच्या स्वत: च्या प्रमाणे ही मर्यादा निश्चित करू शकतात. अलाहाबाद बँकेची UPI व्यवहार मर्यादा 25,000 रुपये आहे. त्याच वेळी, HDFC बँक आणि ICICI बँक 1 लाख रुपयांपर्यंतचे व्यवहार स्वीकारतात. याशिवाय भांडवली बाजार, संकलन, विमा आणि परदेशी व्यवहारांसाठी (Foreign Inward Remittances) हीच मर्यादा दररोज 2 लाख रुपयांपर्यंत आहे.

संबंधित बातम्या