Video : कुंपणच शेत खातय! पोलीस खात्यातील खळबजनक बातमी, 14 लाखांची लाच
हा संपूर्ण व्यवहार लेणी परिसरात सुरू असलेल्या बेकायदा उत्खननावर कारवाई न करण्यासाठी झाल्याचा प्राथमिक संशय आहे.
- Written By: ganesh pokale Published:
छत्रपती संभाजीनगरमधील धक्कादायक प्रकार समोर आला आहे. (Police) कुंपनच शेत खातय अशी परिस्थिती आहे. येथे वरिष्ठ पोलिस अधिकारी आणि त्यांच्या रायटरने एक मोठी कारवाई टाळण्यासाठी १४ लाखांची लाच स्वीकारल्याचा दावा करणारा व्हिडिओ समाजमाध्यमांवर व्हायरल झाला आहे. या व्हिडिओने पोलीस विभागात एकच खळबळ उडाली आहे. आता या घटनेची गंभीर दखल घेत वरिष्ठांनी घेतली आहे.
समाज माध्यमांवर धुमाकूळ घालत असलेल्या व्हिडिओत एका कारमध्ये बसून रोख रक्कम मोजली जात असल्याचे स्पष्ट दिसत आहे. दोन, तीन, पाच आणि सात लाख अशा टप्प्यांत पैसे मोजण्यात येत आहेत. १३ लाख रुपये मोजून झाल्यानंतर गणेश गायकवाड नावाचा व्यक्ती आम्हाला १५-१५ लाख द्यावे लागतात, हे पैसे पुढे वाटावे लागणार आहेत, असं म्हणत आणखी एक लाखाची मागणी करताना स्पष्ट आवाज ऐकू येत आहे.
संबंध सापडला तर राजीनामा देईन, मंत्रालयातील लाचप्रकरणावर मंत्री झिरवाळ यांचं मोठं वक्तव्य
हा संपूर्ण व्यवहार लेणी परिसरात सुरू असलेल्या बेकायदा उत्खननावर कारवाई न करण्यासाठी झाल्याचा प्राथमिक संशय आहे. या प्रकरणात पोलिस निरीक्षक मंगेश जगताप यांच्या नावाने १२ लाख रुपये आणि पैसे स्वीकारणाऱ्या कर्मचाऱ्यासाठी २ लाख रुपये, असा १४ लाखांचा व्यवहार झाल्याचा आरोप केला जात आहे. हा प्रकार बेगमपुरा पोलीस ठाण्याच्या हद्दीत घडल्याचे समोर आले आहे.
निलंबन आणि बदली
व्हिडिओ व्हायरल होताच पोलीस दलात एकच खळबळ उडाली आहे. खात्याची प्रतिमा मलीन झाल्याने वरिष्ठ अधिकारी अॅक्शन मोडमध्ये आले आहेत. याबाबत माहिती देताना पोलीस उपायुक्त रत्नाकर नवले यांनी सांगितलं की, व्हायरल व्हिडिओची विभागीय चौकशी सुरू करण्यात आली आहे. प्राथमिक तपासाअंती व्हिडिओमध्ये दिसणारा कर्मचारी गणेश गायकवाड याला निलंबित करण्यात आलं आहे, तर पोलीस निरीक्षक मंगेश जगताप यांची तडकाफडकी पोलीस मुख्यालयात बदली करण्यात आली आहे.
छत्रपती संभाजीनगरमधील धक्कादायक प्रकार समोर आला आहे. येथे वरिष्ठ पोलिस अधिकारी आणि त्यांच्या रायटरने एक मोठी कारवाई टाळण्यासाठी १४ लाखांची लाच स्वीकारल्याचा दावा करणारा व्हिडिओ समाजमाध्यमांवर व्हायरल झाला आहे.#Police #sambhajinagarpolice pic.twitter.com/S7wrPvn0Wd
— LetsUpp Marathi (@LetsUppMarathi) February 15, 2026
