live now
Election Result LIVE : जनता जनार्दन! तीन राज्यातील बंपर विजयानंतर मोदींचं पहिलं ट्विट

  • Written By: Published:
PM Modi

Assembly Election Results Live Update  : लोकसभा निवडणुकांची सेमीफायनल म्हणून बघितली गेलेली राजस्थान, मध्यप्रदेश, छत्तीसगड आणि तेलंगणा या चार राज्यांची मतमोजणी सुरू आहे. आतापर्यंत हाती आलेल्या निकालांनुसार छत्तीसगड, राजस्थान आणि मध्य प्रदेशात भाजपनं विजयाकडे वाटचाल केली आहे. तर, तेलंगणात बीआरएसला धोबीपछाड करत काँग्रेसनं आघाडी घेतली आहे. मतमोजणीच्या रिअल टाईम अपडेटसह विविध अँगलच्या बातम्या देणारा लेट्सअपचा लाईव्ह ब्लॉग…

LIVE NEWS & UPDATES

  • 03 Dec 2023 04:52 PM (IST)

    जनतेला सलाम, 3 राज्यात भाजपच्या बंपर विजयानंतर मोदींचं ट्विट

    मध्य प्रदेश, राजस्थान आणि छत्तीसगडमध्ये भाजपच्या बंपर विजयानंतर पीएम मोदींनी ट्विट करत जनता जनार्दन म्हणत जनतेचे आभार मानले आहेत. मध्य प्रदेश, राजस्थान आणि छत्तीसगडच्या निवडणूक निकालांवरून भारतातील जनतेचा विश्वास केवळ सुशासन आणि विकासाच्या राजकारणावर असून, त्यांचा विश्वास भाजपवर असल्याचे मोदींनी ट्विटमध्ये म्हटले आहे. भाजपवर प्रेम, विश्वास आणि आशीर्वाद दिल्याबद्दल मोदींनी तिन्ही राज्यातील माता, भगिनींसह तरुण मतदारांचे मनःपूर्वक आभार मानले आहेत.

     

  • 03 Dec 2023 04:33 PM (IST)

    छत्तीसगडचा निकाल धक्कादायक- संजय राऊत

    पाच पैकी चार राज्यांचे आज निकाल लागले. तेलंगणात काँग्रेसने जिंकलं हे अनपेक्षितपणे आहे. तेलंगणामध्ये MIM केसीआर फॅक्टर चालला नाही. राहुल गांधी प्रियांका गांधी यांनी जोरदार प्रचार केला. राजस्थान मध्ये दर पाच वर्षांनी नवीन सरकार येतं. छत्तीसगडचा निकाल धक्कादायक आहे. अशोक गेहलोत यांनी चांगलं काम केलं. पण मतदारांनी तिथे सरकार बदलण्याची परंपरा कायम ठेवल्याचं संजय राऊत म्हणाले.

  • 03 Dec 2023 03:49 PM (IST)

    अशोक गहलोत संध्याकाळी साडेपाच वाजता राज्यपालांकडे राजीनामा सादर करतील

    Rajasthan Election Result 2023 : मुख्यमंत्री अशोक गहलोत (Ashok Gehlot) संध्याकाळी 5.30 वाजता राज्यपालांना भेटण्यासाठी राजभवनात पोहोचतील आणि त्यांचा राजीनामा सादर करतील. राजस्थानमध्ये भाजप विजयाकडे वाटचाल करताना दिसत आहे. ट्रेंडमध्ये भाजप काँग्रेसपेक्षा खूप पुढे असून त्यांनी बहुमताचा आकडा पार केला आहे. अशा स्थितीत सध्याचे काँग्रेसचे सरकार जाणार हे आता निश्चित झाले आहे. त्यामुळे, मुख्यमंत्री अशोक गहलोत राज्यपाल कलराज मिश्रा यांची भेट घेतील आणि त्यांना राजीनामा सुपूर्द करतील.

