कॉकरोच जनता पार्टीच्या एक्स अकाऊंटवरील बंदी हटवली; केंद्र सरकारचा आदेश दिल्ली हायकोर्टाकडून रद्द

Cockroach Janata Party's X account दिल्ली उच्च न्यायालयाने कॉकरोच जनता पार्टीचे एक्स खाते पुन्हा सुरू करण्याचे आदेश दिले आहेत.

Ban on Cockroach Janata Partys’ X account lifted Delhi High Court quashes Central Government’s order : दिल्ली उच्च न्यायालयाने कॉकरोच जनता पार्टी (CJP) या संघटनेचे एक्स (पूर्वीचे ट्विटर) खाते पुन्हा सुरू करण्याचे आदेश दिले आहेत. केंद्र सरकारने खाते ब्लॉक करण्यासाठी दिलेला आदेश रद्द करताना न्यायालयाने अभिव्यक्ती स्वातंत्र्यावर घालण्यात येणाऱ्या निर्बंधांची कायदेशीर कसून तपासणी होणे आवश्यक असल्याचे नमूद केले.

लाडकी बहीण योजनेचे पैसे वाढवा; पंतप्रधानांच्या आर्थिक सल्लागार परिषदेच्या शिफारसी

सुनावणीदरम्यान केंद्र सरकारतर्फे सॉलिसिटर जनरल Tushar Mehta यांनी युक्तिवाद केला की, NEET पुनर्परीक्षेपूर्वी कोणताही गोंधळ किंवा दिशाभूल होऊ नये, यासाठी संबंधित एक्स खाते तात्पुरते ब्लॉक करण्यात आले होते. यावर दिल्ली उच्च न्यायालयाने म्हटले की, NEET संदर्भातील केंद्र सरकारची मुख्य चिंता आता अप्रासंगिक ठरली आहे. त्यामुळे संबंधित एक्स खाते ब्लॉक करण्याचा आदेश कायम ठेवण्याचे कारण उरत नसल्याने तो रद्द करण्यात येत आहे.

I would like to thank @SibalAkhil sir, @vrindagrover ma’am, and @NakulGandhi511 for helping us get justice.

This is a big victory for free speech! https://t.co/TaUqOJcr1R

— Abhijeet Dipke (@abhijeet_dipke) July 7, 2026

जंतर-मंतरवर आंदोलन सुरूच

NEET-UG प्रश्नपत्रिका गळती आणि परीक्षेतील कथित अनियमिततेच्या निषेधार्थ तसेच केंद्रीय शिक्षणमंत्री Dharmendra Pradhan यांच्या राजीनाम्याच्या मागणीसाठी ‘कॉकरोच जनता पार्टी’कडून गेल्या 18 दिवसांपासून दिल्लीतील जंतर-मंतर येथे आंदोलन सुरू आहे. दरम्यान, सामाजिक कार्यकर्ते Sonam Wangchuk यांच्या बेमुदत उपोषणाचा मंगळवारी दहावा दिवस पूर्ण झाला. उपोषण सुरू झाल्यापासून त्यांचे वजन सुमारे 6.9 किलोने घटल्याची माहिती समोर आली आहे. या पार्श्वभूमीवर अभिजीत यांनी सरकारने या प्रश्नाकडे गांभीर्याने लक्ष देण्याची मागणी केली आहे.

‘कॉकरोच जनता पार्टी’ची देशभरात चर्चा

अलीकडच्या काळात ‘कॉकरोच जनता पार्टी’ या नावाची देशभरात मोठी चर्चा सुरू आहे. ही संघटना भविष्यात औपचारिक राजकीय पक्षाच्या रूपात उदयास येणार का, याबाबत विविध स्तरांवर तर्क-वितर्क व्यक्त केले जात आहेत. मात्र, याबाबत अद्याप कोणतीही अधिकृत घोषणा करण्यात आलेली नाही.

संबंधित बातम्या