दाऊद इब्राहिमला धक्का, मुंबई पोलिसांची मोठी कारवाई, ड्रग्ज प्रकरणात दानिश मर्चंटला अटक

Danish Merchant : मुंबई पोलिसांनी मोठं कारवाई करत दानिश मर्चंट उर्फ ​​दानिश चिकना (Danish Merchant) याला ड्रग्ज प्रकरणात अटक केली आहे. माहितीनुसार, दानिश दाऊद इब्राहिमचा साथीदार आहे. या प्रकरणात मुंबई पोलिसांनी दानिश मर्चंटचा सहकारी कादर गुलाम शेख (Kader Ghulam Sheikh) यालाही अटक केली आहे. दानिशचे डोंगरी येथे अवैध ड्रग युनिट (Drugs Case) असून ते दाऊद इब्राहिमशी (Dawood Ibrahim) जोडलेले आहे. गेल्या महिन्यात 2 जणांना (मोहम्मद आशिकुर सहिदुर रहमान आणि रेहान शकील अन्सारी) अटक करण्यात आली होती.

तेव्हापासून व्यापाऱ्याचा शोध सुरू होता. या प्रकरणात मिळालेल्या माहितीनुसार, गेल्या महिन्यात आरोपी आशिकुरला मरीन लाइन स्टेशन परिसरातून अटक करण्यात आली होती. पोलिसांना (Mumbai Police) त्याच्याकडून 144 ग्रॅम अंमली पदार्थ मिळाले होते. या प्रकरणात चौकशी करताना रेहान शकीलकडून ड्रग्ज खरेदी करत होता अशी माहिती समोर आली होती. त्यामुळे पोलिसांनी तत्काळ रेहान शकीलला अटक केली. त्याच्याकडून 55 ग्रॅम ड्रग्ज जप्त करण्यात आले. रेहमान आणि त्याच्याकडून जप्त केलेले एकूण 199 ग्रॅम ड्रग्ज दाऊद इब्राहिमचा जवळचा सहकारी दानिश चिकना याच्याकडून खरेदी करण्यात आल्याचे त्याने सांगितले.

नार्कोटिक्स कंट्रोल ब्युरो (NCB) ने 2019 मध्ये दाऊद इब्राहिमच्या डोंगरी येथील ड्रग्ज कारखान्याचा पर्दाफाश केला होता. या काळात कोट्यवधी रुपयांचे अमली पदार्थ जप्त करण्यात आले. यानंतर 2021 मध्ये दानिश मर्चंटला राजस्थानमधून अटक करण्यात आली होती.

बावनकुळे, सरनाईक अन् शिरसाट फडणवीसांच्या मंत्रिमंडळात 3 रिक्षाचालक झाले मंत्री!

चौकशी केली असता त्याच्या कारमध्ये अमली पदार्थांचा मोठा साठा आढळून आला. दानिश ‘चिंकू पठाण मॉड्यूल’चा एक भाग आहे. एनसीबीने त्याच्या ड्रग्ज मॉड्यूलचा पर्दाफाश केला तेव्हा तो राजस्थानला पळून जाण्याच्या प्रयत्नात होता.

देवेंद्र फडणवीस मंत्रिमंडळात अजितदादांचे 9 शिलेदारांनी घेतली मंत्रिपदाची शपथ

संबंधित बातम्या