कामाची बातमी! राज्यात १ मे पासून ‘एक राज्य एक नोंदणी’; घरात बसून करता येणार रजिस्ट्री

Chandrashekhar Bawankule Said One State One Registration : घराची नोंदणी (Registration Of House) करण्यासाठी सरकारी कार्यालयांचे हेलपाटे मारून तुम्ही पण वैतागला का? तर मग ही बातमी तुमच्यासाठी आहे. घर खरेदी करणं ही बाब जितकी आनंददायी आहे, तितकंच घराची नोंदणी करण्याचं काम कंटाळवाणं वाटत. घराची नोंदणी करण्यासाठी उपनिबंधक कार्यालयामध्ये (Chandrashekhar Bawankule) किंवा तहसील कार्यालयात चकरा माराव्या लागतात. अनेकदा तासनतास या रागांमध्ये ताटकळत बसावं लागत. सरकारी कार्यालयाचे हेलपाटे मारून सर्वजणच वैतागतात. तर अनेक ठिकाणी आपलं काम करण्यासाठी मधल्या दलालांना पैसे देखील द्यावे लागतात, परंतु आता या सगळ्या प्रकाराला पूर्णविराम बसणार (One State One Registration) आहे.

घरांच्या नोंदणीसंदर्भात राज्य सरकारने महत्वाचा निर्णय घेतलाय. त्याची माहिती महसूलमंत्री चंद्रशेखर बावनकुळे यांनी दिली आहे. चंद्रशेखर बावनकुळे यांनी म्हटलंय की, ‘एक राज्य एक नोंदणी’ म्हणजे तुम्ही नागपुरात घर घेतलं (House Registration) असेल तर पुण्यातून देखील नोंदणी करु शकता. आधारकार्ड इन्कम टॅक्ससंदर्भात फेसलेस नोंदणी, अशी 1 मे पासून सुरुवात करतोय.

एका विशिष्ट समाजाच्या मतांवर डोळा…म्हणून विरोधी मतदान, ‘वक्फ’वरून बावनकुळेंचा ठाकरेंवर हल्लाबोल

ता राज्यात कुठेही बसून कोणत्याही जिल्ह्यातील घरांची नोंदणी करता येणार आहे. विशेष म्हणजे ही सगळी प्रक्रिया ऑनलाइन आहे. राज्याचे महसूल मंत्री चंद्रशेखर बावनकुळे यांनी याबाबतची माहिती जाहीर केली आहे. महायुती सरकार राज्यामध्ये 1 मे पासून ‘एक राज्य एक नोंदणी’ पद्धत सुरू करणार असल्याचं त्यांनी जाहीर केलंय.

घर खरेदी विक्री करताना नोंदणी करण्यासाठी सरकारी कार्यालयामध्ये जावं लागतं. या कामात दलालांचा देखील अडथळा असतो. यावर उपाय म्हणून महसूल खात्याच्या मुद्रांक निरिक्षकांनी अन् महानिरिक्षकांनी एक चांगला उपक्रम पुढे आणलाय. आपलं सरकार एक राज्य एक नोंदणी अशी पद्धत सुरू करत आहे. याअंतर्गत आता राज्यातील कोणतीही नोंदणी, मुद्रांक नोंदणी घरबसल्या करता येणार आहे.

‘मातोश्री’वर ठाकरेंसमोर गटबाजी उफाळली, निवडणुकीचा अजेंडा पण… अंतर्गत वादाची हायव्होल्टेज चर्चा

तुम्ही खरेदी केलेल्या घराची कुठेही बसून नोंदणी करता येणार आहे. ही संपूर्ण प्रक्रिया फेसलेस असून आधार कार्ड अन् दस्तऐवजांच्या मदतीने ही नोंदणी करता येणार आहे. मुख्यमंत्री देवेंद्र फडणवीस यांनी डिजीटल महाराष्ट्राचा संकल्प केलाय. महायुती सरकार त्यावर काम करतंय. अशी नोंदणी प्रक्रिया प्रायोगिक तत्वावर मुंबई आणि उपनगरांमध्ये सुरू करण्यात आली होती, ती आता संपूर्ण राज्यभर सुरू होतेय.

संबंधित बातम्या