शिंदे सेनेच्या आमदाराने फोडली मोठी बातमी! ऑपरेशन 3 बद्दल दिली अपडेट, कुणाला धक्का?

शिवसेनेचे नेते आणि मंत्री संजय शिरसाट यांनीही ऑपरेशन टायगर 3 बाबत मोठी माहिती दिली होती.

राज्या मोठ्या राजकीय घडामोडी वारंवार सुरू आहेत. (Thackeray)  काही दिवसांपूर्वीच ठाकरेंच्या 6 खासदारांनी  शिंदे यांच्या नेतृत्वातील शिवसेनेत प्रवेश केला होता. या पक्षप्रवेशाची देशभरात चर्चा झाली. कारण शिवसेना हा आता महाराष्ट्रातील सर्वाधिक खासदार असणारा पक्ष बनला आहे. त्यानंतर विधान परिषदेचे आमदार सचिन अहिर यांनीही शिवसेनेत प्रवेश केला आहे. आता ऑपरेशन टायगर 3 बाबत चर्चा रंगली आहे.

एकनाथ शिंदे यांच्या शिवसेनेचे आमदार नरेंद्र भोंडेकर यांनी ऑपरेशन टायगर 3 बाबत सर्वात मोठी अपडेट दिली आहे. याबाबत प्रश्न विचारला असता भोंडेकर यांनी म्हटले की, लोक येतात जातात तुम्ही काळजी करू नका ब्रेकिंग न्यूज मिळत राहील, येत्या 8 दिवसात ऑपरेशन टायगर 3 होईल असं ते म्हणाले. भोंडेकर यांच्या या विधानानंतर आता आगामी काळात शिवसेनेत मोठ्या प्रमाणात इनकमिंग होण्याची शक्यता आहे.

मोठी बातमी! खासदारांनंतर आमदारांचा गट फुटण्याची भीती?, उद्धव ठाकरेंनी घेतला मोठा निर्णय

याआधी आरोग्यमंत्री प्रकाश आबिटकर यांनीही ऑपरेशन टायगर 3 बाबत भाष्य केले होते. प्रकाश आबिटकर यांनी म्हटले की, ऑपरेशन टायगर-3 कधी होईल तेही कळणार नाही, एकनाथ शिंदे यांच्या झंझावातात अनेक आमदार, माजी मंत्री शिवसेनेत येणार आहेत. केंद्रातील शिवसेनेचा चेहरा शिंदे साहेब राजकीय उपलब्धतेनुसार ठरवतील. आमचा भर संघटना मजबूत करण्यावर आहे.

शिवसेनेचे नेते आणि मंत्री संजय शिरसाट यांनीही ऑपरेशन टायगर 3 बाबत मोठी माहिती दिली होती. आमचे ऑपरेशन 3.0 सुरू झाले आहे. आता महाभुकंप होणार आहे. हे कधी होणार ते एकनाथ शिंदे ठरवणार आहेत असं शिरसाट यांनी म्हटलं होतं. दरम्यान, आतापर्यंत शिवसेनेच्या अनेक नेत्यांनी ऑपरेशन टायगर 3 बाबत भाष्य केलेले आहे, सर्व नेत्यांनी आगामी काळात मोठा पक्षप्रवेश होण्याचे भाकित केले आहे, त्यामुळे आगामी काळात पुन्हा मोठ्या प्रमाणात पक्षांतर पहायला मिळण्याची शक्यता आहे.

संबंधित बातम्या