आणखी एक विमान कंपनी दिवाळखोरीत! रोकड संपल्याने सर्व उड्डाणे रद्द

Go First Airline Bankrupt : वाडिया समूहाची विमान कंपनी गो फर्स्ट दिवाळखोरीच्या (bankrupt airline) उंबरठ्यावर पोहोचली आहे. कंपनीने एनसीएलटीमध्ये (Voluntary insolvancy proceedings)ऐच्छिक दिवाळखोरी कार्यवाहीसाठी अर्ज केला आहे. पीटीआयने कंपनीचे सीईओ कौशिक खोना यांच्या हवाल्याने ही माहिती दिली आहे.

खोना म्हणाले की, एअरलाइनची 28 विमाने रद्द करण्यात आली आहेत. म्हणजेच निम्म्याहून अधिक विमाने उडू शकत नाहीत. याचे कारण म्हणजे इंजिन बनवणाऱ्या प्रॅट आणि व्हिटनी (Pratt & Whitney) ने त्याचा पुरवठा बंद केला आहे. त्यामुळे कंपनीकडे निधीची मोठी कमतरता आहे. विमान कंपनीची रोकड संपली आहे. यामुळे ते तेल विपणन कंपन्यांची थकबाकी भरु शकत नाहीत.

या कंपन्यांनी त्यांना तेल देण्यास नकार दिला आहे. त्यामुळे 3 आणि 4 मे रोजी GoFirst विमाने उड्डाण करणार नाहीत. खोना म्हणाले की दिवाळखोरीचा निर्णय जाहीर करणे हा एक दुर्दैवी निर्णय होता परंतु कंपनीच्या हिताचे रक्षण करण्यासाठी असे करण्यास भाग पाडले गेले. विमान कंपनीनेही याबाबत सरकारला कळवले आहे. यासोबतच हा सर्वसमावेशक अहवाल नागरी विमान वाहतूक नियामक DGCA लाही देणार आहे.

मोठी बातमी, कॉंग्रेसचे DK Shivakumar यांच्या हेलिकॉप्टरला अपघात

इंजिन उपलब्ध नसल्यामुळे कंपनीची अर्ध्याहून अधिक विमाने उड्डाण करू शकत नाहीत. त्यामुळे त्याच्या रोख रकमेवर वाईट परिणाम झाला आहे. तसेच, त्याच्या Airbus A320 Neo विमानांना Pratt & Whitney इंजिनचा पुरवठा केला जात नाही. GoFirst एक धोरणात्मक गुंतवणूकदार शोधत आहे आणि संभाव्य गुंतवणूकदारांशी चर्चा करत आहे.

कंपनी गेल्या अनेक आठवड्यांपासून रोख रक्कम जमा करण्यासाठी संघर्ष करत आहे. ते म्हणाले की त्यांनी 3 आणि 4 तारखेच्या सर्व फ्लाइट रद्द केल्या आहेत. तेल विपणन कंपनीच्या अधिकाऱ्याने सांगितले की, GoFirst कॅश अँड कॅरी मोडमध्ये आहे. याचा अर्थ कंपनी दररोज उड्डाण केलेल्या फ्लाइटच्या पैशातून तेल खरेदी करते. कंपनीने पैसे न दिल्यास त्यांना होणारी तेलाची विक्री बंद करण्यात येईल, असे मान्य करण्यात आले आहे.