Delhi Corona Update : राजधानी दिल्लीत कोरोनाचा उद्रेक…

Delhi Corona Update : राजधानी दिल्लीत कोरोनाचे रुग्ण झपाट्याने वाढत आहेत. बुधवारी एकाच दिवसात ११०० हून अधिक कोरोना रुग्ण आढळून आले आहेत. तर एका कोरोना रुग्णाचा मृत्यू झाला आहे. मात्र, मंगळवारच्या तुलनेत संसर्ग दरात घट नोंदवण्यात आली आहे. 

दिल्लीत बुधवारी २४ तासांत कोरोनाचे ११४९ रुग्ण आढळले आहेत. यासोबतच एका कोरोना रुग्णाचाही मृत्यू झाला आहे. विशेष म्हणजे मंगळवारच्या तुलनेत दिल्लीत संसर्गाचे प्रमाण कमी झाले आहे. आज, राष्ट्रीय राजधानीत संसर्ग दर २३.८ टक्के नोंदवला गेला, जो ११ एप्रिल रोजी २५.९८ टक्के होता.

बुधवारी नोएडामध्ये ६९ नवीन कोरोना रुग्ण आढळले. ३६ रुग्ण संसर्गातून बरे झाले आहेत. सक्रिय प्रकरणे ३५० पर्यंत वाढली आहेत. रुग्णालयात १५ रुग्ण दाखल आहेत. कोविड रुग्णालयात दाखल असलेल्या रुग्णाला ऑक्सिजन प्लांटवर ठेवण्यात आले आहे. २४ तासांत २००३ संशयितांची खासगी आणि सरकारी रुग्णालयात तपासणी करण्यात आली आहे.