  • 03 Dec 2023 03:27 PM (IST)

    आजच्या निकालाच विश्लेषण म्हणजे मोदींच्या गॅरांटीवर जनतेचा विश्वास- विनोद तावडे

    आजच्या निकालाच विश्लेषण म्हणजे मोदींच्या गॅरांटीवर जनतेचा विश्वास. मोदींमुळे विजय मिळाला आहे. राहुल गांधींच्या यात्रेचं काय परिणाम झाला. विधानसभा आणि लोकसभा निवडणूक वेगवेगळी असते. राजस्थानमध्ये दलित महिलेवर अत्याचार आणि मोठ्या प्रमाणावर भ्रष्टाचार झाला- विनोद तावडे

  • 03 Dec 2023 02:48 PM (IST)

    Rajasthan Election Results 2023 : राजस्थानमधील भाजपचा आश्वासक चेहरा वसुंधरा राजे विजयी

    राजस्थानच्या झालारपाट मतदार संघातून भाजपच्या वसुंधरा राजे विजयी झाल्या आहेत. ५३ हजार १९३ मते मिळवून त्यांनी काँग्रेसचे रामलाल चौहान यांचा पराभव केला.

  • 03 Dec 2023 02:37 PM (IST)

    Madhya Pradesh Election Results 2023 : फूलों का तारों का… शिवराज सिंह चौहान यांच्यावर फुलांची उधळण

    मध्य प्रदेशच्या विजयात महत्वाचा वाट असणारे मुख्यमंत्री शिवराज सिंह चौहान यांचे अभिनंदन करण्यासाठी महिलांनी मोठ्या प्रमाणात गर्दी केली होती. महिलांनी आनंद व्यक्त करत 'फूलों का तारों का' या गाण्यावर ताल धरत शिवराज सिंह चौहान यांच्यावर फुलांची उधळण केली.
    .

  • 03 Dec 2023 02:34 PM (IST)

    Telagna Election Results 2023 : ‘सीएम-सीएम’ रेवंत रेड्डी यांच्या बाजूने काँग्रेस कार्यकर्त्यांची घोषणाबाजी

    तेलंगणामध्ये काँग्रेसची सत्ता येणार हे जवळपास निश्चित झाले आहे. कॉंग्रेस कार्यकर्त्यांनी हैदराबादमधील पक्ष कार्यालयात एकच गर्दी केली आहे. पक्षाचे प्रदेशाध्यक्ष रेवंत रेड्डी यांच्या समर्थनार्थ कार्यकर्त्यांनी ‘सीएम-सीएम’ अशा घोषणा दिल्या. राज्यात एकूण 119 जागांपैकी 63 जागांवर काँग्रेस आघाडीवर आहे. तर, सत्ताधारी BRS 41 जागांवर आणि भाजप 7 जागांवर आघाडीवर आहे.

  • 03 Dec 2023 02:07 PM (IST)

    मन, मन में मोदी असा निकाल : मुख्यमंत्री एकनाथ शिंदे

    याअगोदर घर घर मी मोदी असे म्हणत होते. पण, या निवडणूक निकालामुळे "मन, मन में मोदी असा निकाल"या चार राज्याच्या निवडणुकांमध्ये पाहायला मिळाला आहे. मोदी यांचा करिष्मा संपला असे म्हणत होते. पण, निकाल हे जनतेच्या हातात असतात. अशी प्रतिक्रिया मुख्यमंत्री एकनाथ शिंदे यांनी दिली.

  • 03 Dec 2023 01:53 PM (IST)

    पंतप्रधान नरेंद्र मोदी यांची गॅरंटी सर्वांवर भारी पडली! : चंद्रशेखर बावनकुळे

     

     

     

  • 03 Dec 2023 01:46 PM (IST)

    'देशाला मोदींशिवाय पर्याय नाही': अजित पवार, उपमुख्यमंत्री

    मध्यप्रदेश, छत्तीसगड आणि राजस्थानमध्ये भाजपाचीच सत्ता येत असल्याचं चित्र दिसत आहे. यानंतर उपमुख्यमंत्री अजित पवार यांनी देशाला नरेंद्र मोदींशिवाय पर्याय नाही असं म्हटलं आहे. जनतेने जो कौल दिला आहे तो मान्य केला पाहिजे. ईव्हीएम घोटाळा एकाला शक्य नाही, असेही अजित पवार म्हणाले.

  • 03 Dec 2023 01:39 PM (IST)

    Telangana Assembly Election 2023 : मोठी बातमी तेलंगणाचे मुख्यमंत्री केसीआर मत मोजणीमध्ये पिछाडीवर

    तेलंगणाचे मुख्यमंत्री केसीआर हे मत मोजणीमध्ये पिछाडीवर गेले आहेत. काँग्रेस प्रदेशाध्यक्ष रेवंती रेड्डी हे केसीआर यांच्याविरोधात लढत आहेत. मतमोजणीच्या तिसऱ्या फेरीनंतर काँग्रेस उमेदवार आणि प्रदेशाध्यक्ष ए रेवंत रेड्डी हे कामारेड्डीमध्ये 2,585 मतांनी आघाडीवर आहेत.

