खळबळजनक! छत्रपती संभाजीनगरमधून अमेरिकन नागरिकांची फसवणूक, तब्बल 116 जणांना अटक

छत्रपती संभाजीनगर येथून धक्कादाय घटना समोर आली. पोलिसांनी या केंद्रातून ९२ मुले आणि २४ मुलींसह एकूण ११६ कर्मचाऱ्यांना अटक केली आहे.

छत्रपती संभाजीनगरमधून धक्कादायक घटना समोर आली आहे. (Crime) शहरातील चिखलठाणा एमआयडीसी परिसरात पोलिसांच्या विशेष पथकाने मध्यरात्री मोठी कारवाई करत एका बोगस आंतरराष्ट्रीय कॉल सेंटरचा पर्दाफाश केला आहे. या कॉल सेंटरमधून अमेरिकेतील नागरिकांना फसवणुकीचे कॉल केले जात होते. पोलिसांनी या केंद्रातून ९२ मुले आणि २४ मुलींसह एकूण ११६ कर्मचाऱ्यांना अटक केली आहे.

‘गिफ्ट व्हाऊचर’चे आमिष दाखवून कोट्यवधी रुपयांची फसवणूक केल्याचं पोलीस तपासात उघड झाले आहे. हे बोगस कॉल सेंटर गेल्या एक वर्षापासून अत्यंत गुप्त पद्धतीने सुरू होतं. इमारतीच्या आतमध्ये पडदे लावून, रात्री साडेसहा वाजल्यापासून सकाळपर्यंत कामाचं स्वरूप असायचं. विशेष म्हणजे, या कॉल सेंटरचे कर्मचारी ‘हाय प्रोफाइल’ गाड्यांमधून आत येत असत, ज्यामुळे परिसरातील लोकांना संशयही आला नाही.

या प्रकरणात त्यांनी स्वत:ची प्रतिमा उजळण्याचा प्रयत्न करू नये; धसांचा मुंडेंना टोला

गुजरातमध्ये सुरू असलेले हे रॅकेट तेथील कारवाईनंतर अवघ्या दोन महिन्यांपूर्वीच छत्रपती संभाजीनगर शहरात हलविण्यात आले होते. सोमवारी रात्री ११ वाजता दोन डिसीपी, १५ पेक्षा अधिक पीआय, पीएसआयसह १०० हून अधिक पोलिसांचा फौजफाटा तैनात करून या इमारतीवर छापा टाकला. मंगळवारी दुपारी पाच वाजेपर्यंत ही कारवाई पूर्ण झाली. पोलिसांनी या केंद्रातून ९२ मुले आणि २४ मुलींसह एकूण ११६ कर्मचाऱ्यांना ताब्यात घेतले आहे.

ताब्यात घेतलेल्यांमध्ये बहुतांश तरुण हे ईशान्येकडील मेघालय, नागालँड आणि सिक्कीम राज्यांतील आहेत. सर्व आरोपींची घाटी रुग्णालयात वैद्यकीय तपासणी केल्यानंतर त्यांना न्यायालयात हजर केले जाणार आहे. सध्या पोलिसांनी सर्व संगणक, सर्व्हर आणि फसवणुकीसाठी वापरलेली कागदपत्रे ताब्यात घेतली असून, या तपासात आणखी मोठे खुलासे होण्याची शक्यता पोलीस सूत्रांनी व्यक्त केली

संबंधित बातम्या