बिहारमध्ये राहुल गांधींची मत हक्क यात्रा; ‘मत चोर गादी सोड’च्या गगनभेदी घोषणा, वाचा किती दिवस आहे यात्रा?

Rahul Gandhi Voter Adhikar Yatra in Bihar : संपूर्ण भारतात, विधानसभा निवडणुका, लोकसभा (Bihar) निवडणुका चोरीला जात आहेत आणि त्यांचा शेवटचा कट बिहारमध्ये एसआयआर करून नवीन मतदार जोडणे, मतदार कापणे आणि बिहार निवडणुका चोरणे आहे. आम्ही त्यांना ही निवडणूक चोरू देणार नाही, अशा शब्दात विरोधी पक्षनेते राहुल गांधी भाजपवर आणि निवडणूक आयोगावर हल्ला चढवला.

एसआयआर विरोधात राहुल गांधींची बिहारमध्ये ‘मत हक्क यात्रा’ सासाराम येथून सुरू झाली. सासाराममधील सुआरा विमानतळ मैदानावर जाहीर सभा झाली. या सभेला लालू-राबडी आणि तेजस्वी यादव यांच्यासह विरोधी पक्षातील अनेक मोठे नेते त्यात सहभागी झाले. ‘मत हक्क यात्रा’च्या पहिल्या दिवशी काँग्रेस अध्यक्ष मल्लिकार्जुन खरगे देखील उपस्थित होते. डाव्या पक्षाचे नेते देखील उपस्थित होते. जाहीर सभेत ‘मत चोर गादी सोड’चे नारे देण्यात आले.

मोठी बातमी! राज्यपाल सी.पी. राधाकृष्णन NDA चे उपराष्ट्रपतीपदाचे उमेदवार, नड्डा यांनी केली घोषणा

राहुल म्हणाले की, आम्ही चौकशी केली तेव्हा सर्व रेकॉर्ड बाहेर काढण्यात आले. कर्नाटकातील एका विधानसभेत एक लाखाहून अधिक मते चोरीला गेल्याचे आम्हाला आढळले आणि या मतांमुळेच कर्नाटकातील लोकसभा जागा भाजपने जिंकली. जेव्हा आम्ही पत्रकार परिषदेत हे सांगितले तेव्हा निवडणूक आयोगाने आमच्याकडे प्रतिज्ञापत्र मागितले. भाजपच्या लोकांकडून प्रतिज्ञापत्रे मागितली जात नाहीत. संविधान वाचवण्याची लढाई आहे. भाजप-आरएसएस संपूर्ण देशात संविधान मिटवण्याच्या तयारीत आहेत. जिथे जिथे निवडणुका होतात तिथे तिथे ते जिंकतात.

महाराष्ट्रातील जनमत चाचण्या म्हणत होत्या की महाविकास आघाडी निवडणुका जिंकेल. लोकसभेत महायुती जिंकते, पण 4 महिन्यांत आपण त्याच भागात हरतो. जेव्हा आम्ही चौकशी केली तेव्हा आम्हाला आढळले की 1 कोटी नवीन मतदार जादूने तयार केले गेले आहेत. जिथे जिथे हे नवीन मतदार आले तिथे भाजप युती जिंकली. आम्ही एकही मत गमावले नाही, परंतु भाजपला सर्व नवीन मते मिळाली आणि ते जिंकले. जेव्हा आम्ही निवडणूक आयोगाला व्हिडिओ दाखवण्यास सांगितले तेव्हा त्यांनी नकार दिला, अशा शब्दात राहुल गांधी यांनी तोफ डागली.

संबंधित बातम्या