  • 03 Dec 2023 01:30 PM (IST)

    Assembly Election Results 2023 : शरद पवार यांची मोठी प्रतिक्रिया, यापेक्षा वेगळा निकाल लागेल अशी…

    यापेक्षा वेगळा निकाल लागेल, अशी माहिती आमच्याकडे नव्हती. मागची पाच वर्षे राजस्थानमध्ये काँग्रेसची सत्ता होती. त्यामुळे आता नव्या लोकांना संधी द्यावी, असा मूड राजस्थानच्या जनतेचा दिसतो. त्याला साजेसा असा निकालाचा सुरुवातीचा कल दिसत असल्याची प्रतिक्रिया शरद पवार यांनी दिली आहे. ज्यांच्या हातात सध्या सत्ता आहे. त्यांच्याकडे आताही सत्ता जाईल, असं वाटत होतं. मात्र राहुल गांधी यांची हैदराबादला जाहीर सभेला झालेली गर्दी पाहिल्यानंतर येथे परिवर्तन होईल याची खात्री  आम्हा लोकांना झाली.

  • 03 Dec 2023 01:11 PM (IST)

    Rajasthan Election Results 2023 : राजस्थान मध्ये भाजपला धक्का, 7 पैकी 4 खासदार पिछाडीवर

    राजस्थानमध्ये भाजपचे 7 पैकी 4 खासदार पिछाडीवर आहेत. झोटवाड़ा येथून राज्यवर्धन राठौड़, किशनगढ़ येथून भागीरथ चौधरी, सांचोर येथून देवजी पटेल आणि मंडावा मधून नरेंद्र कुमार हे खासदार पिछाडीवर आहेत.

  • 03 Dec 2023 11:57 AM (IST)

    Telagna Election Results 2023 : तेलंगणामध्ये कॉंग्रेसचा पहिला निकाल हाती, आदिनारायण विजयी

    चार राज्यांच्या निवडणुकांमधून तेलंगणामधील पहिला निकाल हाती आला आहे. कॉंग्रेसचे आदिनारायण हे विजयी झाले आहेत. अश्वरा पेट या मतदार संघातून ते विजयी झाले आहे. हा मतदार संघ अनुसूचित जमातीसाठी (Scheduled Tribes) राखीव होता.

  • 03 Dec 2023 11:32 AM (IST)

    मध्यप्रदेश, राजस्थानमध्ये भाजपची मोठी आघाडी; काँग्रेसची पिछेहाट,मोदींची जादू कायम

    कॉंग्रेसची तेलंगणा वगळता अन्य तीन राज्यात मोठी पीछेहाट झाल्याचे दिसत आहे. मध्यप्रदेश, छत्तीसगड आणि राजस्थान येथे भाजपने बहुमताचा जादुई आकडा पार केला आहे. या निकालामुळे देशात मोदी नावाची जादू कायम असल्याचे दिसत आहे.

  • 03 Dec 2023 11:05 AM (IST)

    निवडणुकांचा कल हाती येताच मोठ्या घडामोडी सुरु, कॉंग्रेस, भाजपच्या बैठकांचा जोर

    पंतप्रधान नरेंद्र मोदी संध्याकाळी 6 वाजता दिल्ली मधील भाजप कार्यालयात जाणार आहेत. तर कॉंग्रेसचे राष्ट्रीय अध्यक्ष मल्लिकार्जुन खरगे यांनी इंडीया आघाडीच्या बैठकीसाठी नेत्यांना निमंत्रित केलं आहे. 6 डिसेंबरला इंडीया आघाडीची दिल्लीत बैठक होणार आहे.

  • 03 Dec 2023 10:52 AM (IST)

    तेलंगणात काँग्रेस कार्यकर्त्यांचा जल्लोष

    निवडणूक आयोगाच्या ट्रेंडनुसार तेलंगणामध्ये काँग्रेस 52 जागांवर आघाडीवर आहे. या पार्श्वभूमीवर काँग्रेस कार्यकर्ते पक्ष कार्यालयाबाहेर फटाके फोडून आनंदोत्सव साजरा करत आहेत.

