शासन सहभागाने सांगलीत ज्यूदो खेळाचं निपुणता केंद्र उभारणार; मंत्री चंद्रकांत पाटील

Chandrakant Patil Statment On Judo Excellence Center In Sangli : पुनीत बालन ग्रुप यांच्या सहकार्याने आणि महाराष्ट्र असोसिएशनच्या मदतीने सांगली (Sangli) येथे ज्यूदो खेळाचे खेळाडू निपुणता केंद्र उघडण्यासाठी शासन प्रयत्नशील राहील, असे आश्वासन राज्याचे उच्च आणि तंत्र शिक्षण मंत्री चंद्रकांत पाटील (Chandrakant Patil) यांनी दिलंय. शिव छत्रपती क्रीडा संकुल महाळुंगे बालेवाडी येथे इंस्पायर इन्स्टिट्यूट ऑफ स्पोर्ट्स आणि पुनीत बालन गृप यांचा सहकार्याने आयोजित 15 ते 18 वयोगटातील कॅडेट श्रेणीच्या कॅडेट गटाच्या राष्ट्रीय ज्यूदो स्पर्धेचे उद्घाटन (Judo Excellence Center) आणि चषक अनावरण कार्यक्रमात मंत्री पाटील बोलत होते.

यावेळी युवा उद्योजक पुनीत बालन, इन्स्पायर इन्स्टिट्यूट ऑफ स्पोर्ट्सच्या अध्यक्षा मनीषा मल्होत्रा- मुखर्जी, ॲक्सिस बँकेचे सईद हैदर तसेच आदित्य गोल्हटकर, भारतीय ज्यूदो महासंघाचे निरीक्षक वीरेंद्र वशिष्ठ आणि सहायक सचिव सी एस राजन उपस्थित होते.

कराड ठणठणीत… ब्लड टेस्ट, CT स्कॅन, सोनोग्राफीचे रिपोर्ट सार्वजनिक करा; अंजली दमानिया आक्रमक

यावेळी पुनीत बालन यांनी शासन सहभागाने जुडोचे निपुणता केंद्र उभारावे, अशी विनंती आपल्या भाषणात मंत्री पाटील यांच्याकडे केली. त्यावर पाटील यांनी बोलताना तात्काळ हे केंद्र उभारण्याची घोषणा केली. पाटील पुढे म्हणाले, की देशाच्या सर्वांगीण प्रगतीमध्ये खेळ आणि खेळाडूंचा उत्कर्ष व्हावा यासाठी मोदी सरकार प्रयत्नशिल आहे. यासाठी खेळाडू आणि खेळांच्या कौशल्य विकासासाठी केंद्र सरकारने भरघोस निधी उपलब्ध करून दिला आहे. याच धर्तीवर महाराष्ट्र शासनाने देखील ऑलिम्पिकमध्ये खेळल्या जाणाऱ्या खेळांच्या यादीतील खेळाडूंना नोकरीमधील पाच टक्के आरक्षण आणि दहावी तसेच बारावीतील गुणवंत विद्यार्थ्यांसाठी 25 मार्कांची उपलब्धता करून दिलेली आहे तसेच रोख रकमांचीही तरतूद केली आहे.

पुनीत बालन यांनी या राष्ट्रीय ज्यूदो स्पर्धेतील कॅडेट गटाच्या विजेत्या खेळाडूंसाठी भरघोस बक्षिसांची घोषणा केली. यामध्ये त्यांनी मुलामुलींच्या एकूण 16 वजन गटातील प्रत्येक सुवर्णपदक प्राप्त खेळाडूसाठी 11 हजार , रौप्यपदक प्राप्त खेळाडूसाठी 7 हजार तर दोन कांस्यपदक विजेत्यांसाठी 5 हजार रुपये प्रत्येकी अशी जवळपास पांच लाख रुपयांच्या बक्षीस रकमेची घोषणा केली.

राज्याला लवकरच तिसरा उपमुख्यमंत्री मिळणार; ‘या’ नेत्याचं नावं घेत राऊतांचा खळबळजनक दावा

कार्यक्रमास द्रोणाचार्य पुरस्कार विजेते प्रशिक्षक जीवन शर्मा आणि अर्जुन पुरस्कार विजेते यशपाल सोलंकी, स्पर्धा प्रमुख जे आर राजेश यांसह राज्य ज्यूदो संघटनेचे अध्यक्ष धनंजय भोसले यांची विशेष उपस्थिती होती. कार्यक्रमाचे प्रास्ताविक महाराष्ट्र ज्यूदो संघटनेचे महासचिव शैलेश टिळक यांनी तर आभार तांत्रिक सचिव दत्ता आफळे यांनी केले. दरम्यान या स्पर्धा दिनांक 23 ते 25 जानेवारी या कालावधीत होणार आहे. या स्पर्धेसाठी 29 राज्यातील जवळपास 600 खेळाडू, प्रशिक्षक, पंच आणि पदाधिकारी यांनी पुणे शहरात आगमन केले आहे.

कार्यक्रमात छत्तीसगड राज्यातील अत्यंत दुर्गम परिसरात राहणाऱ्या कुमारी हेमावती नाग या आदिवासी बालिकेने कोणतीही विशेष साधन सुविधा उपलब्ध नसतानाही राष्ट्रीय शालेय आणि राष्ट्रीय ज्यूदो स्पर्धेमध्ये अनेक पदके पटकावली. म्हणून तिला राष्ट्रपती पुरस्कार प्राप्त झाला, याबद्दल तिचा या कार्यक्रमात विशेष सत्कार मंत्री चंद्रकांत पाटील यांच्या हस्ते करण्यात आला. आज होणाऱ्या स्पर्धेमध्ये मुलींच्या 40, 48, 52, आणि 57 किलोखालील गटांच्या तर मुलांच्या 50, 55, 60, आणि 66 किलोखालील गटांच्या स्पर्धांना प्रारंभ झाला. दुपारी चार नंतर या गटातील अंतिम सामान्यांना प्रारंभ होईल.

संबंधित बातम्या