माझ्या पराभवाचा बदला नागरिक घेणार…, राम शिंदेंनी रोहित पवारांवर साधला निशाणा

Ram Shinde On Rohit Pawar : जामखेडमध्ये राजकीय वातावरण तापले असताना सभापती राम शिंदे यांनी आमदार रोहित पवार यांच्यावर जोरदार प्रहार केला आहे.

Ram Shinde On Rohit Pawar : जामखेडमध्ये राजकीय वातावरण तापले असताना सभापती राम शिंदे यांनी आमदार रोहित पवार यांच्यावर जोरदार प्रहार केला आहे. राम शिंदे म्हणाले की, 2019 आणि 2024 मध्ये रोहित पवार यांनी पैशाच्या जोरावर विजय मिळवला. ज्यांच्या आधारावर ते निवडून आले, ते सर्व सहकारी आज भाजपात आहेत. त्यामुळे त्यांना उमेदवारी मिळाला नाही त्यांची कार्यपद्धती आणि मतदानावर प्रभाव टाकण्याचे तंत्र लोकांना कळले आहे.

शिंदेंनी आरोप केला की नगरपरिषदेच्या कार्यक्षेत्रात निवडणुकीदरम्यान अनेक पैशांच्या गाड्या अडवण्यात आल्या, काही गाड्या परतही पाठवण्यात आल्या. या पैशांच्या जोरावर 2024 मध्ये त्यांना विजय मिळाला. परंतु आज परिस्थिती पूर्ण बदलली आहे. त्यांना आज त्यांचा पराभव दिसत आहे.त्यामुळेच रोहित पवार असे वक्तव्ये करत आहेत असे ते म्हणाले.

फडणवीसांनी विकासाच्या मुद्द्यांवर स्पष्ट भूमिका मांडली

मुख्यमंत्री देवेंद्र फडणवीस यांच्या दौर्‍याचा उल्लेख करत शिंदे म्हणाले फडणवीसांनी विकासाच्या मुद्द्यांवर स्पष्ट भूमिका मांडली. कोणावरही व्यक्तिगत टीका न करता त्यांनी सकारात्मक राजकारण ठेवले. पण रोहित पवार मात्र कायमच आरोप-प्रत्यारोपात अडकलेले दिसतात.

कर्जत-जामखेडमध्ये डॉन-गुंडांचा राज्य

महाविकास आघाडीच्या काळात कर्जत-जामखेडमध्ये डॉन-गुंडांचा राज्य झाल्याची भावना नागरिकांमध्ये तयार झाली, असा गंभीर आरोपही शिंदेंनी केला. रोहित पवार यांच्या सभांमध्ये अधिकाऱ्यांना झापण्याचा प्रकार अनेकदा दिसला. त्यामुळे नागरिकांमध्ये त्यांच्याबद्दल असंतोष आणि चीड निर्माण झाली आहे,असे त्यांनी म्हटले.

विकेंड पार्टींच्या नशेतले राक्षस अजून किती जीव घेणार? सामाजिक कार्यकर्ते विजय कुंभारांचा प्रश्न

माझा पराभव झाला, त्याचं बदला नागरिक आता घेणार

शेवटी राम शिंदे म्हणाले, ज्या थोड्याशा फरकाने माझा पराभव झाला, त्याचं बदला नागरिक आता घेणार आहेत. प्रत्येक मतदान केंद्रावर बदलाची स्पष्ट हवा दिसत आहे. रोहित पवार यांचा पराभव निश्चित आहे.

संबंधित बातम्या