सामान्य माणसापासून ख्यातनाम व्यक्तीही असुरक्षित?, मायानगरी मुंबईतील गन्ह्याची आकडे काय सांगते?

How Safe Is Mumbai City? : बॉलिवूड अभिनेता सैफ अली खानवर झालेल्या हल्ल्यानंतर (Mumbai ) मुंबईतील सुरक्षा व्यवस्थेवर पुन्हा एकदा प्रश्नचिन्ह निर्माण झाला आहे. आम आदमी पक्षाचे प्रमुख अरविंद केजरीवाल यांनी मुंबई असुरक्षित असल्याचं म्हटलं आहे. मुंबईतील कायदा आणि सुव्यवस्थेबाबत उद्धव ठाकरे यांच्या पक्षानेही सरकारला घेरलं आहे.

सलमान खानपासून ते सैफ अली खानपर्यंत हे बॉलिवूड स्टार्स ठरले अपहरण आणि हल्ल्यांचे बळी

शिवसेना (ठाकरे) गटाचे खासदार संजय राऊत म्हणाले की, महाराष्ट्रात कोणीही सुरक्षित नाही. सर्वसामान्यांना विसरून जा, स्वत:ची सुरक्षा असलेले सेलिब्रिटीही सुरक्षित नाहीत. वाढत्या प्रश्नांच्या पार्श्वभूमीवर मुख्यमंत्री देवेंद्र फडणवीस म्हणतात की, मुंबई हे सुरक्षित शहर आहे. मात्र, या शहरातील आकडेवारी पाहता मायानगरी सर्वसामान्यांसाठी किती सुरक्षित आहे असा फ्रश्न उपस्थित होतो.

भारताची आर्थिक राजधानी किती सुरक्षित आहे?

1. मुंबई पोलिसांच्या म्हणण्यानुसार, 30 नोव्हेंबर 2024 पर्यंत चोरीच्या 7808 गुन्ह्यांची नोंद झाली होती, त्यापैकी 2533 प्रकरणे उघडकीस आली होती. 2023 च्या संपूर्ण वर्षासाठी हा आकडा 6133 होता. रोजच्या घटना पाहिल्या तर 2024 मध्ये मुंबईत दररोज 23 चोरीच्या गुन्ह्यांची नोंद झाली होती. 2023 मध्ये ते 18 होते.

2. मुंबई पोलिसांच्या म्हणण्यानुसार, 30 नोव्हेंबर 2024 पर्यंत दरोड्याच्या 448 गुन्ह्यांची नोंद झाली आहे. दरोड्याच्या प्रयत्नाचे 110 गुन्हे घडले. रोजच पाहिलं तर मुंबईत दरोड्याच्या दोन घटना घडत आहेत.

3. मुंबई महिलांसाठीही फारशी सुरक्षित नाही. 30 नोव्हेंबर 2024 पर्यंत बलात्काराचे 958 गुन्हे नोंदवण्यात आले होते, जे 2023 मधील 878 पेक्षा खूपच जास्त होते. मुंबईत दररोज बलात्काराचे ३ गुन्हे दाखल होत आहेत.

4. मुंबईतील अपहरणाची आकडेवारीही धक्कादायक आहे. गेल्या वर्षी नोव्हेंबरपर्यंत मुंबईत अपहरणाच्या 1129 घटनांची नोंद झाली होती. मुंबईत दररोज अपहरणाच्या ४ घटनांची नोंद होते. 2023 मध्ये हा आकडा 3 च्या आसपास होता.

5. हत्येबाबत बोलायचे झाले तर मुंबईत नोव्हेंबर 2024 पर्यंत 101 गुन्हे दाखल झाले. आणि खुनाच्या प्रयत्नाचे 283 गुन्हे दाखल झाले. या आकडेवारीवर विश्वास ठेवला तर मुंबईत खून किंवा खुनाच्या प्रयत्नाचा गुन्हा दाखल होत आहे.

6. गुन्ह्यांच्या एकूण आकडेवारीवर नजर टाकल्यास, नोव्हेंबर 2024 पर्यंत मुंबईत 48343 गुन्ह्यांची नोंद झाली, जी 2023 च्या तुलनेत सुमारे 8000 अधिक होती. गेल्या वर्षी मुंबईत दररोज 144 गुन्हे दाखल झाले होते. मुंबई पोलिसांनी नोंदवलेले हे आकडे आहेत.

मुंबईची लोकसंख्या आणि पोलिसांची सुरक्षा

जागतिक लोकसंख्या मीटरनुसार सध्या मुंबईत सुमारे 2 कोटी 10 लाख लोक राहत आहेत. त्यांच्या सुरक्षेसाठी मुंबईत जवळपास 97 पोलीस ठाणे आहेत. मुंबईतील पोलीस यंत्रणा ही आर्थिक शहराच्या सुरक्षेत महत्त्वाची भूमिका बजावणारी यंत्रणा आहे.

2024 मध्ये, आरटीआय कार्यकर्ते अनिल गलगली यांच्या प्रश्नाला उत्तर देताना, मुंबई पोलिसांनी सांगितले होतं की आर्थिक राजधानी सुरक्षित ठेवण्यासाठी 51308 पदे मंजूर आहेत. यामध्ये कॉन्स्टेबलसाठी सर्वाधिक 28938 पदे मंजूर आहेत.

मंजूर संख्या पाहिल्यास मुंबईत दर ४०० लोकांमागे एक पोलिस कर्मचारी आहे, असं मुंबई पोलिसांनी त्यावेळी सांगितलं होतं की, एकूण पदांपैकी १२ हजार पदे अजूनही रिक्त आहेत. केवळ 38409 पदे भरण्यात आली.

संबंधित बातम्या