‘महामार्ग रुंदीकरणाचे काम तत्काळ सुरू करा’, खासदार निलेश लंके बसले उपोषणाला

Nilesh Lanke News : अहिल्यानगर जिल्ह्यासाठी महत्वाच्या असलेल्या एनएच 160 या महामार्गाच्या रुंदीकरणाच्या कामात प्रचंड दिरंगाई होत असल्याने जनतेमध्ये नाराजीचा सूर उमटत आहे. या नाराजीची दखल घेत खासदार नीलेश लंके (Nilesh Lanke News) हे या कामास सुरुवात करावी या मागणीसाठी आजपासून जिल्हाधिकारी अहिल्यानगर येथे बेमुदत उपोषणास बसले आहेत.

सावळीविहीर किमी 88.400 ते नगर बायपास किमी 163.400 या 75 किलोमीटर लांबीच्या फोर लेन महामार्ग रुंदीकरणासाठी भारत कन्स्ट्रक्शन इंडिया प्रा. लि., देहरादून या कंपनीला ठेका देण्यात आला आहे. 21 मार्च 2025 रोजी ठेका करार पार पडला होता. 29 एप्रिल रोजी सबंधित कंपनीस काम मंजूर होउनही आज अखेर कोणतेही काम प्रत्यक्ष सुरू झालेले नाही. त्याविरोधात पत्रव्यवहार करण्यात येऊनही दखल न घेतल्याने खा. लंके यांनी उपोषणास्त्र उगारले आहे.

Nilesh Lanke ॲक्शन मोडमध्ये, शेतकऱ्यांच्या प्रश्नांवरून सत्ताधाऱ्यांना घेरणार, ‘या’ दिवशी जनआक्रोश मोर्चा काढणार

या मागण्यांसाठी उपोषण

तात्काळ प्रत्यक्ष कामास सुरूवात करावी, कामाची प्रगती व योजनाबद्ध वेळापत्रक सादर करावे, स्थानिक नागरिकांच्या सुरक्षिततेसाठी तातडीने पर्यायी व्यवस्था करावी, दिरंगाईस जबाबदार अधिकाऱ्यांवर कारवाई करावी यांसह अन्य महत्वाच्या मागण्यांसाठी निलेश लंके यांनी उपोषण सुरू केले आहे.

संबंधित बातम्या