  • 03 Dec 2023 10:45 AM (IST)

    BJP चा काँग्रेसवर ट्रिपल अटॅक, MP-राजस्थान आणि छत्तीसगडमध्ये मोठी आघाडी

    चार राज्यांमध्ये झालेल्या विधानसभा निवडणुकीत भाजपने चांगली कामगिरी केल्याचे चित्र हाती येणाऱ्या प्राथमिक फेऱ्यांमधून समोर येत आहे. हाती आलेल्या ट्रेंडनुसार भाजपला मध्य प्रदेश, राजस्थान आणि छत्तीसगडमध्ये बहुमत मिळाले आहे. तर, तेलंगणात काँग्रेस बहुमताच्या वाटेवर आहे.

    कोण किती जागांवर पुढे?
    राजस्थान: भाजप- 117, काँग्रेस 67
    मध्य प्रदेश: भाजप- 143, काँग्रेस 84
    छत्तीसगड : भाजप-48, काँग्रेस 40
    तेलंगणा: BRS-45, तेलंगणा-67 आणि भाजपा-3

  • 03 Dec 2023 10:34 AM (IST)

    तेलंगणातील 10 व्हीआयपी जागा; केसीआर, रेड्डी अन् राजा गुलाल कोण उधळणार?

    मध्य प्रदेश, राजस्थान, छत्तीसगड या तीन राज्यात भाजप आणि काँग्रेस यांच्यात काट्याची टक्कर दिसून येत आहे. तर दुसरीकडे तेलंगाणा राज्य निर्मितीपासून सत्ता काबीज केलेल्या केसीआर यांच्या बीआरएसला (BRS) धक्का देण्याची तयारी काँग्रेसने केली आहे. सध्याच्या कलात काँग्रेस (Congress) आघाडीवर दिसत आहे. एक्झिट पोलमधील निष्कर्षानुसार राज्यात काँग्रेसची सत्ता येईल असा अंदाज व्यक्त करण्यात आला आहे. या निवडणुकीत स्वतः मुख्यमंत्री के. चंद्रशेखर राव, काँग्रेसचे दिग्गज नेते रेवंथ रेड्डी, एमआयएमचे असदुद्दीन ओवैसी आणि भाजपाचे राजा या उमेदवारांच्या भवितव्याकडे लक्ष लागले आहे.

    Telangana Election Result : तेलंगणातील 10 व्हीआयपी जागा; केसीआर, रेड्डी अन् राजा गुलाल कोण उधळणार?

     

  • 03 Dec 2023 10:27 AM (IST)

    मध्य प्रदेश मध्ये कोण आघाडीवर

    मध्य प्रदेश निवडणूक 2023: भाजप 133 जागांवर तर काँग्रेस 52 जागांवर आघाडीवर: निवडणूक आयोग

     

     

  • 03 Dec 2023 10:23 AM (IST)

    MP मध्ये 'मामां' ची जादू

    मध्य प्रदेशात भाजपने अप्रतिम कामगिरी केली आहे. 230 जागांपैकी 144 जागांवर भाजप आघाडीवर असून, काँग्रेस 82 जागांवर पुढे आहे. तर, राजस्थानमध्ये भाजप 115 जागांवर तर, काँग्रेस 72 जागांवर आघाडीवर आहे.

  • 03 Dec 2023 10:16 AM (IST)

    तेलंगानामध्ये कोण आघाडीवर

    तेलंगणा निवडणूक 2023: काँग्रेस 38, बीआरएस 23 आणि भाजप 2 जागांवर आघाडीवर आहे.

     

  • 03 Dec 2023 10:02 AM (IST)

    परंपरा कायम राहणार की काँग्रेस पुन्हा सत्तेत येणार? जाणून घ्या, अशोक गेहलोत यांची ग्रह दशा

    राजस्थानच्या राजकारणात सत्ताबदलाची परंपरा प्रत्येक विधानसभा निवडणुकीत (Rajasthan Election Result) पाहायला मिळते. यावेळी विद्यमान मुख्यमंत्री अशोक गेहलोत (Ashok Gehlot) यांच्या कुंडलीचा (Horoscope) विचार करता याची शक्यता कमी दिसते. जन्मकुंडलीनुसार या दिवसांत देवगुरू गुरूची विशेष कृपा आहे. गोचरच्या गुरूची सकारात्मक उर्जेचा प्रवाह कायम सुरु आहे. याशिवाय राहूच्या महादशामध्ये गुरूची अंतरदशाही कायम दिसून येते.

    परंपरा कायम राहणार की काँग्रेस पुन्हा सत्तेत येणार? जाणून घ्या अशोक गेहलोत यांची ग्रह दशा

Tags

follow us