वाघ्या कुत्र्याच्या स्मारकावर खासदार उदयनराजेंचा संताप, केली ‘ही’ मोठी मागणी

Udayanraje Bhosale On Waghya Statue: राज्यात पुन्हा एकदा रायगड किल्ल्यावरील वाघ्या कुत्र्याच्या स्मारकावरून (Waghya Statue) वाद सुरु झाला आहे. आता भाजप खासदार आणि छत्रपतींच्या घराण्याचे वंशज उदयनराजे भोसले यांनी वाघ्या कुत्र्याच्या स्मारकाला हटवण्याची मागणी केली आहे. तर काही दिवसांपूर्वी माजी खासदार संभाजीराजे भोसले (Sambhajiraje Bhosale) यांनी देखील स्मारक रायगडावरुन हटविण्यात यावे अशी मागणी केली होती.  खासदार उदयनराजे भोसले (Udayanraje Bhosale) आज माध्यमांशी बोलत होते. यावेळी त्यांना वाघ्या कुत्र्याच्या स्मारकाचा प्रश्न विचारण्यात आला.

या प्रश्नावर उत्तर देत उदयनराजे म्हणाले की, रायगड म्हटल्यावर आपल्यासमोर कुणाची प्रतिमा यायला हवी? छत्रपती शिवाजी महाराज की वाघ्या कुत्रा? तुम्ही वाघ्या कुत्र्याच्या पुतळ्याकडे नीट बघा. एवढ्या लांब कानाचा कुत्रा भारतात कुढे आढळतो का? ही ब्रिटिशांची कुत्री आहे. त्या पुतळ्याला दणका द्या आणि टाकून द्या. त्याचा विचार का व्हावा. असं माध्यमांशी बोलताना खासदार उदयनराजे म्हणाले.

राजभवनाच्या जागेत छत्रपती शिवाजी महाराजांचे स्मारक व्हावे माध्यमांशी बोलताना पुढे खासदार उदयनराजे म्हणाले की, अरबी समुद्रात छत्रपती शिवाजी महाराजांचे स्मारक व्हावे, अशी एक जुनी मागणी होती. मात्र पर्यावरणाच्या कारणास्तव इथे स्मारक होण्यास काही अडथळे निर्माण होत आहेत. त्यामुळे अरबी समुद्राऐवजी राजभवनाच्या जागेत हे स्मारक व्हावे असं देखील यावेळी खासदार उदयनराजे भोसले म्हणाले.

राजभावनाकडे 48 एकर जागा आहे त्या जागेत छत्रपती शिवाजी महाराजांचे स्मारक व्हावे, अशी आमची मागणी आहे. ही जागाही अरबी समुद्राला लागूनच आहे. राज्यपालांना राहण्यासाठी एवढी मोठी जागा कशाला हवी. असेही ते म्हणाले.

48 तासाचा अल्टीमेटम, मुंबई पाणी प्रश्नावर आदित्य ठाकरेंचा सरकारला इशारा 

तसेच या मागणीसाठी माझी केंद्रीय गृहमंत्री अमित शाह (Amit Shah) आणि मुख्यमंत्री देवेंद्र फडणवीस (Devendra Fadnavis) यांच्याशी चर्चा झाली असल्याची देखील माहिती त्यांनी माध्यमांशी बोलताना दिली.

संबंधित बातम्या