Modi Government : शेतकऱ्यांना गिफ्ट; खरीप पिकांच्या हमीभाव वाढीला केंद्राची मंजुरी
- Written By: sagargorkhe letsup Published:
MSP for Kharif crops : केंद्रीय मंत्रिमंडळाने (Union Cabinet)2023-24 च्या खरिपातील पिंकांसाठी वाढीव किमान आधारभूत किंमत(MSP) वाढवण्यास मंजुरी दिली आहे. शेतमाल उत्पादकांना त्यांच्या उत्पादनासाठी फायदेशीर भाव सुनिश्चित करण्यासाठी आणि पीक विविधतेला प्रोत्साहन देण्यासाठी हा निर्णय घेतल्याची माहिती केंद्रीय मंत्री पियुष गोयल (Piyush Goyal)यांनी दिली आहे. (cabinet-approves-increased-msp-for-kharif-crops)
Prabhas: अखेर प्रभासचा लग्नाबद्दल मोठा खुलासा; म्हणाला, ‘पवित्र स्थळी…’
केंद्रीय मंत्रिमंडळाने 2023-24 साठी धानाच्या किमान आधारभूत किमतीत 143 रुपये प्रति क्विंटल ते 2,183 रुपये वाढ करण्यास मान्यता दिली. मुगाच्या किमान आधारभूत किंमतीत सर्वाधिक 8,558 रुपये प्रति क्विंटल वाढ करण्यात आली आहे.
केंद्रीय मंत्री पीयूष गोयल म्हणाले की, उत्पादकांना त्यांच्या उत्पादनासाठी फायदेशीर भाव मिळावा आणि पीक विविधतेला प्रोत्साहन देण्यासाठी हे पाऊल उचलले जात आहे. कापसाच्या एमएसपीमध्ये 8.9 टक्के वाढ झाली आहे, तर सूर्यफूल आणि सोयाबीनच्या किमान आधारभूत किमतीतही वाढ करण्यात आली आहे. तूर डाळीच्या एमएसपीमध्ये 400 रुपये प्रति क्विंटल वाढ करण्यास मंत्रिमंडळाने मंजुरी दिली आहे.
मंत्रिमंडळ विस्तार छोटेखानी, ‘इतके’च आमदार घेणार शपथ; अनेक इच्छुकांचा होणार हिरमोड
आता तूर डाळीचा एमएसपी प्रति क्विंटल 7,000 रुपये झाला आहे. त्याचप्रमाणे उडद डाळीच्या एमएसपीमध्ये 350 रुपये प्रति क्विंटल वाढ मंजूर करण्यात आली असून त्यानंतर ती 6950 रुपये प्रति क्विंटल करण्यात आली आहे.
यापूर्वी, केंद्र सरकारने 2023-24 (जुलै-जून) पीक वर्षात तूर, उडीद आणि मसूर या तीन कडधान्यांसाठी किंमत समर्थन योजना (PSS) अंतर्गत 40 टक्के खरेदीची मर्यादा काढून टाकली होती. देशांतर्गत उत्पादन वाढवण्यासाठी सरकारने हे पाऊल उचलले आहे. अन्न आणि ग्राहक व्यवहार मंत्रालयाने मंगळवारी सांगितले की, यावर्षी शेतकरी त्यांचे तूर, उडीद आणि मसूर उत्पादन PSS अंतर्गत कोणत्याही प्रमाणात विकू शकतील. MSP for Kharif crops
सरकारच्या या निर्णयामुळे सूर्यफूल, धान आणि कापूस, भुईमूग आणि सोयाबीन पिकवणाऱ्या शेतकऱ्यांनाही फायदा होणार आहे. केंद्रीय मंत्री पियुष गोयल यांच्या मते, मूग डाळ 10.4%, भुईमूग 9%, तीळ 10.3%, धान 7%, ज्वारी, बाजरी, नाचणी, तबेल, अरहर डाळ, उडीद डाळ, सोयाबीन, सूर्यफूल 10.4% ची कमाल आधारभूत किंमत वाढली आहे. 2023-2024 या आर्थिक वर्षासाठी बियाण्यांवर सुमारे 6-7% वाढ झाली आहे. मंत्रिमंडळाने 2023-24 या वर्षासाठी धानाचा एमएसपी 143 रुपयांनी वाढवून 2183 रुपये प्रति क्विंटल केला आहे.
