दिवाळीच्या फराळावर FDA ची नजर! फराळ विक्रेत्यांची तपासणी, सुटे मसाले व खाद्यतेलावरही लक्ष

Diwali FDA Tikaram Mundhe; दिवाळीच्या पार्श्वभूमीवर FDA आयुक्त तुकाराम मुंढेंनी फराळ, मिठाई व खाद्यतेल विक्रेत्यांच्या तपासणीचे निर्देश दिले

Diwali FDA Tikaram Mundhe Inspection: दिवाळीचा सण जवळ आला की बाजारपेठांमध्ये फराळ, मिठाई, खाद्यतेल आणि मसाल्यांच्या खरेदीसाठी गर्दी होते. मात्र, सणासुदीच्या काळात कमी किमतीत निकृष्ट दर्जाचे खाद्यपदार्थ विकले जाण्याची शक्यता असते. यामुळे नागरिकांच्या आरोग्याला धोका निर्माण होऊ नये, यासाठी राज्याच्या अन्न व औषध प्रशासनाने (FDA) कडक पावले उचलली आहेत. दिवाळीचा फराळ बनवणाऱ्या आणि विकणाऱ्या हॉटेल्स, दुकाने, एजन्सी आणि स्वीट होम्सची मोठ्या प्रमाणावर तपासणी केली जाणार आहे. तसेच खाद्यतेलाच्या दर्जाचीही तपासणी करून नियमांचे उल्लंघन करणाऱ्यांवर कारवाई केली जाईल, अशी माहिती FDA आयुक्त तुकाराम मुंढे यांनी दिली. दिवाळी संपेपर्यंत ही मोहीम सुरू राहणार आहे.

पिंपरी-चिंचवड महापालिकेत एसीबीचा छापा, मुख्य अभियंता प्रवीण ओंबासे यांच्यावर 19 हजारांच्या लाचमागणीचा आरोप

फराळ विक्रेत्यांची तपासणी, खाद्यतेलावरही लक्ष

दिवाळीच्या काळात बाजारात तयार फराळ आणि मिठाईला मोठी मागणी असते. ग्राहकांची वाढती मागणी लक्षात घेऊन काही ठिकाणी कमी दर्जाचे खाद्यपदार्थ कमी किमतीत विकले जाण्याची शक्यता असते. अशा पदार्थांचे सेवन केल्यास नागरिकांना आरोग्याच्या समस्यांना सामोरे जावे लागू शकते. त्यामुळे खाद्यपदार्थांची गुणवत्ता, स्वच्छता आणि विक्रीसंदर्भातील नियम पाळले जात आहेत की नाही, याची तपासणी प्रशासनाकडून केली जाणार आहे.

एकनाथ शिंदेंना पुन्हा मुख्यमंत्री करा! अब्दुल सत्तारांचे विधान, महायुती टिकवायची की नाही, हे भाजपच्या हातात

फराळ तयार करणारे आणि त्याची विक्री करणारे व्यावसायिक, हॉटेल्स, मिठाईची दुकाने, एजन्सी आणि स्वीट होम्स या तपासणी मोहिमेच्या कक्षेत असतील. खाद्यतेलाच्या प्रकरणांवरही प्रशासन लक्ष ठेवणार असून, नियमांचे उल्लंघन आढळल्यास संबंधितांवर कारवाई करण्यात येईल, असे तुकाराम मुंढे यांनी स्पष्ट केले.

सुटे मसाले खरेदी करू नका!

दिवाळीच्या फराळासाठी विविध प्रकारचे मसाले खरेदी केले जातात. मात्र, नागरिकांनी सुटे मसाले खरेदी करणे टाळावे आणि पॅकबंद मसाल्यांना प्राधान्य द्यावे, असे आवाहन तुकाराम मुंढे यांनी केले आहे.

सुट्या मसाल्यांची निर्मिती कधी झाली, ते किती काळ वापरण्यायोग्य आहेत आणि त्यामध्ये कोणते घटक मिसळले आहेत, याची खात्री करणे ग्राहकांना कठीण जाते. त्यामुळे मसाले खरेदी करताना पॅकबंद उत्पादनांची निवड करणे महत्त्वाचे आहे. तसेच पॅकेटवरील उत्पादनाची तारीख (Manufacturing Date) आणि अंतिम वापराची तारीख (Expiry Date) तपासूनच खरेदी करावी, असेही त्यांनी सांगितले.

