पर्यटकांसाठी महत्वाची बातमी! भंडारदरा परिसरात गर्दी नियंत्रणासाठी प्रशासनाचे ‘हे’ आदेश

Important news for tourists! Administration’s order for crowd control in Bhandardara area : 15 ऑगस्ट शुक्रवार त्यांनतर शनिवार व रविवार अशा सलग सुट्ट्यांची गर्दी पाहत अनेकजण फिरायला जाण्याचे प्लान करतात. त्यातच नगरकर तुम्हीही भंडारदरा परिसरात फिरायला जाणार असाल तर त्यापूर्वी ही बातमी नक्की वाचा. सलग सुट्ट्या यामुळे भंडारदरा परिसरात पर्यटकांची गर्दी नियंत्रणात आणण्यासाठी जिल्हा पोलीस अधीक्षक सोमनाथ घार्गे यांनी तीन दिवस एकेरी वाहतुक करण्याचे आदेश.

मध्यरात्री मुलीचा मृत्यू, कुटुंबियांनी पहाटे परस्परच उरकला अंत्यविधी; जालन्यातली धक्कादायक घटना

राजुर पोलीस स्टेशन हद्दीत भंडारदरा धरण, रंधा धबधबा, कोकणकडा, हरीशचंद्रगड, कळसुबाई शिखर, अमृतेश्वर मंदिर रतनवाडी, वाल्मीक ऋषीं आश्रम कोदणी अशी प्रेक्षणीय स्थळे येतात. याठिकाणी सलग आलेल्या सुट्ट्यांमुळे तसेच 15 ऑगस्ट रोजी प्रत्येक वर्षी मोठ्या प्रमाणावर पुणे, नाशिक, ठाणे-मुंबई व आसपासचे तालुक्यातील संगमनेर, अकोले, श्रीरामपुर, ईगतपुरी व ईतर महत्त्वाच्या शहरातील पर्यटकांची मोठी गर्दी ही होत असते. 15 ऑगस्ट ते 17 ऑगस्ट असे सलग 03 दिवस सुट्टी असल्याने सदर दिवशी मोठ्या प्रमाणावर पर्यटकांची गर्दी होण्याची शक्यता आहे.

अबब! सचिनचा लेक अर्जुन ‘इतक्या’ संपत्तीचा मालक; वाचा कुठून कमावतो पैसा?

सदर भागातील रस्ते हे अरुंद असुन काही रस्त्यांचे दुरुस्तीचे काम चालु आहेत. त्यामुळे मोठ्या प्रमाणावर वाहतुक कोंडी होवुन कायदा व सुव्यवस्थेचा प्रश्न निर्माण होण्याची शक्यता नाकारता येत नाही. त्यामुळे या तीन दिवस सकाळी 07.00 ते रात्री 08.00 वाजेपर्यंत शेंडी भंडारदरा येथील वाहतुक एकेरी करणे आवश्यक असल्याने अहिल्यानगर चे पोलीस अधीक्षक,सोमनाथ घार्गे, यांनी शेंडी -भंडारदरा या मार्गावरील वाहतुक बंद करून खालील पर्यायी मार्गाने एकेरी करणेबाबतचा आदेश दिला आहे.

जाणून घ्या पर्यायी मार्ग…

रंधा फाटा येथुन भंडारदरा येथे जाण्यासाठी प्रवेश बंद

शेंडी / भंडारदरा येथे जाण्यासाठी वाकी फाटा, वारंघुशी फाटा येथुन प्रवेश.

एकेरी वाहतुकीचा मार्ग वारंघुशी फाटा / वाकी फाटा (प्रवेश) चिंचोडीफाटा यश रिसोर्ट शेंडी भंडारदरा धरण

स्पिल्वे गेट भंडारदरा गाव -गुहीरे रंधा (बाहेर)

संबंधित बातम्या