तक्रार असल्यास FDA शी संपर्क साधा

खाद्यपदार्थांच्या गुणवत्तेबाबत किंवा विक्रीमध्ये काही त्रुटी आढळल्यास नागरिकांनी अन्न व औषध प्रशासनाशी संपर्क साधावा. ग्राहकांच्या आरोग्याशी संबंधित बाबींमध्ये निष्काळजीपणा खपवून घेतला जाणार नाही. नियमांचे उल्लंघन करणाऱ्या विक्रेत्यांवर नियमानुसार कारवाई करण्यात येईल, असा इशाराही प्रशासनाकडून देण्यात आला आहे.

शिंदेंची झोळी वर्षभरात ठाकरे बंधूंपेक्षा जास्त भरली; आयोगाने सांगून टाकले आकडे

दिवाळीच्या काळात नागरिकांनी फराळ, मिठाई, खाद्यतेल आणि मसाले खरेदी करताना त्यांच्या दर्जाकडे लक्ष द्यावे. केवळ कमी किंमत पाहून खाद्यपदार्थ खरेदी करण्याऐवजी त्यांची गुणवत्ता आणि पॅकिंगवरील माहिती तपासावी, असे आवाहनही करण्यात आले आहे. दिवाळी संपेपर्यंत सुरू राहणाऱ्या या तपासणी मोहिमेमुळे खाद्यपदार्थांच्या विक्रीतील अनियमितता रोखण्यावर प्रशासनाचा भर राहणार आहे.

राज्यात FDA ने विभाग निहाय केलेल्या कारवाई

मुंबई विभागात 123 तपासण्या करण्यात आल्या. यामध्ये 54 सुधारणा नोटिसा बजावण्यात आल्या, तर 12 ठिकाणी निलंबनाची कारवाई करण्यात आली. या विभागात 4,981 क्विंटल साठा जप्त करण्यात आला असून, त्याची किंमत 34.91 लाख रुपये आहे.

कोकण विभागात 152 तपासण्या करण्यात आल्या. यामध्ये 120 सुधारणा नोटिसा बजावण्यात आल्या, तर 12 ठिकाणी निलंबनाची कारवाई झाली. या विभागात 294 क्विंटल साठा जप्त करण्यात आला असून, त्याची किंमत 319 लाख रुपये आहे.

पुणे विभागात 359 तपासण्या करण्यात आल्या. यामध्ये 142 सुधारणा नोटिसा बजावण्यात आल्या, तर 14 ठिकाणी निलंबनाची कारवाई करण्यात आली. या विभागात 1,910 क्विंटल साठा जप्त करण्यात आला असून, त्याची किंमत 399 लाख रुपये आहे.

नाशिक विभागात 90 तपासण्या करण्यात आल्या. यामध्ये 47 सुधारणा नोटिसा बजावण्यात आल्या, तर 8 ठिकाणी निलंबनाची कारवाई झाली. या विभागात 1,771 क्विंटल साठा जप्त करण्यात आला असून, त्याची किंमत 282 लाख रुपये आहे.

छत्रपती संभाजीनगर विभागात 96 तपासण्या करण्यात आल्या. यामध्ये 47 सुधारणा नोटिसा बजावण्यात आल्या, तर 27 ठिकाणी निलंबनाची कारवाई करण्यात आली. या विभागात 2,517 क्विंटल साठा जप्त करण्यात आला असून, त्याची किंमत 642 लाख रुपये आहे.

नागपूर विभागात 151 तपासण्या करण्यात आल्या. यामध्ये 84 सुधारणा नोटिसा बजावण्यात आल्या, तर 7 ठिकाणी निलंबनाची कारवाई झाली. या विभागात 433 क्विंटल साठा जप्त करण्यात आला असून, त्याची किंमत 205 लाख रुपये आहे.

अमरावती विभागात 86 तपासण्या करण्यात आल्या. यामध्ये 63 सुधारणा नोटिसा बजावण्यात आल्या, तर 14 ठिकाणी निलंबनाची कारवाई करण्यात आली. या विभागात 55 क्विंटल साठा जप्त करण्यात आला असून, त्याची किंमत 84 लाख रुपये आहे.

तसेच, राज्यभरात अशा एकूण 1,057 तपासण्या करण्यात आल्या. यामध्ये 557 सुधारणा नोटिसा बजावण्यात आल्या, तर 94 ठिकाणी निलंबनाची कारवाई झाली. या मोहिमेत एकूण 11,963 क्विंटल साठा जप्त करण्यात आला असून, त्याची किंमत 19 कोटी 69 लाख रुपये असल्याची तुकाराम मुंढेंनी दिली.

संबंधित बातम्या